YEREMIA 16:5 - KITAB NU TUMPU ALLA LELE MA'IMAI'

⁵ Boli mamba hi aha mian anu hau-haunyo ko anumo sinilaka hi aha aijo', o Yeremia. Boli susa' maumo pa' ihe na sinilaka. Aku madi'mo daagi' mombalakati mian anu palesayamo hi beleng-Ku da mohumpak kantumuu'an ma'ima', ka' mule' madi'mo ahi' mompotoa kanonongan kabai mongkalibosi aha.

YEREMIA 16:5 ပူးပေါင်းရင်းမြစ်များ

MAZMUR 25:6

Boli okolilimi na kanonongan ka' kalibosan nu Belento, o Tumpu, anu pinotoamo nu Belento salatanmo pe'e momonanyo mae.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YEREMIA 12:12

Lengkat mae aijo' ipadang tampat anu mateges anu aita' mae ibungkutnyo, to mia-mian tinokamo mae kahanda' montololangi. Pinotokang-Kumo mae na pahampatean da mongideimo iwi-iwi' na lipu' sahingga madi'mo daagi' ko samian na anu tumuu' dame.

YEREMIA 13:14

Lantas aha Ku podukumo hi samian ka' hi samian. Mian anu tu'amo tiba mian anu ma'isa tu'nyo Ku baumo susumo aijo madi'mo daagi' ko ampunnyo. Aha Ku silakaimo madi'mo daagi' mongkalibosi kabai mongkanonongi. Aku, Tumpu, notataemo.”

YEREMIA 16:13

Kalana aijo' belemiu Ku laa'mo da madi'mo jojoong ilipu' aiya ka' Ku boamo isa'angu' na lipu' anu madi' hondo-hondo osumbu' nu belemiu ka' mompolee' nu belemiu. Ikiijo' mae belemiu monsombahmo to pilo-pilogot sangga'at sinaa tiba pihi, ka' Aku madi'mo mongkalibosi belemiu.’ ”

MOHAANGI 3:17

Pininmo na aku madi' mongoa'i ka'ima'an; madi'mo sinumbu'ku pa' mosia na mongoa'i kabilahian.

ZAKHARIA 8:10

Naipuan mae ma'isa pe'e ko anu noko ala nontamboi mian kabai binatang na mokalaja ka' mule' madi' ko anu mongoa'i ka'amanan, ka' mule' sampobali' anu mongganggu. Aku nonsabungmo aha samian tiba samian.

PO'ULE' INGULIT 31:17

De aijo' obaumo, Ku tambuha'imo hondo-hondo na aha. Aha Ku pala'imo ka' Ku pateimo. Manjoo' na balaa' anu okabuhuk, montokaimo aha, lantas aha sinsumbu'je, ka' motatae taalu' anu jinadimo aijo' kalana Aku, Tumpu Allah nu aha madi'mo daagi' monsangaja'i aha.

ANU PINOTO'I HI YOHANES 6:4

Lapas aijo' sa'angu' na ajahan sangga'at mule' nosabatmo. Ajahan aijo' momea' na bulunyo. Anu nonsake'i binee'an kuasa da mongalini paladamean i uno nu dunia, da mian mompaha pate-patei. Sahingga ia binee'an samata na bajak anu daka'.