YEREMIA 18:4 - KITAB NU TUMPU ALLA LELE MA'IMAI'

⁴ De maluanyo kuhon tano' anu nu bau aijo' madi' talalo ma'ima', kuhon aijo' po ule'mo nu bau ka' opotimbalimo kuhon tano' sangga'at susumo anu pa' mosia na nu kahanda'i.

YEREMIA 18:4 ပူးပေါင်းရင်းမြစ်များ

YESAYA 45:9

Silakamo na mian anu painggaga tiba anu Nompotimbali ia; ia pokakanamo sumo kuhon tano' anu madi' tulut hi mian anu nombau ia. Pa' toho' mule' tano' ponto nompokilawa hi anu nombaumo kuhon tano', “Apaa na kalaja nu beleyum atina'?” Pa' toho' mule' kuhon tano' motusa'tukoonyo anu nombaumo ia madi' pande?

YEREMIA 18:3

Sahingga nambamo na Aku i laigan nu mian anu biasa mombau kuhon tano' ka' tinoang-Ku na ia hau-haunyo mokalaja mompake tuladan.

YEREMIA 18:5

Lantas Tumpu nompalentahmo aku da mompoto'i hi mian nu Israel,

YEREMIA 18:6

“O mian anu palesayamo hi beleng-Ku. Te Aku madi' moko ala mombau hi belemiu susumo anu binaumo nu mian anu biasa mombau kuhon tano' aijo' itano' ponto aijo'? Susumo tano' ponto ilima nu mian anu biasa mombau kuhon tano', sumo aijo'mo suele na belemiu i uno nu limang-Ku.