YEREMIA 19:4 - KITAB NU TUMPU ALLA LELE MA'IMAI'

⁴ Han aijo' Ku baumo kalana bansa aiya nompala'imo Aku. Aha nohumimi'imo tampat aiya kalana nonsombahkonmo koloban hi to pilo-pilogot anu madi' nu sumbu' nu aha, hi pompolee' nu aha ka' hi to tomu-tomundo' nu Yehuda. Aha mule' ahi' nongisiimo tampat aiya nu baso' nu to mia-mian anu madi' kokasala'annyo.

YEREMIA 19:4 ပူးပေါင်းရင်းမြစ်များ

2 TOMU-TOMUNDO' 21:16

Misa' ola nonsaduakonmo mian nu Yehuda binaladosa'mo hi Tumpu kalana binapilogotmo, panyo suele i Manasye nompateimo manjoo' hondo na mian anu madi' ko sala'nyo sahingga baso' no'ilimo iyaya mae i Yerusalem.

2 TOMU-TOMUNDO' 23:10

Tofet, aijo'mo tampat ponsomban pilogot i Bangka' nyo nu Hinom i humimi'anmo. Tiba jalan anu sumo aijo' madi'mo daagi' ko mian anu timbali monsombahkon anaknyo salaku koloban anu opotunu ka' osombahkon hi Pilogot nu Molokh.

2 TOMU-TOMUNDO' 24:4

Anu talalo hondo aijo'mo iwi-iwi' na anu binaunyomo nompatei to mia-mian anu madi' ko sala'nyo. Tumpu madi'mo daagi' mongampuni sinin na lalakuan i Manasye aijo'.

MAZMUR 106:38

Aha nombubusakonmo baso' nu mian anu madi' kosala'nyo, baso' nu posi to ana-anak nu aha, da okolobanakon hi to pilo-pilogot; sahingga lipu' nu aha aijo', i ngedeanmo nu aha.

YESAYA 59:7

Belemiu saja' balatanga' mombau anu ma'idek ka' gagalan sampa obau. Madi' bata-bata na belemiu mompatei mian anu madi' ko sala'nyo. Mau moya na belemiu mamba, belemiu mompala'i anu singkapmo ma'idek tiba kasilaka'an.

YESAYA 65:11

Panyo misa' sumo aijo' na nasib nu to mia-mian anu nompala'imo Aku, anu madi' mompajuli Sion, puge'-Ku anu susi', anu monsombahkon kaanon hi Gad ka' hi Meni to pilo-pilogot nu ka'untungan ka' nasib nu mian.

YEREMIA 1:16

Ku hukumo na mian anu palesayamo hi beleng-Ku, kalana aha binaladosa'mo ka' nohikumo mae Aku. Aha nonsombahkonmo koloban hi pilogot nu aha ka' lewa'mo nombau patong ka' sinombahmo nu aha.

YEREMIA 11:13

Pilogot nu aha Yehuda manjoo' hondo, sumo konjoo'nyo nu kota' nu aha. Mian anu jojoong i Yerusalem nompotinjomo mezbah-mezbah sumo konjoo'nyo nu jalan ikota' Yerusalem da bau ponsombahkonan koloban hi Pilogot Baal.

YEREMIA 15:6

Belemiu madi'mo nontalima ka' mule' nompala'imo Aku, kalana aijo' Ku tangkakonmo na limang-Ku da mohansunimo belemiu, kalana na osamo na Aku nongintim tambuha'-Ku.

YEREMIA 16:11

Poto'i hi aha Aku notatae sumo uuka, ‘Mompolee' nu belemiu nompala'imo Aku da monsombahmo ka' palesayamo hi pilogot sangga'at. Aha nonteemo Aku ka' madi'mo nongka'oho' nontuluti sinin na atulan-Ku.

YEREMIA 17:13

O Tumpu, Belentomo na bau kataha'imanan nu Israel, mian anu palesayamo hi Belento; iwi-iwi' na anu nompala'imo Belento saidi' mae ma ambangmo. Aha saidi' mae mingkotmo madi'mo ko anu idunia aiya ka' mambamo idunia nu mian anu sinilakamo. Kalana, Belento pipinolengkatan mae nu uee anu bau kantumuu'an pinala'ianmo nu aha, o Tumpu.

