YEREMIA 17:13 - KITAB NU TUMPU ALLA LELE MA'IMAI'

¹³ O Tumpu, Belentomo na bau kataha'imanan nu Israel, mian anu palesayamo hi Belento; iwi-iwi' na anu nompala'imo Belento saidi' mae ma ambangmo. Aha saidi' mae mingkotmo madi'mo ko anu idunia aiya ka' mambamo idunia nu mian anu sinilakamo. Kalana, Belento pipinolengkatan mae nu uee anu bau kantumuu'an pinala'ianmo nu aha, o Tumpu.

YEREMIA 17:13 ပူးပေါင်းရင်းမြစ်များ

ANU PINOTO'I HI YOHANES 7:17

kalana Anak nu Domba anu sinumuhang i totonga'nyo aijo' timbalimo bau polaya' nu aha. Ia na molaya' aha mokiijo' i mata nu uee anu mombee'i kantumuu'an. Ka' Tumpu na mongambu'ije iwi-iwi' na lolu' nu aha.”

ANU PINOTO'I HI YOHANES 22:1

Malaikat aijo' suele nompotoa hi belengku kaunyo anu ueenyo mombee'i kantumuu'an. Uee nu kaunyo aijo' jongkilaban sumo intan ka' mo'ili lengkat mae i kasungan nu Tumpu ka' Anak nu Domba aijo',

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

YOHANES 4:10

I Yesus nontaami, “De beleyum monsumbu' apaa na anu nubee' nu Tumpu ka' ihe na mompoita monginum hi beleyum tantu beleyum na momoita monginum hi Ia, ka' Ia tionyo mombee'i beleyum uee kantumuu'an.”

ANU PINOTO'I HI YOHANES 21:6

Lantas Ia notataemo, “Ilapasmo! Akumo na anu momonanyo, ka' anu imihinyo; Akumo na Tumpu lengkat pe'e Momonanyo toka-toka Imihinyo. Batu-batu mian anu megot, Ku po'inumije madi' pilenje o'oli i mata nu uee anu mombee'i kantumuu'an.

YESAYA 1:28

Panyo aha to mia-mian anu baladosa' anu saja' motomuhuk hi Ia na opateimo ahi'.

LUKAS 10:20

Mau mule' sumo aijo', boli bilahi kalana to roh-roh ma'idek mohongo-hongomo komiu. Sahanyo komiu bilahi kalana sanggoum tinulismo i suluga'.”

YEREMIA 14:8

Ola-olanyomo Belento na anu taha'imani nu Israel, anu nomposalamatmo kami da madi' silaka. Panyo kadaka' Belento sumomo mian anu isalipu'an mae aiya ilipu' mami, sumomo mian anu ilumambanan ola' sinso' male' sampahu lantas mambamo?

ANU PINOTO'I HI YOHANES 20:15

To mia-mian anu madi' tinulis na sanggonyo i uno nu Kitab nu Mian anu Tumuu', o'alinmo i uno nu apu anu sumo ndalangon.

YESAYA 66:5

Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

MAZMUR 73:27

Mian anu mompala'i Belento mohumpak kasilaka'an, nu silakai nu Belento na mian anu madi' tulu-tulutan hi Belento.

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YOËL 3:16

Tumpu notataemo daka-daka' aita' mae i bungkutnyo nu Sion, lengkat mae i Yerusalem sumomo ahi' gohung na potatae-Nyo. Langit tiba tano' ginayu'anmo kalana kakuasa'an-Nyo. Panyo Tumpu tataap monsangaja'i ka' monjagai Israel, mian-Nyo anu palesayamo.

YEREMIA 2:17

Posi beleyumo ahi' na nonsabapi iwi-iwi' na anu jinadimo hi butong nu beleyum kalana tempo'nyo beleyum tinaka'-Kumo na ilumajang beleyum nohikumo mae Aku, Tumpu Allah nu beleyum.

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.

1 TIMOTIUS 1:1

Timotius, anakku anu totu-totu'u palesayamo hi Tumpu! Sulat aiya lengkat hi belengku i Paulus, rasul i Kristus Yesus anu pinalentahmo nu Tumpu, Pomposalamat kita ka' palentah i Kristus Yesus anu otaha'imaninto. O'amalakon da Tumpu Tuumanto ka' i Kristus Yesus Tumpunto mombee'i balakat, kalibosan ka' ka'ima'an hi beleyum.

SISIKON NU TO RASUL-RASUL 28:20

Ka' aijo'mo na sababnyo pinoitangku da mompahakabot tiba komiu da basisik tiba komiu; kalana aku tinalungku' monsawani anu Momposalamat ota-otanda'i nu bansa Israel.”

DANIEL 12:2

Manjoo' na anu sinilakamo anu aijo' hi aha panyo po ule'mo opotumuu'; sambagian na molasai kantumuu'an anu sampe toka sidu-sidutu' ka' sambagian mule' na molasaimo kasansala'an ka' apa-apaa na anu okabuhuk hondo, sampe toka sidu-sidutu'.

