YEREMIA 17:8 - KITAB NU TUMPU ALLA LELE MA'IMAI'

⁸ Ia sumomo ahi' kau' isonibi nu kaunyo anu mo'ili, bakatnyo mo insu'mo toka-tokamo mokiijo' i uee. Ia na madi' ahi' mongkabuhuk tempo' nu posinaa, honnyo saja' molunou. Maumo ahi' lipu' nu tokaimo mae nu posinaa, ia na madi' ahi' mangada' kalana ia na saja' ahi' mimbua'.

YEREMIA 17:8 ပူးပေါင်းရင်းမြစ်များ

AYUB 29:19

Aku sumo kau' anu tumuu' molumba', sukup na uee tiba dondu'ok ibakatnyo mohumpisi panga'nyo.

AYUB 8:16

Susumo padang tuu'an na tumuu', mahoson na mian anu madi' palesaya hi Tumpu; de nu timpa'imo nu singit, ia tumuu' ka' molumba'mo ka' nusongkohimo na tampat kinatumuu'annyo aijo'.

MAZMUR 1:3

Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

AMSAL 11:28

Ihe na talalo montaha'imani halata' saidi mae mohudu'mo susumo hon nu kau' anu manggasmo, panyo mian anu palesaya totu-totu'u mompaka panjoo'mo susumo sumpe nu kau'.

YESAYA 58:11

Aku saja' monjagai ka' nombee'i mongkaan belemiu i tano' anu nategesmo; Ku jagai na belemiu da tataap sehat ka' mahoson. Belemiu kakanannyo sumo ale' anu sukup na ueenyo, susumo mata nu uee anu madi' toho' mo'oti.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YEREMIA 39:18

Beleyum madi' mule' opatei kalana Aku na momposalamatmo beleyum. Nyawa nu beleyum salamatmo kalana beleyum saja' ahi' montaha'imani Aku. Aku, Tumpu notataemo.”

YEHEZKIEL 31:3

Beleyum sumomo ahi' lontio' nu Libanon anu ma'ima' hondo manjoo' na panga'nyo anu tambok hondo na honnyo ka' ma'ima'. Batangnyo hodi' ka' maloloyuk mokiita' tuu'nyo toka-toka i kundom.

YEHEZKIEL 47:12

Tutus poti-potimbiha' na sonibi nu kaunyo aijo' tinumuu'mo na ngangahan nu kau' anu okaan nu bua'nyo. Honnyo nu kau' aijo' madi' toho' magayou ka' bua'nyo madi' kokamingkotannyo. Kau' haha aijo' saja' mimbua' bua'nyo anu salaje mule' sambitu'on toka sambitu'on, kalana uee anu monguei nolengkat mae i Laigan nu Tumpu. Bua'nyo haha aijo' timbali kaanon ka' honnyo mule' haha aijo' mingguna bau pakuli'.”