YEREMIA 17:10 - KITAB NU TUMPU ALLA LELE MA'IMAI'

¹⁰ Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEREMIA 17:10 ပူးပေါင်းရင်းမြစ်များ

1 TOMU-TOMUNDO' 8:39

de timbali da Belento kiita' mae i suluga' i uno nu kajojoongan nu Belento mompotombihingakon mae ka' mongampuniakon mae ka' montulungi aha. Ola Belento na monsumbu' kinyonyoa nu mian. Kalana aijo' o hukum na toto samian apaa na anu binaunyomo,

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

2 TAWARIKH 6:30

de timbali da belento i uno nu kajojoongan nu Belento i suluga' mohongo mae ka' mongampuniakon mae aha. Ola belento na monsumbu' isi nu kinyonyoa nu manusia. Kalana aitu pokonai hukuman na mian sitimbang tiba apa na anu binaunyomo,

AYUB 34:11

Hukuman anu bau pohukumnyo manusia, anu ahi' mompahatimbangmo tiba apaa na anu binaumo nu manusia, mohukum ia nu hukuman anu singgoma'mo tiba kalakuannyo.

MAZMUR 44:21

De maluanyo kami madi'mo monsombah Tumpu, lantas balado'amo hi pilogot sangga'at,

MAZMUR 44:22

Tantu nusumbu' ahi' nu Tumpu kalana Nu kiop ahi' na lahasia nu kinyonyoa mami.

MAZMUR 62:12

Pa' piniangkukamo na aku nohongomo Tumpu notatae, tukoonyo, kakuasa'an nolengkat mae hi Ia,

MAZMUR 7:10

Bolimo opobee' na kalakuan nu mian anu ma'idek aijo'mo mian anu palagaga ka' pododoakon na kinyonyoa nu mian anu ma'ima' na kinyonyoanyo kalana Belento Tumpu anu adin, anu moko ala mongkiop hondo kinyonyoa nu mian ka' pikilan nu manusia.

MAZMUR 7:9

Belentomo na momputusi manusia; bee'i mae na aku ka'adilan, o Tumpu kalana aku madi' ko kasala'an.

AMSAL 12:14

Toto samian mohumpakmo hukuman sitimbang tiba potataenyo ka' palabuatannyo, panyo toto samian obee'i tambonyo ka' sitimbang tiba palabuatannyo.

AMSAL 17:3

Mosoni' tiba salaka o uji' iponsuangan; panyo kinyonyoa nu mian nu uji' nu Tumpu.

ANU MOMPOLELE POTATAE NU TUMPU 9:3

Jadi nasib anu pokakana suele mongkona ahi' aha iwi-iwi'. Ka' aijo' sa'angu' na han anu momposusa' kinyonyoa susumo suele iwi-iwi' na anu jinadimo i dunia. Tempo'nyo ia daagi tutuu' kinyonyoanyo nu pobuke'i nu pikilan anu ma'idek ka' mule' nu pobuke'i nu kaponga'an. Lantas monti-montik nu kabotmo na ukunnyo.

YESAYA 59:18

Ia mombalosimo aha to sampo-sampo bali'-Nyo sitimbang tiba palabuatan nu aha. Ka' mule' to bansa-bansa i togong anu toto jo'o-jo'on madi' ahi' bebas ihukuman-Nyo.

YEREMIA 11:20

Lantas aku binalado'amo, “O Tumpu Anu Mahakuasa, Belento mian kopian anu adin hondo; Belento na monguji' pikilan ka' kinyonyoa nu mian. Palakalangku aiya nu asanakonmo hi Belento. Ku amalakon da aku daagi' ahi' monsakisi'i Belento mombalosakon palabuatan nu mian haha aijo'.”

YEREMIA 12:13

Mian anu palesayamo hi beleng-Ku montugan gandum panyo ola ahi' hii' na ihumpak na hasinnyo. Aha binala usahamo ahi' totu-totu'u, panyo usaha nu aha madi' ahi' ko anu ihumpak apa-apaa. Aku notambuha'mo hondo' sahingga madi'mo jinadi na aha nohumpak bua'nyo.”