YEREMIA 17:20

Potokakon na potuunon-Ku hi to tomu-tomundo' ka' iwi-iwi' na aha mian nu Yehuda ka' mule' hi iwi-iwi' na mian anu jojoong i Yerusalem anu motulu isabatan haha aijo'.

YEREMIA 18:15

Panyo mian anu palesayamo hi beleng-Ku nongkolilimimo Aku, ka' nompapuimo kamangian sinombahkon hi pilogot. Aha tinasala'mo ijalan nai-naipuan mae anu tionyo ahi' nu tului nu aha, lantas noselemo namba ijalan anu ma'isa pinohata.

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEREMIA 2:17

Posi beleyumo ahi' na nonsabapi iwi-iwi' na anu jinadimo hi butong nu beleyum kalana tempo'nyo beleyum tinaka'-Kumo na ilumajang beleyum nohikumo mae Aku, Tumpu Allah nu beleyum.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

YEREMIA 2:30

Ola palasuma' na belemiu Ku hukum, kalana belemiu madi' mongka'oho' montalima pokinde'. Pokakana susumo singa anu nangamu'mo, sumo aijo'mo na belemiu nompateimo to nabi-nabi nu belemiu.

YEREMIA 2:34

Baju' nu belemiu binanodamo nu baso' nu mian kasiasi tiba mian anu madi' kosala'nyo, misa' baso' nu mian anu saja' montomang na ihakop. Panyo maumo ahi' sumo aijo',

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.

YEREMIA 22:3

“Tionyo ahi' adin ka' hodi' na kinyonyoa. Pobebasmo na mian anu me saja' o ala na tenaganyo nu aha anu balakuasa anu saja' mongala tenaga nu mian. Boli mombee'i kasansala'an kabai mombau anu ma'idek hi aha mian anu isalipu'an mae, hi aha anak anu madi'mo ko tinanyo ka' tuumanyo, kabai hi aha anu binalumo. Boli mompatei mian anu madi' ko sala'nyo itampat aiya.

YEREMIA 26:15

Panyo jaga ahi', de belemiu mompateimo mae aku, belemiu tiba mian anu jojoong ikota' aiya montanggungimo kasala'an kalana nompateimo mian anu madi' ko sala'nyo. Kalana Tumpu ahi' na nonsaimo mae aku da mompokinde'i belemiu.”

YEREMIA 26:23

Lantas binoamo mae nu aha na ia hi Tomundo' Yoyakim. Lapas aijo' pinalentahmo i tomundo'da opateimo na ia, ka' bangke'nyo mamba o alin itampat polamunan nu aha mian da'isan.

YEREMIA 44:3

Han aijo' jinadimo kalana mian anu monjojoongi binaladosa'mo, sahingga nonsabapimo notambuha'mo. Aha nonsombahkonmo koloban ka' nonsombahmo to pilo-pilogot anu ma'isa' toho' sinombah nu aha, ka' mule' belemiu kabai mompolee' nu belemiu.

YEREMIA 5:6

Mokonyo aijo' aha nu pateimo ahi' nu singa nu alas ka' nu bea-beakmo nu serigala anu lengkat mae ipadang tampat anu mateges. Macan tutul sumolinsapmo molio kaanonnyo koko kota-kota' nu aha, ka' ihehe na anu mosabat mae nu sa'umo. Iwi-iwi' aijo' saidi' mae jadimo kalana aha nanjoo'mo na binaladosa' ka' saja'mo nohiku mae Tumpu Allah.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

YEREMIA 7:9

Belemiu montomang, mompatei, masala', timbali sakisi anu baleko', monsombahkon koloban hi Baal ka' mule' monsombah to pilo-pilogot anu madi' osumbu' nu belemiu.

MOHAANGI 4:13

Panyo han aijo' jinadimo, kalana dosa' nu to ima-imam ka' to nabi-nabi. Aha nombubusakonmo baso', nu mian anu madi' ko sala'nyo.

