YEREMIA 19:8 - KITAB NU TUMPU ALLA LELE MA'IMAI'

⁸ Ku potudunmo hi aha na balaa' anu opalias hondo ikota' aiya sahingga batu-batu mian anu motulu ikiijo' tolokengkengmo ka' mabuhukmo.

YEREMIA 19:8 ပူးပေါင်းရင်းမြစ်များ

YEREMIA 18:16

Lipu' aiya pinotimbalimo nu aha tampat anu okabuhuk hondo ka' saja'mo timbali bau sisik anu okokojoi. Iwi-iwi' na anu motulu ikiijo' mahalilokanmo ubak kalana mabuhukmo.

YEREMIA 49:13

Aku basumpa' atas sanggong-Ku saba' kota' Bozra timbalimo ahi' tampat anu okabuhuk hondo anu pinala'ianmo nu mian. Mian saidi' mae mongkokojoimo ia ka' mompakemo sanggonyo lewa' bau pontotobi'akon. Iwi-iwi' na kampung anu toto ise-ise' kiijo' idaerahnyo singkapmo ma'idek sampe toka sidu-sidutu'. Aku, Tumpu, notataemo.”

1 TOMU-TOMUNDO' 9:8

Laigan ponsomban aiya timbalimo tambulan nu anu nopapu sahingga toto samian anu montulu i kiijo' tolokengkeng ka' mongoa'i mabuhuk. Aha motatae, 'Kadaka' Tumpu nombaumo susumo aijo' i lipu' ka' laigan aiya?'

ZEFANYA 2:15

Sumo aijo' na anu jadi saidi' mae i kota' aijo' anu talalomo hondo lame' ka' mongoa'i butongnyo madi' ko anu mompoposia. Mian anu jojoong ikiijo' monsangka au' aitu kota' nu aha aijo' kota'mo anu talalo hondo daka' i dunia aiya! Liingmo hondo na daerah aijo' madi'mo ko miannyo anu monjojoongi me to bina-binatang nu alas na mimpeta ikiijo'! Batu-batu mian anu motulu ikota' aijo' tolokengkeng ka' mongoaimo mabuhuk.

YEREMIA 50:13

Kalana Aku notambuha'mo sahingga Babel timbalimo tampat anu nohobo'-hobo'mo ka' madi'mo daagi' ko anu monjojoongi. Iwi-iwi' na mian anu motulu ikiijo' tolokengkengmo ka' mule' mabuhukmo.

YEREMIA 25:18

Yerusalem tiba iwi-iwi' na kota' nu Yehuda tiba to tomu-tomundo' ka' mian anu ko pangkatnyo pino inumankumo anggur aijo', sahingga aha jinadimo susumo padang tampat anu kinunmo ka' okabuhukmo. Sampe toka sinaa uuka sanggo nu aha opakemo bau pongkutuki.

IMAMAT 26:32

Lipu' nu belemiu Ku ideimo ingko-ingkot sahingga sampobali' nu belemiu anu nonjojoongimo kiijo' tolokengkengmo na montoa anu ingideanmo hondo aijo'.

PO'ULE' INGULIT 28:37

Iyaya mae na lipu' pinongga'a-ga'atakonan nu Tumpu belemiu, to mia-miannyo mabuhukmo na montoa belemiu; belemiu lewa'mo o'aluu ka' nukokojoi nu aha.

PO'ULE' INGULIT 29:22

I mihinyo mae, lee' nu belemiu ka' mian anu lengkat mae i salipu'an majo'on montoamo balaa' haha aijo', kasansala'an-kasansala'an anu nupotoka mae nu Tumpu i lipu' nu belemiu.

YEHEZKIEL 27:36

Beleyum madi'mo otoa sampe toka sidu-sidutu'. To mia-mian anu badagang isongko-songko na dunia tinolokengkengmo kalana nabuhukmo dumo saidi' mae molasaimo susumo aijo'.”

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”