YEREMIA 17:1 - KITAB NU TUMPU ALLA LELE MA'IMAI'

¹ Tumpu notatae, “O bansa Yehuda, dosa' nu belemiu tinulismo ikinyonyoa nu belemiu ka' isongko-songko na pasu'nyo nu mezbah nu belemiu iwi-iwi', pena besak na pinontulis ka' matanyo nu pena aijo' intan.

YEREMIA 17:1 ပူးပေါင်းရင်းမြစ်များ

AMSAL 3:3

Tionyo ahi' belemiu saja' palesaya ka' tulu-tulutan hi Tumpu Allah ka' hi bubu' belemiu. O'inau' na aijo' ka' o una' i kinyonyoa nu belemiu,

AMSAL 7:3

Sabole-bole otutugi na pangajalanku haha aijo', ka' o una' i uno nu kinyonyoa nu beleyum.

YESAYA 49:16

O, Yerusalem, Aku saja' monginau' beleyum; sanggo nu beleyum tinulis-Kumo ipala nu limang-Ku.

YEREMIA 11:13

Pilogot nu aha Yehuda manjoo' hondo, sumo konjoo'nyo nu kota' nu aha. Mian anu jojoong i Yerusalem nompotinjomo mezbah-mezbah sumo konjoo'nyo nu jalan ikota' Yerusalem da bau ponsombahkonan koloban hi Pilogot Baal.

YEREMIA 2:22

Maunyomo ahi' beleyum mindi' ka' minsabung manjo-manjoo' Panyo kotolan-kotolan nu kasala'an nu beleyum na daagi' ahi' Ku toa.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

HOSEA 12:11

Aku notataemo hi to nabi-nabi, ka' nompotoamo manjoo' hondo na anu tinoa hi aha. Aku nompakemo aha da mompoto'i iwi-iwi' na tanga'an-Ku kona hi belemiu mian-Ku anu palesayamo,

HOSEA 7:2

Madi' toho' tonginau' i uno nu pikilan nu aha saba' Aku na saja' ahi' monginau' iwi-iwi' na palabuatan anu ma'idek haha aijo'. Panyo iwi-iwi' na dosa' nu aha nongkukubimo aha sahingga nanasamo hondo na Aku nontoa aha.”

HOSEA 8:11

Lebe manjoo' na mezbah anu nu bau nu mian Israel da pongalini dosa' panyo mompaka panjoo' mule' ahi' na tampat nu aha pombauan dosa'!

IMAMAT 4:25

Imam tionyo ahi' molobongakon kangkam nu limanyo i baso' nu binatang aijo' lantas monsapuakon i tanduk haha aijo' anu pinaha pokona i pasu'nyo nu mezbah ka' odudu'akon na labinyo i paningkokoan nu mezbah.

ZAKHARIA 7:12

Kinyonyoa nu aha pinokuutmo hondo nu aha susumo ko kuutnyo nu batu. Aku talalomo ahi' pinusa kalana aha madi'mo nontuluti to panga-pangajalan anu binee'-Kumo hi aha pipinoto'imo nu to nabi-nabi naipuan mae.

2 KORINTUS 3:3

Posi aha timbali montoa saba' komiu Utus pokakanamo sulat anu tinulis i Kristus, anu pinakatunyo ka' pinotokakon mami. Sulat aitu misa' tinulis nu tinta, panyo Roh nu Tumpu anu tumuu'; misa' mule' i batu tulis, panyo i kinyonyoa nu mian.