YEHEZKIEL 20:26

Pinojohok-Kumo na aha nohumimi'imo butong nu aha sola-sola'mo nongkolobanakonmo anu posi kinolobanakonmo nu aha ka' mule' to ana-anak mo'ane nu aha anu tumpenyo kinolobanakonmo nu aha. Tiba jalan anu sumo aijo' na bau pohukum-Ku aha da nu sumbu' nu aha taalu' Akumo ahi' na Tumpu.

YEHEZKIEL 7:22

Aku madi'mo daagi' montulungi de maluanyo Laigan-Ku o'ideimo ka' ohumimi'imo nu to tolo-tololang.

YEHEZKIEL 8:11

Aha pitumpulu' na to pola-polaya' nu bansang Israel daagi' ikiijo' tua-tuangmo suele ikiijo' na i Yaasaya anak i Safan. Toto samian montoongi sa'angu' na anu pinompapuanmo kamangian anu kinopuha-puhamo na tibuknyo.

DANIEL 11:31

Lantas ia mompalentahmo tompukan-tompukan nu suludadu anu mohumimi'i Laigan nu Tumpu. Aha madi'mo mompobee' koloban anu sansina-sinaa osombahkon ka' mule' mongatunmo anu okaideki osa-osanggohi palabuatan anu Ma'idek ka' bisa monsaduakon kahansunan.

LUKAS 11:50

Tumpu mombau aijo' da to mia-mian tempo' aiya o hukum kalana nompateimo, anu bina-binau hi iwi-iwi' na nabi salatanmo pe'e dunia pinotimbali,

PO'ULE' INGULIT 13:13

daagi' ko to pia-piangkuka na mian anu ma'idek itina' i bansa nu belemiu anu nonsaduakonmo da pinonga' na mian nu kota binapikin sahingga nonsombahmo to pilo-pilogot anu madi' osumbu' nu belemiu.

PO'ULE' INGULIT 13:6

De utus nu belemiu kabai anak nu belemiu mo'ane kabai boune, kabai bengkele' nu belemiu anu okalibosi nu belemiu kabai sangalu anu mompahakona hondo belemiu madi' osumbu-sumbu' taalu' nonsale'imo belemiu da monsombah to pilo-pilogot sangga'at nu to bansa-bansa anu jojoong ohani kabai majo'on,

PO'ULE' INGULIT 28:20

De belemiu mombaumo anu ma'idek, ka' madi'mo mompajuli Tumpu, Nu potokamo saidi' mae na balaa', kahengge'an, kasusa'an i han iwi-iwi' apaa na anu obau nu belemiu, sahingga i uno nu tempo' anu madi' pin, belemiu opateimo iwi-iwi'.

PO'ULE' INGULIT 28:36

Belemiu ka' tomundo nu belemiu nuboamo nu Tumpu i lipu' nu mian anu i salipu'an anu madi' osumbu' nu belemiu ka' suele madi' osumbu nu mompolee' miu. Ikiijo' mae belemiu mompalesayamo to pilo-pilogot anu kau' ka' batu na binau.

PO'ULE' INGULIT 28:64

Tumpu mongga'a-ga'atakonmo belemiu mamba hi bansa-bansa anu i songko-songko na dunia aiya. Ikiijo' mae belemiu monsombahmo to pilo-pilogot anu kau' ka' batu na binau, to pilo-pilogot anu madi' osumbu' nu belemiu ka' suele madi' nusumbu' nu mompolee' nu belemiu.

ANU PINOTO'I HI YOHANES 16:6

Aha nombubusakonmo baso' nu mian anu pinalesayamo hi Tumpu Allah ka' baso' nu to nabi-nabi; uuka aiya Belento nompo'inummo aha nu baso'. Memang konanyomo na aijo' hi aha!”

TO MIA-MIAN KOPIAN 5:8

Salatan Israel nonsombahmo pilogot, sinidamo na pahampatean i lipu' nu aha; aha anu 40.000 na suludadu nu bansa, mau pe'e ola samian madi' ko anu nontangkakon pimuhuknyo.