YEREMIA 17:16 - KITAB NU TUMPU ALLA LELE MA'IMAI'

¹⁶ Panyo, o Tumpu, madi' toho' aku nonsekeli da Belento mompotudunmo mae balaa' hi aha. Aku madi' mule' ahi' mongkahanda'i da aha nu tokaimo mae nu balaa'. Sinumbu'mo nu Belento na aijo', o Tumpu. Nu sumbu' nu Belento apaa na anu tinaloakonkumo.

YEREMIA 17:16 ပူးပေါင်းရင်းမြစ်များ

YEREMIA 12:3

Panyo Belento o Tumpu monsumbu' aku. Tinoamo nu belento mae apaa na anu binaungkumo, ka' Belento monsumbu' ahi' mosia na anu ku oa'i i uno nu kinyonyoangku padon atina' hi Belento. Boa na mian anu toto ide-idek na palabuatannyo haha atina' isambiha'nyo, boa na aha susumo domba itampat pongkolotan. Jagai na aha sampe tokamo na tempo'nyo aha okolotmo.

YEREMIA 13:17

De belemiu madi' mongka'oho' mompotombihing saba' ku haangimo hoko-hokot. Tiba kinyonyoa anu malibos hondo ku haangimo na buulon nu belemiu ati-atina'. Lolu'ku jumujumo kalana mian anu palasayamo hi Tumpu oboamo salaku mian anu ihakopmo.

YEREMIA 15:15

Lantas aku notataemo, “O Tumpu, Belento mangalati'. Inau'akon mae ka' tulungiakon mae na aku. Balosakon na aha nololoimo mae ka' mule' nonsakisamo mae aku. Tokolo' talalo monsabaanakon aha sahingga aha saidi' mae timbalimo mompatei aku. Inau'akon mae saba' kalana Belento sahingga ingambanganmo mae na aku.

YEREMIA 18:20

Pa' pantas na palabuatan anu ma'ima' obalosakon nu palabuatan anu ma'idek? Panyo aha nongkekemo bolo' da aku manabu' i unonyo. Inau'akon mae kalana aku nontinjohimo aha i ahop nu Belento, da Belento bolimo montambuha'i aha.

YEREMIA 20:7

O Tumpu, Belento pagalamo nonsale'i aku ka' tinulutankumo. Belento na mohungku'i kahosonanku ka' nohungku'imo aku. Aku sola'mo kinokojoan nu to mia-mian pinopo ambangmo lengkat pe'e daagi' subu sangkutnyo sampe mamalom.

YEREMIA 20:9

Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

AMOS 5:10

Belemiu mongka'ideki mian anu molawan mian anu madi' koka'adinan ka anu motatae madi' tageo' i uno nu pomputusian palakala.

SISIKON NU TO RASUL-RASUL 20:20

Kita utus monsumbu' saba' saja'mo pinoto'ingku hi komiu apaa na anu ko gunanyo hi komiu. Aku mongajan komiu i posa'angu'an-posa'angu'an nu mian da'isan i to lai-laigan.

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

YAKOBUS 1:19

O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.

YAKOBUS 3:1

To Utu-utus! Boli manjoo' na anu mongka'oho' timbali gulu' atina' hi komiu. Osumbu' miu saba' kita anu timbalimo gulu' de oputusimo lebe o pekangi molingkudui mian sangga'at.