YEREMIA 16:3 - KITAB NU TUMPU ALLA LELE MA'IMAI'

³ Ku poto'ije hi beleyum apaa na anu jadi saidi' mae hi aha to ana-anak anu ihampe i aiya tiba hi aha tina tiba tuumanyo.

YEREMIA 16:3 ပူးပေါင်းရင်းမြစ်များ

YEREMIA 15:8

Lipu' nu belemiu saidi' mae kahomo balu, nu lingkuduimo na konjoo'nyo nu bone' ibiwi nu ambai. To mia-mian Ku pateimo ma'isa pe'e langkai' ka' bengkele' sahingga tina nu aha sansalamo. Salatan sinaamo Ku potokamo mae hi aha samian na anu mompatei, sahingga aha mabuhukmo ka' mangada'mo.

YEREMIA 16:2

“Boli mo osoa ka' mohumpak anak itampat aiya.

YEREMIA 16:5

Boli mamba hi aha mian anu hau-haunyo ko anumo sinilaka hi aha aijo', o Yeremia. Boli susa' maumo pa' ihe na sinilaka. Aku madi'mo daagi' mombalakati mian anu palesayamo hi beleng-Ku da mohumpak kantumuu'an ma'ima', ka' mule' madi'mo ahi' mompotoa kanonongan kabai mongkalibosi aha.

YEREMIA 16:9

Potombihing mae apaa na anu Ku poto'i hi beleyum, Aku, Tumpu Allah Israel Anu Matangkas na Kuasanyo. Lewo' nu mian anu lame' ka' kalame'an ma'di'mo Ku pobee' iwi-iwi'. Han aijo' nu sakisije nu to mia-mian anu daagi' tumuu' na belemiu tempo uuka aiya.

YEREMIA 6:21

Ku potosumpunmo na mian haha aiya da tosumpun ka' tombahangkangmo. Tuuma tiba anak, sangalu tiba sampo ohani laigan iwi-iwi' aijo' silakamo.”

YEHEZKIEL 24:21

da mompoto'i potuunon aiya hi belemiu: Belemiu montakabunakonmo Kahosonan nu Laigan nu Tumpu. Belemiu mongka'ima'i montonto'i ia ka' sola' mamba hi ia, panyo nu pohumimi'mo na Laigan-Nyo. Ka' belemiu salaigan anu daagi olitau ka' daagi langkoyang daagi' jinojoong mae i Yerusalem, opateimo i uno nu pahampatean.