YEREMIA 16:16 - KITAB NU TUMPU ALLA LELE MA'IMAI'

¹⁶ Tumpu notatae, “Aku kahanda'mo molaga manjoo' na anu saja mompagala ikan da mohakop mian haha aiya. Lapas aijo' Aku kahanda'mo molaga manjoo' na anu saja' mombebas da mombebasi aha aita' mae itoto sa'angu' na bungkutnyo tiba puge'nyo ka' mule' itoto sa'angu' na liang nu bungkutnyo nu batu.

YEREMIA 16:16 ပူးပေါင်းရင်းမြစ်များ

AMOS 4:2

Aku na Tumpu Anu Matangkas na Kuasanyo, ka' Tumpu anu susi' Aku binajanji'mo saba' belemiu nu konamo nu peka; belemiu iwi-iwi' sumomo ikan anu kinaitmo nu peka.

MIKHA 7:2

Mian anu madi' tageo' na kinyonyoanyo imadi'mo ko anu jinojoong ilipu', mian anu tulu-tulutan hi Tumpu madi'mo daagi' kinabot. Batu-batu mian montanda'imo kasampatan kahanda'mo mompatei. Toto samian nompokonamo so'o da bau pohakop sangko mian.

1 SAMUEL 26:20

Boli opojohok na aku silaka i tano' nu aha mian anu i salipu'an majo'on lengkat hi Tumpu. Apaa na gunanyo tomundo' nu Israel toka mae mompatei sa'angu' na kutu susumo aku aiya? Apaa na gunanyo ia pagalamo mololoi' mae aku susumo mian pagalamo mololoi' louyu'?”

KAJADIAN 10:9

Ia tinulunganmo nu Tumpu sahingga tinimbalimo topo bebas anu mahoson. Kalana aitu mian bisa montaloakon, “O amalakon da Tumpu mompotimbali beleyum mian topo bebas anu mahoson sumo i Nimrod.”

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

AMOS 5:19

Ka'ada'annyo sumo mian anu mompalaiakon butong da madi' singkabot singa panyo mompahakabotmo ahi' tiba beruang. Kabai susumo mian ninsusule'mo i laigan limanyo nintoong i pagan mesen, lantas sina'umo nu ulo!

1 SAMUEL 24:11

Uuka aiya posi belento Tomundo' nonsumbu'mo taalu' kiijo' i unonyo nu bolo' sabenannyo Tumpu nombee'mo belento Tomundo' hi belengku aiya. Aku sinale'anmo nu sala' samian da opateimo na belento Tomundo' panyo aku aiya madi' nontuluti. Tinaamanku tukoongku aku madi' mongka'oho' mombau anu ma'idek hi Tomundo'ku anu pinile'anmo nu Tumpu.

YEREMIA 4:29

Ihongo na suludadu anu nonsake'i ajahan ka' anu mompana', talalomo hondo ihengge', sahingga nonsaduakonmo toto samian nopalaimo hahu-hahunsa'an. Sinin na kuhat pininsoopanmo nu aha, puge'nyo nu batu pinoliba'anmo nu aha. Songko-songko na kota' iliingmo, madi'mo daagi ko anu jojoong ikiijo'.

YEREMIA 6:9

Tumpu Anu Mahakuasa notatae mae hi belengku, “Israel o ingkotimo hondo-hondo susumo ale' nu anggur bua'nyo otipuimo iwi-iwi'. Kalana aijo' hau-haunyo daagi' ko tempo posalamatakonmo na anu daagi' tinontuha'.”

YEREMIA 49:5

Belemiu monta'upmo kasinggian anu Ku potoka mae lengkat iyaya mae na tampat. Belemiu mopalaimo, toto samian bala usahamo momposalamat butongnyo, ka' madi'mo daagi' ko anu po ule' momposihuk belemiu.

MOHAANGI 4:18

Kami madi' moko posabat mokiijo' i jalan, kalana saja' nupalahatikan nu sampobali'. Kahimpusan nu kantumuu'an mami ohanimo, kalana sina nu kantumuu'an mami ginanapmo.

HOSEA 10:10

Aku montumbuhimo to mia-mian anu baladosa' haha aijo' ka' mule' mohukumo aha. To bansa-bansa mosa'angu'mo mongewa aha, ka' aha ohukumo kalana dosa' nu aha anu nanjoo'mo hondo aijo'.

ZEFANYA 1:12

Tempo'nyo aitu Aku mongalamo potong ka' mompalesa ka' molio apa-apaa kiijo' i kota' Yerusalem. Ku hukumo na mian anu jojoong ikiijo' ka' anu madi' montapali ka' anu ola mosi pa'osa nu butongnyo ka' anu bapikin tukoonyo Aku, Tumpu anu madi' toho' mombau sumo aiya kabai sumo aijo'.

MOHAANGI 4:19

Anu mololoi' kami talalo hondo malia' majo'on na pompala'inyo na ko lia'nyo nu bonyia'. Aha mololoi' kami i bungkutnyo ka' nontumbuhimo kami i padang anu mateges.