YEREMIA 16:12 - KITAB NU TUMPU ALLA LELE MA'IMAI'

¹² Panyo belemiu nombau mule' lebe ma'idek. Belemiu panggaga ka' ola saja' mombatuki posi pongka'oho' nu beleyum anu ma'idek atina'. Belemiu madi' mongka'oho' montuluti Aku.

YEREMIA 16:12 ပူးပေါင်းရင်းမြစ်များ

YEREMIA 13:10

Bansa anu ma'idek na palabuatan nu aha aijo' talalo ahi' panggaga ka' madi'mo mae tulu-tulutan hi beleng-Ku. Aha monsombah ka' palesaya hi to pilo-pilogot sangga'at. Mokonyo aijo' aha montihomo lipa' kodo-kodo' aijo' anu madi'mo daagi' ko gunanyo.

YEREMIA 7:26

Panyo madi' ko anu mohongo kabai ko anu mompalahatikan. Belemiu ola mule' ahi' nompaka panggaga ka' naidek nolingkuduimo mompolee' nu belemiu.”

YEREMIA 9:14

Aha pinanggagamo ka' nonsombahmo to pilo-pilogot Baal susumo anu pinogulu'mo nu mompolee' nu aha.

ANU MOMPOLELE POTATAE NU TUMPU 9:3

Jadi nasib anu pokakana suele mongkona ahi' aha iwi-iwi'. Ka' aijo' sa'angu' na han anu momposusa' kinyonyoa susumo suele iwi-iwi' na anu jinadimo i dunia. Tempo'nyo ia daagi tutuu' kinyonyoanyo nu pobuke'i nu pikilan anu ma'idek ka' mule' nu pobuke'i nu kaponga'an. Lantas monti-montik nu kabotmo na ukunnyo.

MARKUS 7:21

Kalana lengkat i unonyo, aitumo lengkat i uno nu kinyonyoa, lubat na pikilan-pikilan ma'idek anu monsabapi mian mombau anu masala', montomang, mompatei,

YEREMIA 7:24

Panyo aha madi' mongka'oho' mohongo ka' mule' madi' mongka'oho' mompalahatikan. Aha ola mule' ahi' montuluti pongka'oho' nu kinyonyoa nu aha anu bangilan hondo ka' ma'idek hondo aijo'. Aha misa' da tinimbalimo na ima' panyo ola mule' ahi'da lebe na idek.

1 SAMUEL 15:23

Kalau panggaga hi Tumpu madi' mohongo-hongo palentahnyo pokakanamo na ko ideknyo sumomo mompake ajimat, ka' mule' kinyonyoa anu buulon pokakanamo na ko ideknyo sumomo montunde' pilogot. Kalana belento Tomundo' madi'mo nontuluti palentah nu Tumpu, jadi Tumpu madi'mo mongakui belento Tomundo' timbali Tomundo'.”

TO MIA-MIAN KOPIAN 2:19

Panyo de polaya' aijo' silakamo, bansa aijo' mompaka baumo anu ma'idek ka' lebemo molingkudui aha anu ilapisannyo mae momona. Aha pinalesayamo ka' nohongo-hongomo to pilo-pilogot sangga'at ka' nonsombahmo pilogot haha aijo'. Aha nompinsusule'imo kabiasa'an anu toto ide-idek anu saja' nubau nu aha ka' madi'mo mongka'oho' mombabali'i sipat nu aha.

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

2 TIMOTIUS 3:13

sadangkan to mia-mian anu ma'idek ka' to mia-mian anu mongakali mompaka pa'idekmo. Aha mongakali mian sangga'at padahan posi aha suele o akali.

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

PO'ULE' INGULIT 29:19

Atina' hi belemiu anu nohongomo palentah anu maboat susumo aijo' boli ko anu bapikin tukoonyo sisi'nyo saja'mo na'ima' mau ia sabole-bole ahi' mombatuki posi pongka'oho'nyo. Han aijo' mongideimo belemiu iwi-iwi', to mia-mian anu ma'idek ka' mule' anu ma'ima'.

PO'ULE' INGULIT 9:27

Inau'akon pe'e na to posa-posaihon nu Belento i Abraham, i Ishak ka' i Yakub, ka' boli mompalahatikan aha talalo hondo panggaga, ka'idekan ka' dosa' nu bansa aiya.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

YEREMIA 18:12

Panyo aha saidi' mae montaami, ‘Apaa na gunanyo? Kami na tataap ahi' montuluti posi pongka'oho' mami! Kami toto samian na mombau ahi' apaa na anu nu ka'ima'i nu kinyonyoa mami ma'i-ma'idek!’ ”

MOHAANGI 5:7

Mompolee' mami binaladosa'mo, uuka aiya aha madi'mo daagi'; panyo kami tionyo ahi', mongoa'imo kasansala'an kalana dosa' nu aha iwi-iwi'.

YEHEZKIEL 20:30

Jadi poto'imo hi aha mian nu Israel apaa na anu pinoto'ing-Kumo hi aha, Aku, Tumpu Anu Matangkas na Kuasanyo. ‘Kadaka' belemiu nombaumo dosa' haha atina' susumo anu binaumo nu mompolee' nu belemiu? Susumo aha, belemiu suele nontulutimo ahi' pilogot haha aijo' anu okahegati.

AMOS 2:4

Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.

MALEAKHI 3:7

Susumo mompolee' nu belemiu naipuan mae, belemiu suele iwi-iwi' madi'mo nompajuli iwi-iwi' na atulan-Ku, ka' mule nompojalan madi'mo nontuluti ima-ima'. Po ule'mo mae toka hi beleng-Ku da Aku suele tokaje mae hi belemiu. Panyo pinokilawamo nu belemiu, ‘Apaa na anu tionyo ahi' obau mami da po ule' mo toka mae hi Belento?’

YEREMIA 22:28

Aku i Yeremia nompoto'imo, “Pa' i Tomundo' Yoyakhin tinimbalimo susumo kuhon tano' anu noposo'mo anu o alinmo ka' madi'mo daagi' oka'ima'i? Mokonyo aijo' ia tiba to ana-anaknyo olaa'mo ka' oboamo ilipu' anu madi' nu sumbu-sumbu' nu aha?”