YEREMIA 16:4 - KITAB NU TUMPU ALLA LELE MA'IMAI'

⁴ Aha silakamo nu kona nu panyakit anu ahi' monsilakaimo, ka' mule' aha silakamo i uno nu pahampatean kabai silaka kalana tempo' nu kasusa'an i anu okaan. Madi'mo daagi' ko samian anu mohangi kabai molamun aha. Bangke' nu aha mo enamo susumo pupuk i uno nu tano' ka' nu tolukmo nu tomonsi' tiba binatang anu mahangas.

YEREMIA 16:4 ပူးပေါင်းရင်းမြစ်များ

2 TOMU-TOMUNDO' 9:10

I Izebel madi' o lamun. Bangke'nyo nukaan nu dedeng i da'erah Yizreel.’ ” Salatan pinoko taloakonnyomo na iwi-iwi' aijo', nabi anu oli-olitau aijo' nosabatmo ka' nopalaimo.

MAZMUR 78:64

To ima-imam nu aha pinateanmo nu bajak, to balu-balu nu aha madi'mo noko ala nontando'i.

MAZMUR 83:10

Baumo na aha susumo mian nu Midian, susumo i Sisera tiba i Yabin i Kaunyo nu Kisyon.

YESAYA 18:6

Bangke-bangke' nu to sulu-suludadunyo opala'imo sahingga timbalimo kaanon nu to tomo-tomonsi' kakona itempo' nu posinaa, ka' mule' timbalimo kaanon nu to bina-binatang anu mahangas itempo nu bakin.”

YESAYA 5:25

Tumpu montambuha'imo bansa-Nyo. Ia binalasiapmo da mohukumo aha. To Bungku-bungkutnyo gayu'anmo; bangke' nu mian anu sinilakamo motanatamo susumo duhehe i tutuus jalan. Panyo Tumpu daagi' tataap motambuha' ka' mule' daagi ahi' mohukum.

YEREMIA 19:7

Itampat aiya madi'mo Ku pojadi' na tanga'an iwi-iwi' nu aha mian Yehuda tiba mian anu jojoong i Yerusalem. Aha Ku popilayamo da nu patundu'mo nu to sampo-sampobali' nu aha ka' opateimo i uno nu pahampatean. Bangke' nu aha Ku pojohokmo da nu tolukmo nu to tomo-tomonsi' tiba binatang anu mahangas.

YEREMIA 21:6

Mian anu jojoong ikota' aiya Ku pateimo; maumo manusia kabai binatang matemo nu panyakit anu molele ka' okabuhuk hondo.

YEREMIA 25:33

Toka isinaa aijo' bangke' nu to mia-mian anu pinateanmo nu Tumpu motanatamo isongko-songko na dunia. Aha madi'mo ohangi ka' mule' madi'mo o ato da olamun, panyo olamo ahi' opojohok itano' susumo tambulan nu duhehe.

YEREMIA 34:20

Ku bee'mo na belemiu hi aha sampobali' nu belemiu anu kahanda'mo mompatei belemiu. Bangke' nu belemiu nu kaanmo nu tomonsi' tiba binatang anu mahangas.

YEREMIA 36:30

Kalana aijo' Aku, Tumpu mompoto'i hi beleyum o Tomundo' Yoyakim, madi'mo daagi' ko samian na lee' nu beleyum na mompalentah salaku tomundo' lee' mae i Daud. Bangke' nu beleyum o'alinmo isambiha'nyo ka' nu penselimo nu singit de sinaamo ka' ombun nu bakin de pihimo.

YEREMIA 44:12

Ka' de maluanyo aha mian nu Yehuda anu daagi' tinontuha' suele ko kahanda' mamba i Mesir, da jojoongmo kiijo' mae, saba' aha suele silakamo ahi' iwi-iwi'. Aha iwi-iwi' anu tu'amo kabai anu daagi' anak silakamo i Mesir i uno nu pahampatean, kabai kalana kasusa'anmo i anu okaan. Mian timbalimo mabuhuk na montoa kantumuu'an nu aha ka' lewa'mo mongalu aha. Sanggo nu aha lewa'mo opake salaku bau pongkutuki.

YEREMIA 44:27

Aku bala usahamo da belemiu silakamo ka' madi'mo mohumpak ka'ima'an i uno nu kantumuu'an, sampe belemiu silakamo iwi-iwi' mau pa' kalana pahampatean kabai kalana panyakit anu molele.

YEREMIA 7:33

Bangke' nu aha saidi' mae baumo kaanon nu tomonsi' tiba binatang anu mahangas, madi'mo ko anu mola'i aha.

YEREMIA 9:22

Bangke' nu mian notanatamo iyaya mae sumomo ahi' duhehe ibawo nu tano'; sumomo gandum anu pinadakmo lantas pinala'ianmo ka' madi'mo daagi' tinolukan. Sumo uuka na anu pinotuunmo mae nu Tumpu ka' anu tionyo ahi' opoto'iakon.”

MOHAANGI 4:9

Aha sinansala'mo ka' sinilaka kinomayu-mayu'annyoje kalana madi' hondo-hondo ko anu okaan; anu sinilaka i pahampatean, lebe ko untungnyo tiba anu sinilaka nu ohop.

YEHEZKIEL 24:21

da mompoto'i potuunon aiya hi belemiu: Belemiu montakabunakonmo Kahosonan nu Laigan nu Tumpu. Belemiu mongka'ima'i montonto'i ia ka' sola' mamba hi ia, panyo nu pohumimi'mo na Laigan-Nyo. Ka' belemiu salaigan anu daagi olitau ka' daagi langkoyang daagi' jinojoong mae i Yerusalem, opateimo i uno nu pahampatean.

YEHEZKIEL 5:12

Obagi totolu' na mian anu jojoong atina' hi beleyum sambagian na silakamo kalana panyakit anu molele ka' kalana balaa' kasusa'anmo i anu okaan na toka mae ikota' atina'. Sambagian opateimo nu bajak isambiha'nyo nu kota' ka' sambagian mule' Ku taumo mamba i iwi-iwi na tampat ka' Ku loloi'mo nu bajak.

ZEFANYA 1:17

Tumpu notatae, “Ku potokamo mae manjoo' hondo na balaa' hi aha mian sahingga aha mahakanyanganmo saidi' mae susumo mian anu napisokmo. Aha binaladosa'mo hi beleng-Ku ka' uuka aiya baso' nu aha saidi' mae mobubusmo susumo uee ka' iwi-iwi' na bangke' nu aha mabusikmo ibawo nu tano'.”

PO'ULE' INGULIT 28:22

Tumpu mohukumo belemiu iwi-iwi' nu panyakit anu molele, singkaap bangkak ka' monsihabi. Nu potokamo mae na posinaa daka' ka' mombun anu montoyo'i, sahingga anu opadak nu belemiu ma'idekmo. Balaa' haha aijo' saja'mo mongkona belemiu sampe belemiu silaka.

PO'ULE' INGULIT 28:26

De belemiu silakamo bangke' nu belemiu timbalimo kaanon nu to tomo-tomonsi' ka' to bina-binatang anu mahangas, ka' madi' ko anu molaa' binatang haha aijo'.