YEREMIA 18:12 - KITAB NU TUMPU ALLA LELE MA'IMAI'

¹² Panyo aha saidi' mae montaami, ‘Apaa na gunanyo? Kami na tataap ahi' montuluti posi pongka'oho' mami! Kami toto samian na mombau ahi' apaa na anu nu ka'ima'i nu kinyonyoa mami ma'i-ma'idek!’ ”

YEREMIA 18:12 ပူးပေါင်းရင်းမြစ်များ

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

2 TOMU-TOMUNDO' 6:33

Ma'isa pe'e ilapas na i Elisa notatae, i tomundo' tinokamo i kiijo' ka' nompoto'i, “Kasusa'an aiya, balaa' nu Tumpu hi kita! Jadi daagi' apaa na gunanyo aku montaha'imani da nu tulungi mae?”

YESAYA 57:10

Madi' ko kapa'osannyo na belemiu molio to pilo-pilogot. Osangka nu belemiu aha timbali mombee'i kahosonan, sahingga belemiu madi'mo mabuhuk.

YESAYA 65:2

Aku saja' tataap sadia molabot miana nu palesayamo hi beleng-Ku, aha mongka'ima'i saja' panggaga. Bansa aijo' mombau palabuatan anu ma'idek ka' mombatuki posi tanga'an nu aha.

YEREMIA 11:8

ka' mompalentah da aha montuluti palajanjian-Ku aijo', panyo aha madi' ahi' mohongo-hongo ka' madi' mongka'oho' montuluti. Ola mule' ahi' aha tataap panggaga balabuat ma'idek susumo naipuan mae. Kalana aijo' iwi-iwi' na hukuman anu tuli-tulis kiijo' i palajanjian aijo' Ku nabu'akonmo hi aha.”

YEREMIA 16:12

Panyo belemiu nombau mule' lebe ma'idek. Belemiu panggaga ka' ola saja' mombatuki posi pongka'oho' nu beleyum anu ma'idek atina'. Belemiu madi' mongka'oho' montuluti Aku.

YEREMIA 2:25

O Israel bolimo daagi' beleyum mopadeka' lewa' mololoi' pilogot ka' bolimo daagi' lewa' moloboo' molaga aha, dumo ahi' tengke nu beleyum belaon ka' mule' onyopan nu beleyum motismo kalana megotmo. ‘Madi'mo, aku madi'mo bisa minsusule',’ sumo aijo' na tinaloakon nu beleyum, ‘kalana aku nongka'ima'imo pilogot ka' kahanda'mo ahi' mombatuki aha!’ ”

YEREMIA 23:17

Kona hi to mia-mian anu madi' ka'oho' mompotombihing potataeng-Ku, aha saja' montaloakon, ‘Belemiu salamatmo.’ Ka' hi toto samian anu panggaga hondo aha montaloakon, ‘Beleyum madi' mule' mohumpak balaa'.’ ”

YEREMIA 3:17

Tempo'nyo aijo' kota' Yerusalem osanggohimo ‘Kajojoongan nu Tumpu'’, ka' iwi-iwi' na bansa sihukmo ikota' aijo' monsombah Aku. Aha madi'mo daagi' montuluti pongka'oho' nu kinyonyoa nu aha anu panggaga ka' ma'idek aijo'.

YEREMIA 44:17

Iwi-iwi' na anu jinanji'mo mami, tionyo ahi' obaumo mami. Kami saja'mo ahi' monsombahkon koloban hi Tomundo' boune nu Suluga' ka' mondudu'akon anggur salaku palasombahan hi ia susumo anu biasamo nu bau nu aha ikota-kota' Yehuda ka' ijalan-jalan ikota' Yerusalem nu aha mompolee' mami, tiba aha to tomu-tomundo' ka' to mia-mian anu kopangkatnyo aijo'mo pamalentah mami ka' mule' ahi' kami. Tempo'nyo aijo' manjoo' hondo na anu okaan mami, kami mohumpakmo kamajuan ka' madi'mo ko anu okasusa'akon mami.

YEREMIA 6:17

Lantas Tumpu nompo uli-ulitmo nohangkat ponjaga-ponjaga da mompotuka'akon hi aha da mompotombihing salaku tanda tolompet. Panyo mian notataemo, “Kami madi' mongka'oho' mompotombihing.”

YEREMIA 7:24

Panyo aha madi' mongka'oho' mohongo ka' mule' madi' mongka'oho' mompalahatikan. Aha ola mule' ahi' montuluti pongka'oho' nu kinyonyoa nu aha anu bangilan hondo ka' ma'idek hondo aijo'. Aha misa' da tinimbalimo na ima' panyo ola mule' ahi'da lebe na idek.

YEHEZKIEL 37:11

Tumpu Allah notataemo mae hi belengku, “O manusia anu madi' tumuu' batu, buku haha aiya molambangakon bansang Israel. Aha nososonmo koonyo nu aha, aha nanggasmo madi'mo daagi' ko anu otaha'imani isinaa aiya mae i ahop.

MALEAKHI 3:14

Belemiu notatae, ‘Palasuma na aku monsombah Tumpu. Apaa na gunanyo mombau anu halus obaunto salaku bau pongadati Tumpu Anu Daka' na Kuasanyo kabai opotoanto hi Ia nakalakuanto salaku bau pomponyata saba' kita aiya nompele-pele'mo na nombau kasala'anto?

LUKAS 1:51

Tiba lima-Nyo maho-mahoson Ia momposungkehet mian anu ko bubuun, ka' mongidei tanga'an nu aha.

PO'ULE' INGULIT 29:19

Atina' hi belemiu anu nohongomo palentah anu maboat susumo aijo' boli ko anu bapikin tukoonyo sisi'nyo saja'mo na'ima' mau ia sabole-bole ahi' mombatuki posi pongka'oho'nyo. Han aijo' mongideimo belemiu iwi-iwi', to mia-mian anu ma'idek ka' mule' anu ma'ima'.