YEREMIA 15:4 - KITAB NU TUMPU ALLA LELE MA'IMAI'

⁴ Ku pojadimo na bansa iwi-iwi' idunia aiya meatmo na montoa aha. Iwi-iwi' aijo' Ku pojadimo kalana palabuatan i Manasye anak mo'ane i Hizkia kiijo' i Yerusalem salatan ia jinadimo tomundo' nu aha Yehuda.”

YEREMIA 15:4 ပူးပေါင်းရင်းမြစ်များ

2 TOMU-TOMUNDO' 21:1

I Manasye umunnyo 12 mo na taun tempo'nyo ia tinimbalimo tomundo' nu Yehuda, ka' ia nompalentahmo i Yerusalem 55 na taun na kinopinnyo. Tinanyo sanggonyo i Hefzibah.

2 TOMU-TOMUNDO' 21:15

Iwi-iwi' aijo' Ku baumo hi mian anu pinalesayamo hi belengku kalana aha binaladosa'mo hi belengku ka' nonsaduakonmo sahingga tinambuha'an-Kumo lengkat pe'e hi mompolee' nu aha tempo'nyo nosabatmo lengkat mae i Mesir sampe sina uuka aiya.”

2 TOMU-TOMUNDO' 21:2

I Manasye binaladosa'mo hi Tumpu, kalana lewa'mo nontiho kalakuan anu ma'idek, anu biasa nu bau nu to bansa-bansa anu i laa'mo nu Tumpu lengkat mae i Kana'an tempo'nyo mian nu Israel ninsoopmo i lipu' aijo'.

2 TAWARIKH 33:1

I Manasye tempo'nyo 12 taunmo na umunnyo ia tinimbalimo tomundo nu Yehuda, ka' ia nompalentahmo Yerusalem 55 na taun na kinopinnyo.

2 TAWARIKH 33:2

Ia binaladosa'mo hi Tumpu kalana nombatukimo hahan anu ma'idek anu saja' nubau nu to bansa-bansa sangga'at, anu i laa'mo nu Tumpu bolimo jojoong i Kana'an tempo'nyo mian nu Israel ninsoopmo i lipu' aijo'.

YEREMIA 24:9

Ku silakaimo totu-totu'u na aha sahingga iwi-iwi' na bansa isongko-songko na dunia mabuhukmo. Maumo iya mae na pombee'an-Ku, aha tataap sola' oletakon ka' opojadimo anu sola' okokojoi ka' o'alu. Sanggo nu aha opakemo salaku bau pongkutuki mian.

YEREMIA 29:18

Aha Ku pototumputimo nu pahampatean, kasusa'an i anu okaan, tiba panyakit anu molele, sahingga songko-songko na bansa idunia aiya anu montoa aha mabuhukmo na montoa kantumuu'an nu aha. Maumo pa' iyaya mae na pongga'a-ga'atakonan-Ku aha mian mabuhukmo, ka' meatmo na montoa apaa na anu jinadimo aijo' hi aha. Aha sola'mo okokojoi ka' mule' sanggo nu aha opakemo salaku bau lewa' pongkutuki.

YEREMIA 9:16

Aha Ku bee'mo hi to bansa-bansa anu madi' nu sumbu' nu aha kabai mompolee' nu aha. Saja'mo Ku sai na suludadu anu montumbuhi aha sampe Ku pateimo na aha ingko-ingkot.”

MOHAANGI 1:8

Yerusalem pinosi henyuannyomo na butongnyo Kalana nanjoo'mo na dosa' anu binau nu aha. U'utu mae iwi-iwi' moholomati ia, uuka aiya ola mongkokojoi kalana montoa ilanggo'mo Ia notusa'mo ka' nompele-pele'mo kalana ia na ambangmo.

YEHEZKIEL 18:19

Panyo ugaat ahi' daagi' ko mian anu mompokilawa, kadaka' anak aijo' madi' suele ahi' montanggung hukuman nu dosa' iwi-iwi' anu binaumo nu tuumanyo. Bau pontaami aijo'mo, kalana anak aijo' manonong ka' madi' tageo' na kinyonyoanyo. Ia tulu-tulutan hi atulan-Ku iwi-iwi' ka' nu bau na aijo' ijalannyo anu sahondo-hondonyo, sahingga ia tataap ahi' tumuu'.

YEHEZKIEL 23:46

Tumpu Anu Matangkas na Kuasanyo notatae, “Lagamo mae na sanggombu na mian da monsakisamo ka' montololangimo ua-ua'aha na anu sasaja' masala' aijo'.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

PO'ULE' INGULIT 28:25

De belemiu madi'mo montuluti Tumpu Allah nu belemiu, Nu potimbalimo na belemiu da nuhungku'imo nu sampobali' miu iwi-iwi'. Belemiu montoukaimo ahi' totu-totu'u montumbuhi panyo ola ahi' malai ka' mosungkehet. Iwi-iwi' na bansa i dunia aiya mabuhukmo na montoa belemiu anu sinusa'mo susumo aijo'.

PO'ULE' INGULIT 28:64

Tumpu mongga'a-ga'atakonmo belemiu mamba hi bansa-bansa anu i songko-songko na dunia aiya. Ikiijo' mae belemiu monsombahmo to pilo-pilogot anu kau' ka' batu na binau, to pilo-pilogot anu madi' osumbu' nu belemiu ka' suele madi' nusumbu' nu mompolee' nu belemiu.