YEREMIA 17:22 - KITAB NU TUMPU ALLA LELE MA'IMAI'

²² Boli mokalaja kabai momboa balang maumo pa' apaa kahanda' osabatakonmo lengkat ilaigan nu belemiu i sinaa nu Sabat. Tungka'akonmo samata-mata na sinaa aijo' hi beleng-Ku susumo anu pinalentahkon-Kumo hi mompolee' nu belemiu.

YEREMIA 17:22 ပူးပေါင်းရင်းမြစ်များ

YEHEZKIEL 20:12

Ku palentahmo na aha da moholomati ahi' sinaa nu Sabat salaku tanda palajanjian anu binee'-Kumo hi aha saba' Akumo ahi' na Tumpu, anu nompo iwi'mo aha salaku mian anu palesayamo hi beleng-Ku.

YESAYA 58:13

Tumpu notatae, “Holomati na sinaa nu Sabat sinaa bau ponsomban Tumpu. Boli ola mongkalesang posi kapentingan nu belemiu isinaa aijo'. Lame'akon na sinaa aijo' salaku sinaa anu ma'ima'; holomati na sinaa nu Tumpu, boli mamba moyaya: boli mokalaja kabai montaloakon potatae anu madi' kokaliangannyo.

NOSABATMO 23:12

Anom sinaa i uno nu sa'angu' na duminggu belemiu timbali mokalaja, panyo sinaa ko ipitunnyo belemiu tionyo ahi' milawemo da potuu'on nu belemiu, to posa-posaihon ka' to mia-mian anu lengkat mae i salipu'an anu mokalaja hi belemiu milawemo suele.

ANU PINOTO'I HI YOHANES 1:10

I sinaa nu Tumpu, aku kinuasanmo nu Roh nu Tumpu, lantas aku nohongomo potatae anu daka' hondo – sumo onyi' nu tolompet – binasisik aitu mae i hikungku.

LUKAS 23:56

Lapas aijo' aha ninsusule'mo ka' nontoukai posadiaon ka' minya-minya' manohong da bau po minya-minya'i bangke' i Yesus. I Sinaa nu Sabat aha madi'mo nombau apa-apaa, kalana montuluti atulan nu agama.

LUKAS 6:5

Lantas i Yesus notatae, “Anak nu Mian mongkuasai sinaa nu Sabat!”

YEHEZKIEL 22:8

Tampat-tampat anu biasa ponsomban mae Aku ihumimi'anmo nu beleyum ka' sinaa nu Sabat madi'mo daagi' pinasangkila nu beleyum.

IMAMAT 23:3

Anom sinaa na mokalaja, panyo sinaa ko ipitunnyo sinaamo nu Sabat, atina' sinaamo nu pilawean anu obee'mo samata-mata sinaa monsombah Tumpu, ka' sinaa aijo' belemiu tionyo ahi' sihukmo da monsombahmo ka' madi'mo timbali mokalaja.

IMAMAT 19:3

Toto samian tionyo ahi' mongadati tuuma ka' tinanyo ka' molame'akon sinaa nu Sabat susumo anu pinalentahkon-Kumo. Akumo na Tumpu Allah nu belemiu.

NEHEMIA 13:15

Tempo'nyo aitu tinoangkumo i sinaa nu Sabat daagi' ko mian nu Yehuda pa' aha sangkuka nompao'mo anggur. Daagi' mule' ko mian sangga'at anu momposake'mo gandum, anggur anu noko pao'mo, bua' nu anggur, bua' nu ara ka' balang sangga'at aijo' i keledai nu aha ka' binoamo nu aha i Yerusalem. Tinewa'kumo na aha mobalu-baluk i Yerusalem.

YEREMIA 17:24

Otuluti iwi-iwi' na palentah-ngKu. Boli mongato maumo pa' balang apaa montulu sabatan daka' ikota' aiya kakona isinaa nu Sabat. Tungka'akonmo samata-mata na sinaa nu Sabat bau bahagian-Ku, ka' mombau apa-apaa isinaa aijo'.

ZAKHARIA 1:4

Boli montiho susumo mompolee' nu belemiu. Daagi' pe'e naipuan mae to nabi-nabi nompotokamo potuunon-Ku hi aha da aha bolimo mombau palabuatan anu ma'idek, ka' mombau dosa'. Panyo aha madi' nompajuli ka' madi' nongka oho' tinulu-tulutan hi beleng-Ku.