YEREMIA 20:12

Panyo O Tumpu Anu Balakuasa, adin hondo na Belento nonguji'mo manusia; sinumbu'mo nu Belento na kinyonyoa tiba pikilan nu aha. Kalana aijo' situjui mae na aku montoa Belento mombalosakon palabuatan ma'idek nu sampobali' kalana hi Belentomo na ponsimpalakonankumo palakalangku.

YEREMIA 21:14

panyo Ku hukumo na beleyum kalana palabuatan nu beleyum atina'. Laigan nu tomundo' nu belemiu Ku papumo, ka' sinin na apaa anu atina' ohani suele ahi' motoyo'mo. Aku, Tumpu notataemo.”

YEREMIA 32:19

Sinin na tanga'an nu Belento opalias hondo ka' apa-apaa na anu nu bau nu Belento akabangangi hondo; Nu toa iwi-iwi'na anu nu bau nu manusia ka' mombalosakon aha sitimbang tiba palabuatan nu aha.

YEHEZKIEL 11:5

Lapas aijo' Roh nu Tumpu nongkuasaimo mae aku ka' aku pinokaumo nu Tumpu da motatae hi aha mian nu Israel, “O, bansang Israel, Ku sumbu' apaa na anu nu taloakon nu belemiu ka' anu nu tanga'i nu belemiu.

YEHEZKIEL 14:5

Iwi-iwi' na pilogot haha aijo' nompojo'onmo mian anu palesayamo hi beleng-Ku da madi'mo ingohani mae hi beleng-Ku, panyo o'amalakon da kalana pontaami aijo' mian anu palesayamo hi belengku po ule'mo mae toka hi beleng-Ku.’

MIKHA 7:13

Panyo tano' timbalimo kun kalana palabuatan anu ma'idek nu mian anu jojoong ikiijo'.

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 6:4

Bakas na palabuatanum aijo' madi' nu sumbu' mau pe'e ihe, boli mompiakon Tuumaum i suluga'. Ia montoa palabuatanum anu sulu-suluk aijo', ka' mombee'je tamboonyo hi beleyum.”

YOHANES 2:25

Madi' pilenje mian mombee'i katalangan hi Ia mongkona mian pa' ihe, kalana nu posi sumbu' pa' apaa na i uno nu kinyonyoa nu mian.

SISIKON NU TO RASUL-RASUL 1:24

Lantas aha binala do'amo. Aha notatae, “Tumpu, Kita monsumbu' iwi-iwi' kinyonyoa nu mian. I Yudas binelentimo i pakalaja'annyo sumo rasul, ka' i natemo. Jadi potiju'akonmo mae hi kami, ihe na anu ua'aha na mian aiya, na nupile'i nu Tumpu da obee'i kalaja aijo' mombolosi i Yudas.”

ROMA 6:21

Tempo'nyo aitu ka'untungan apaa na anu tinalima miu i hahan uuka aiya oka'ambangakon miu na o bau? Bauon haha aijo' ola momboa i kapatean!

ROMA 8:27

Panyo Tumpu anu monsumbu' isi nu kinyonyoa nu mian, monsumbu' pongka'oho' nu Roh aijo' na mompoita hi Tumpu Allah bau bagi nu mian anu palesaya hi Tumpu, ka' pokakana tiba pongka'oho' nu Tumpu.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

ANU PINOTO'I HI YOHANES 20:12

Ka' aku nontoamo to mia-mian anu sinilakamo, anu daka'mo ka' anu daagi' ise', tinuminjo i ahop nu kasuhangan aijo'. Sahingga to kita-kitab suele pinaha buka'mo. Lantas sa'angu' na kitab sangga'at binuka'mo, atina'mo Kitab nu Mian anu Tumuu'. Lapas aijo' hukuman inabu'akonmo hi mian anu sinilakamo, sitimbang tiba anu binaumo nu aha susumo anu tinulismo i uno nu kitab haha aijo'.

ANU PINOTO'I HI YOHANES 22:12

“Opalahatikan na aiya!” na koo-Nyo i Yesus, “Madi'mo daagi' pin Aku tokamo ka' momboamo mae tamboonyo hi batu-batu mian bau pombalosi apaa na anu binaunyomo.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”