YEREMIA 15:5 - KITAB NU TUMPU ALLA LELE MA'IMAI'

⁵ Tumpu notatae, “O mian anu jojoong i Yerusalem, ihe na saidi' mae mongkalibosi belemiu? Ihe na anu mongka'oho' susa' na kinyonyoa tiba belemiu? Ihe na anu mongka'oho' sonsoo' mompokilawa pa' nosiamo na belemiu?

YEREMIA 15:5 ပူးပေါင်းရင်းမြစ်များ

YESAYA 51:19

Beleyum nu tokaimo mae nu balaa' ohua' na ngahannyo; kalana mahampate lipu' nu beleyum hansunmo ka' layat nu beleyum silakamo nu ohop. Madi'mo daagi' koanu mongkalibosi ka' mohase' beleyum.

NAHUM 3:7

Anu montoa beleyum matikojo'onmo ka' motatae, ‘Ninewe imadi'anmo! Anu na'idekmo hondo! Ihe na suele susa'mo na kinyonyoanyo sama-sama tiba ia? Madi' ko anu mongka'oho' toka mae mongindeko ia.’ ”

YEREMIA 21:7

Beleyum tiba aha mian anu kopangkatnyo ka' mule' anu madi' silaka i uno nu pahampatean, kasusa'an i anu okaan, tiba panyakit anu molele, iwi-iwi' Ku pojohokmo da nu hakop i Tomundo' Nebukadnezar tibamo sinin na sampobali' nu belemiu anu kahanda'mo mompatei belemiu. Nu pateimo i Nebukadnezar na belemiu iwi-iwi' madi'mo daagi' ko ampunnyo ka' mule' madi'mo daagi' kokalibosan. Aku, Tumpu notataemo.”

MAZMUR 69:20

Sinumbu'mo nu Belento na aku, iletakonmo, ingalumo, ka' pinobau-baumo tinoamo nu Belento iwi-iwi' na mian anu monsampobali' mae aku.

YEREMIA 16:5

Boli mamba hi aha mian anu hau-haunyo ko anumo sinilaka hi aha aijo', o Yeremia. Boli susa' maumo pa' ihe na sinilaka. Aku madi'mo daagi' mombalakati mian anu palesayamo hi beleng-Ku da mohumpak kantumuu'an ma'ima', ka' mule' madi'mo ahi' mompotoa kanonongan kabai mongkalibosi aha.

YEREMIA 13:14

Lantas aha Ku podukumo hi samian ka' hi samian. Mian anu tu'amo tiba mian anu ma'isa tu'nyo Ku baumo susumo aijo madi'mo daagi' ko ampunnyo. Aha Ku silakaimo madi'mo daagi' mongkalibosi kabai mongkanonongi. Aku, Tumpu, notataemo.”

AYUB 19:21

O belemiu to sanga-sangalungku, kalibosiakon mae na aku, kalana lima nu Tumpu Allah nondokemo aku.

1 SAMUEL 25:5

ia nonsaimo mian aha sampulu' na olitau namba i Karmel,

1 SAMUEL 17:22

Lantas pino una'mo i Daud na boaonnyo aijo' hi samian anu monjagai posadiaon nu suludadu, ka' nopadeka'mo nokiijo' i tampat pahampatean monsingkaboti to utu-utusnyo tu'a.

1 SAMUEL 10:4

Aha monsalando'aije beleyum ka' nu bee'ije nu aha na beleyum uambatu na roti anu tionyo ahi' nu ala nu beleyum.

TO MIA-MIAN KOPIAN 18:15

Lantas aha nambamo hi laigan i Mikha kajojoongan nu olitau nu aha Lewi aijo' ka' nompokilawa pa' mosia na lele nu aha.

NOSABATMO 18:7

sahingga ia nosabat mae da molabot aha. Ia tinolodadupumo i ahop hi Yitro ka' ingookannyo. Aha nompaha poki-pokilawamo pa' aha toto samian mahoson ahi' lantas ninsoopmo nokiijo' i kemah i Musa.

MOHAANGI 1:17

I hangkatku na lima da momoita tulung panyo madi' ko anu mombee'i potatae anu moko sanang. Lengkat mae iya'a Tumpu nonsaimo mae sampobali'; aha tinokamae nompahampateakonmo aku. Aku binaumo susumo duhehe, balang anu okahegati aijo' hi aha.