YEREMIA 17:9 - KITAB NU TUMPU ALLA LELE MA'IMAI'

⁹ Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

YEREMIA 17:9 ပူးပေါင်းရင်းမြစ်များ

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

2 SAMUEL 11:15

Anu pinotulisnyo, “Koonyo, sai na i Uria da mamba aita momona nu batukije nu suludadu sangga'at i tampat pahampatean anu taha-tahahumo hondo lantas pobalikmo mae na beleyum hoko-hokot da ia osilakaimo.”

MAZMUR 51:5

Kalana ku akuimo na kasala'an-kasala'anku, dosa'ku saja'mo sola' ku inau'.

MAZMUR 64:7

Aha montanga'imo mombau anu ma'idek, ka' montaloakonmo, “Kami batanga'mo mombau kapandean anu mongakali.” Kinyonyoa ka' pikilan nu aha manusia, maleeng hondo madi' opoko luntok.

AMSAL 28:26

Ihe na mosi akui pongka'oho'nyo, madi' ko pikilan ma'ima', Ihe na mombatuki ajalan nu mian anu pande saidi mae salamat.

ANU MOMPOLELE POTATAE NU TUMPU 9:3

Jadi nasib anu pokakana suele mongkona ahi' aha iwi-iwi'. Ka' aijo' sa'angu' na han anu momposusa' kinyonyoa susumo suele iwi-iwi' na anu jinadimo i dunia. Tempo'nyo ia daagi tutuu' kinyonyoanyo nu pobuke'i nu pikilan anu ma'idek ka' mule' nu pobuke'i nu kaponga'an. Lantas monti-montik nu kabotmo na ukunnyo.

YESAYA 1:5

Kadaka' belemiu me saja' monggagakon? Mongka'oho' na belemiu da o hukum nu anu lebe talalo maboat hondo? Ubak nu beleyum sinongkomo nu kumahut anu minana' ka' mabusik, ma'idekanmo na kinyonyoa nu beleyum ka' pikilan nu beleyum.

YESAYA 1:6

Lengkat pe'e i ubak toka-toka i pala nu tengke madi'mo daagi' ko anu ma'ima i butong nu beleyum. Kahomo binangkak na butong nu beleyum, kahomo ningkalubabang ka' mule' kahomo bela. Bela haha aijo' ma'isa dinagusan kabai binobodan, ma'isa mule' pinakuli'an nu lanya'.

YESAYA 6:10

Lantas notataemo mae na Ia hi belengku, “Popikokakon na pikilan nu mian haha aijo', pobongonakon na bihingnyo ka' mule' popisokakon na matanyo da aha madi'mo montoa-toa, madi'mo mohongo-hongo kabai madi'mo mangalati' lantas po ule'mo toka mae hi beleng-Ku ka' ma'alinmo.”

YEREMIA 16:12

Panyo belemiu nombau mule' lebe ma'idek. Belemiu panggaga ka' ola saja' mombatuki posi pongka'oho' nu beleyum anu ma'idek atina'. Belemiu madi' mongka'oho' montuluti Aku.

YEREMIA 7:24

Panyo aha madi' mongka'oho' mohongo ka' mule' madi' mongka'oho' mompalahatikan. Aha ola mule' ahi' montuluti pongka'oho' nu kinyonyoa nu aha anu bangilan hondo ka' ma'idek hondo aijo'. Aha misa' da tinimbalimo na ima' panyo ola mule' ahi'da lebe na idek.

MATIUS 13:15

Kalana pikilan nu to mia-mian aiya tinatumpumo, bihing nu aha nabongonmo ka' mata nu aha pinipidi'akonmo. Aiya jinadi da mata nu aha boli montoa, bihing nu aha boli mohongo, pikilan nu aha boli mangalati' ka' boli po'ule' minsusule' mae hi beleng-Ku, lantas Aku mompa'alin aha.’ ”

MATIUS 15:19

Kalana lengkat i uno nu kinyonyoa lubat na pikilan-pikilan anu ma'idek, anu monsabapi mian mompatei, masala' mombau anu moko mahenyu, montomang, mombee'i sakisi baleko', ka' mompitana'akon.

MARKUS 2:17

I Yesus nohongo pompokilawa nu aha aijo', lantas nontaami, “Mian anu sehat, madi' palalu Dokoten; panyo la ahi' mian anu masakit. Aku toka misa' da molaga mian anu monsangka butongnyo na'ima'mo, panyo mian anu monsangka butongnyo madi' talakana'.”

ROMA 1:21

Mian monsumbu' Tumpu, panyo mian madi' mongadati Ia salaku Tumpu ka' madi' mule' montalima kaseh hi Ia. Ola mule' ahi' mian mompotutugakon anu mamisa-misa'; kinyonyoa nu aha pinintungmo.

ROMA 7:11

Kalana montului atulan nu agama aijo', dosa' nongalamo jalan nongakali ka' nompatei aku.

EFESUS 4:22

Mokonyo aijo', ukatakonmo na mian anu nanau'mo tiba jalan pikilan nu kantumuu'an anu nanau'mo anu hau-haunyo ingide'anmo han anu oka'ima'i anu mompoponga'.

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!