YEREMIA 19:3 - KITAB NU TUMPU ALLA LELE MA'IMAI'

³ Aku tionyo ahi' motatae sumo uuka, “O to tomu-tomundo nu Yehuda tiba mian anu jojoong i Yerusalem! Potombihing mae apaa na anu, Aku, Tumpu Anu Mahakuasa, Tumpu Allah nu Israel kahanda' mompoto'i hi belemiu. Ku potokamo mae na balaa' anu daka' hondo itampat aiya sahingga mian anu nohongomo tinolokengkengmo.

YEREMIA 19:3 ပူးပေါင်းရင်းမြစ်များ

MAZMUR 102:15

Kalana to posa-posaihon nu Belento nongka'ima'imo ia, maumo ia nohobo'mo. Aha nongkalibosimo ia maumo ia tinimbalimo abu'.

MAZMUR 110:5

Tumpu i Sasu koanan nu beleyum, de Ia motambuha', to tomu-tomundo, Nu patundu'mo.

MAZMUR 2:10

Jadi intomakon, o to tomu-tomundo', boli okolilimi, o belemiu iwi-iwi' anu montoongi kakuasa'an nu dunia!

YESAYA 28:19

Belemiu nu tokaimo mae nu kasusa'an anu madi'ko kamingkotannyo ka' otanggungmo ahi' nu belemiu na aijo' sansina-sinaa, daagi' subu ka' mule' de pihimo. Belemiu nulakatmo bau nu buhuk de belemiu mompahamimo potuunon nu Tumpu.

YEREMIA 13:18

Tumpu notataemo mae hi belengku, “Palentah na i tomundo' tiba bengkele'nyo da mintatau'mo mae ikadelanyo, kalana makota'nyo anu ma'ima' aijo' nanabu'mo mae madi'mo ko anu atina' i ubak nyo.

YEREMIA 17:20

Potokakon na potuunon-Ku hi to tomu-tomundo' ka' iwi-iwi' na aha mian nu Yehuda ka' mule' hi iwi-iwi' na mian anu jojoong i Yerusalem anu motulu isabatan haha aijo'.

YEREMIA 18:11

Tumpu notataemo mae hi belengku, “Uuka aiya, poto'imo hi mian nu Yehuda tiba hi aha mian anu jojoong i Yerusalem taalu' Aku binatanga'mo da mongewamo aha, ka' nontoukaimo hukuman anu onabu'akonmo hi aha. Palentah na aha da bolimo mombau kabiasa'an nu aha anu baladosa' aijo' lantas mombabali'imo kalakuan nu aha tiba palabuatan nu aha.

YEREMIA 19:15

koongku Tumpu Anu Mahakuasa Tumpu Allah nu Israel nompoto'imo mae sumo uuka, “Kalana belemiu panggaga hondo, ka' madi' mongka'oho' mohongo-hongo, saba' taalu' Ku potokamo mae ikota' aiya ka' hi iwi-iwi' na kampung anu toto ise-ise' anu minsoop daerah aiya, sinin na balaa' anu memang pinoto'ing-Kumo.”

YEREMIA 25:29

Ku tampu'unimo na mohansuni lengkat pe'e iposi kota'-Ku. Dumo nu sangka nu aha au' aitu aha na madi' ahi' ohukum. Aha na memang ahi' ohukumo kalana Aku mompotokamo mae pahampatean hi iwi-iwi' na bansa anu isongko-songko na dunia aiya. Aku, Tumpu Anu Balakuasa, notataemo.

YEREMIA 35:17

Kalana aijo' Aku, Tumpu Anu Mahakuasa, Tumpu Allah Israel, mompotokamo mae aiya hi belemiu – mian nu Yehuda tiba Yerusalem – iwi-iwi' na balaa' anu tinantukan-Kumo mongkona belemiu, susumo anu pinoto'ing-Kumo. Han aijo' Ku baumo kalana belemiu madi' mongka'oho' mohongo-hongo de Ku poto'imo hi belemiu, ka' belemiu madi' mongka'oho' montaami salatan Ku lagamo na belemiu.”

YEREMIA 44:3

Han aijo' jinadimo kalana mian anu monjojoongi binaladosa'mo, sahingga nonsabapimo notambuha'mo. Aha nonsombahkonmo koloban ka' nonsombahmo to pilo-pilogot anu ma'isa' toho' sinombah nu aha, ka' mule' belemiu kabai mompolee' nu belemiu.

YEREMIA 6:19

Palahatikan o dunia! Mian anu palesayamo hi beleng-Ku madi' mongka'oho pangajalan-Ku mae na balaa' hi aha.

YEHEZKIEL 7:5

Sumo uuka na anu tinaloakonmo nu Tumpu Anu Matangkas na Kuasanyo hi bansang Israel, “Balaa' mobolo-bolosmo mae na montokai beleyum.

MATIUS 10:18

Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

ANU PINOTO'I HI YOHANES 2:29

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

1 SAMUEL 3:11

Lantas notataemo na Tumpu hi ia, “Aku mombaumo anu opalias hi aha mian Israel, sahingga toto samian na anu mohongo bingungmo.