YEREMIA 18:8 - KITAB NU TUMPU ALLA LELE MA'IMAI'

⁸ lantas bansa aijo' balatobatno madi'mo mombau dosa' na ia, saba' madi'mo ahi' Ku sidahi na tanga'an-Ku aijo'.

YEREMIA 18:8 ပူးပေါင်းရင်းမြစ်များ

2 TAWARIKH 12:6

I Tomundo ka' to pola-polaya' nongakuimo tukoonyo nu aha, aha binaladosa'mo. Aha notataemo, “Apaa na anu binaumo nu Tumpu aijo' memang adin.”

MAZMUR 106:45

Kalana nonginau' aha, ia tinonginau'mo i palajanjian-Nyo ka' nongkalibosimo aha kalana daka' hondo na kalibosan-Nyo.

MAZMUR 135:14

kalana belento mombee'i ka'adilan hi mian anu palesayamo hi belento, ka' mongkalibosi to posa-posaihon nu belento.

MAZMUR 90:13

O, Tumpu, sampe toka hipian na Belento motambuha'? Po'ule'mo mae toka ka' kalibosiakonmo mae na to posa-posaihon nu Belento haha aiya.

NOSABATMO 32:12

De Belento monsilakaimo aha nutaloakonmo nu mian Mesir tukoonyo nu aha belento nolaya' mae bansa aijo' nosabat nolengkat mae i Mesir da opatei na aha i bungkutnyo ka' monsilakai aha iwi-iwi'. Boli sumo aijo'.

NOSABATMO 32:14

Sahingga Tumpu nombee'imo tanga'annyo ka' madi'mo daagi' nompotoka balaa' anu tinanga'an-Nyomo da mongkona bansa aijo'.

YEREMIA 12:16

De aha totu-totu'umo ahi' na montalima agama nu mian anu palesayamo hi beleng-Ku ka' basumpa'mo ahi' ka' motatae, ‘Tiba sanggo nu Tumpu anu tumuu',’ – susumo naipuan mae aha nongajanmo mian anu palesayamo hi beleng-Ku binasumpa'mo tiba sanggo nu Baal – sahingga aha suele minsoopmo mian anu palesayamo hi beleng-Ku ka' mohumpakmo kantumuu'an anu ma'ima'.

YEREMIA 15:6

Belemiu madi'mo nontalima ka' mule' nompala'imo Aku, kalana aijo' Ku tangkakonmo na limang-Ku da mohansunimo belemiu, kalana na osamo na Aku nongintim tambuha'-Ku.

YEREMIA 26:13

Kalana aijo' bali'imo na jalan nu kantumuu'an nu belemiu tiba palabuatan-palabuatan nu belemiu; tuluti na Tumpu Allah nu belemiu da Nu intim pe'e na niat-Nyo monsilakai belemiu.

YEREMIA 26:19

Panyo i Tomundo' Hizkia tiba aha mian nu Yehuda madi' nompatei i Mikha. Ola ahi' i Hizkia nabuhukmo hi Tumpu ka' nongkakasemo da okalibosi. Sahingga Tumpu madi'mo nonsidahi niat-Nyo mompateimo aha. Ka' uuka aiya, me ise-ise' kita nompotokamo mae balaa' anu daka' hondo iposi butongto.”

YEREMIA 26:3

Ihe na monsumbu' bansa aijo' mongka'oho' ahi' mompotombihing, lantas madi'mo mombau anu ma'idek sahingga Ku intimo na niat-Ku monsilakai aha sitimbang tiba palabuatan nu aha ma'i-ma'idek aijo'.”

YEREMIA 36:3

Ugaat mian nu Yehuda belentimo na mombau palabuatan anu ma'idek de aha mohongomo iwi-iwi' na balaa' anu Ku pokona hi aha. Sahingga ku ampunimo na dosa' tiba palabuatan nu aha ma'i-ma'idek aijo'.”

YEREMIA 42:10

‘De belemiu mongka'oho' jojoong tataap ilipu' aiya, Ku bangonakonmo na belemiu, misa' montua belemiu; Ku potinjomo na belemiu, misa' mohobo'akon. Aku nolibosmo hondo kalana nompotokamo mae kasilaka'an hi belemiu.

YEHEZKIEL 18:21

De mian anu ma'idek na kinyonyoanyo madi'mo daagi' mombau dosa' ka' sola'mo montuluti iwi-iwi' na atulan-Ku ka' mombaumo palabuatan anu ma'ima' ka' anumo ahi' sahondo-hondonyo ia na madi' ahi' silaka.

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

YEHEZKIEL 33:12

Jadi manusia anu madi' tumuu' batu, poto'iakon hi aha mian nu Israel taalu' de mian anu ma'ima' na kinyonyoanyo mombaumo dosa', saba' kaimaannyo u'utu mae madi' moko ala montulungi ia. De mian anu palabuatannyo ma'idek madi'mo mombau dosa' ia madi'mo ohukum, ka' de mian anu ma'ima' na kinyonyoanyo mombaumo dosa' ia madi'mo oposalamat.

YEHEZKIEL 33:13

Memang ahi' Aku binalajanji'mo momposalamat mian anu ma'ima' na kinyonyoanyo, panyo de ia mombaumo dosa' ka' taha'imanmo tukoonyo ia oposalamat palabuatannyo ma'i-ma'ima' u'utu mae aijo', ia sala'mo. Aku madi'mo daagi' monginau' ka'ima'annyo anu toho'mo binaunyo aijo' ka' ia silakamo kalana dosa'nyo haha aijo'.

YEHEZKIEL 33:14

Memang ahi' Aku nompokinde'imo mian anu palabuatannyo ma'idek aijo' silakamo. Panyo de ia madi'mo mombau dosa' ka' mombaumo palabuatan anu ma'ima' ka' anu mingkona, umpamanyo ia monsule'akonmo balang anu pinogade nu mian hi ia, kabai balang anu tinomangnyo mae ka' montulutimo atulan totu-totu'u anu momboa ia saidi' mae i kantumuu'an, saba' ia madi'mo daagi' silaka.

HOSEA 11:8

Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

YUNUS 4:2

Lantas ia binalado'amo, “O Tumpu temisa tinaloakonkumo ahi' ma'isa pe'e aku namba lengkat mae ilaiganku u'utu mae, tukoongku Belento tantu mombaumo sumo aiya? Mokonyo aijo' aku nopalaimo namba i Spanyol! Kusumbu' saba' Belentomo na Tumpu anu mongkalibosi ka' manonong ka' talalo sabaan ka' motatae ma'ima' ka'saja' ko tanga'an madi' mohukum.

PO'ULE' INGULIT 32:36

Tumpu momposalamatmo mian anu pinalesayamo hi Ia ka' mongkalibosimo to posa-posaihon-Nyo, de Nu toamo na aha madi'mo moko ala mombau apa-apaa ka' madi'mo ko kahosonan.

TO MIA-MIAN KOPIAN 2:18

De Tumpu mombee'imo samian na polaya' hi bansa Israel, Tumpu saja' montulungi polaya' aijo'. Ka' de polaya' aijo' daagi' tutuu' Tumpu saja' montoa aha da boli opoposia nu sampobali' nu aha. Ia molibos hi aha de ia mohongo aha susa'mo kalana osansalamo ka' sakisamo.