YEHEZKIEL 36:32

Tutugi o, Israel kalana iwi-iwi' aijo' Ku bau misa' kalana belemiu. Belemiu tionyo ahi' mongoa'imo ambang ka' madi'mo tinalakana' kalana kalakuan nu belemiu. Aku, Tumpu Anu Matangkas na Kuasanyo notataemo.’ ”

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

YEREMIA 17:17

Boli mae Belento timbali susumo anu mompopobuhuk mae kinyonyoangku. Belentomo ahi' na tampat popalaianku de nutokaimo mae nu kasusa'an.

YEREMIA 17:5

Tumpu notatae, “De mian mompala'imo Aku, Tumpunyo, ka' montaha'imanimo manusia ka' mule' montaha'imanimo kahosonannyo, saba' Ku hukumo na ia.

AMSAL 14:14

Mian anu ma'idek na kinyonyoanyo saidi' mae monta'up bua'nyo nu palabuatannyo anu ma'i-ma'idek aijo'; panyo mian anu manonong saidi' mae mohumpak bua'nyo nu palabuatannyo anu mano-manonong aijo'.

AMSAL 10:7

Saja' o inau' na mian anu manonong, aijo' salakumo sa'angu' na balakat; panyo mian anu ma'idek na kinyonyoanyo malia' hondo okolilimi.

MAZMUR 97:7

Iwi-iwi' na mian anu monsombah pilogot opopo'ambangmo, anu mongkabubuunakon to bala-balang anu madi' kogunanyo; iwi-iwi' na pilogot tolodadupumo monsombah i ahop nu Tumpu.

MAZMUR 22:4

Panyo Belento Tomundo' Anu Susi' hondo, anu saja' lewa' opuji' nu mian Israel.

MAZMUR 71:5

Kalana Belentomo na anu ku taha'imani o, Tumpu, o, Tumpu, aku pinalesayamo hi Belento salatanmo pe'e aku daagi' olitau.

YEREMIA 17:18

O'amalakon da anu mololoi' mae ka' anu momposansala' mae aku, nu popo ambangmo nu Belento ka' nu popo buhukmo hondo nu Belento. Panyo boli ahi' mombau sumo aijo' hi belengku, o Tumpu. Potokamo mae na balaa' hi aha sampe aha hansunmo ahi' silaka iwi-iwi.

YEREMIA 19:4

Han aijo' Ku baumo kalana bansa aiya nompala'imo Aku. Aha nohumimi'imo tampat aiya kalana nonsombahkonmo koloban hi to pilo-pilogot anu madi' nu sumbu' nu aha, hi pompolee' nu aha ka' hi to tomu-tomundo' nu Yehuda. Aha mule' ahi' nongisiimo tampat aiya nu baso' nu to mia-mian anu madi' kokasala'annyo.

YEREMIA 50:7

Aha otumbuhimo ka' osakisamo nu mian iwi-iwi' anu singkabot tiba aha. Iwi-iwi' na sampobali nu mian anu palesayamo hi beleng-Ku notataemo, ‘Apaa na anu binauntomo, madi' sala', kalana mian haha aijo' binaladosa'mo hi Tumpu. Mompolee' nu aha na palesaya ahi' hi Tumpu, jadi sabenannyo aha na sabole-bole ahi' tulu-tulutan hi Ia.’

YEHEZKIEL 13:9

Aku mohukumo belemiu, o, to nabi-nabi anu nontaloakonmo kila-kila'an anu leko' samata-mata ka' sola' mompotutugakon iwi-iwi na anu tinoa! Belemiu madi'mo timbali mombee'i kaputusan i uno nu rapat-rapat nu aha mian anu palesayamo hi beleng-Ku. Sanggo nu belemiu ogarismo i uno nu daftar nu aha mian Israel ka' mule' belemiu madi'mo daagi' minsusule' itano' kinahampean nu belemiu. Sahingga nu sumbu'je nu belemiu taalu' Akumo ahi' na Tumpu Anu Matangkas na Kuasanyo.

ZAKHARIA 9:12

Pinsusule'mo mae o belemiu to mia-mian anu bibinoamo ka' pinojoongmo i sa'angu na tampat, tempo uuka belemiu montaha'imanimo. Pinsusule'mo mae i tampat anu timbali monjagai belemiu. Aku tataap mombalakatimo belemiu. Potombihing mae: Pinduan ohu'a na belemiu Ku balakati kalana iwi-iwi na kasansala'an anu ingoa'anmo nu belemiu.

ZAKHARIA 13:1

Tumpu Anu Daka' na Kuasanyo notatae, “I sinaa aijo' mimpusesemo mae sa'angu' na mata nu uee da momposusi' lee' mae i Daud tiba mian anu jojoong i Yerusalem da madi'mo baladosa' ka' mule' palasombahan hi pilogot anu lewa-lewa'mo binau nu aha.

MAZMUR 69:29

Bakas da sanggo nu aha bolimo opotulis i uno nu kitab popontulisan mian anu tumuu'; ka' madi'mo otulis i uno nu daputan popontulisan mian anu hodi' na kinyonyoanyo.