YEREMIA 15:3 - KITAB NU TUMPU ALLA LELE MA'IMAI'

³ Aku, Tumpu, nontantukanmo taalu' tampat nu hukuman anu okabuhuk hondo saidi' mae nu ta upmo nu aha; aha silakamo i uno nu pahampatean, bangke' nu aha nu hela'mo nu dedeng, nu tolukmo nu tomonsi', ka' nu ingkotimo nu binatang anu mahangas.

YEREMIA 15:3 ပူးပေါင်းရင်းမြစ်များ

MAZMUR 68:23

Tumpu notatae, “O mian anu palesayamo hi beleng-Ku, Ku boamo na sampobali' nu belemiu lengkat mae i Basyan Ku sule'akonmo na aha lengkat mae i lananyo nu ndalangon,

YESAYA 18:6

Bangke-bangke' nu to sulu-suludadunyo opala'imo sahingga timbalimo kaanon nu to tomo-tomonsi' kakona itempo' nu posinaa, ka' mule' timbalimo kaanon nu to bina-binatang anu mahangas itempo nu bakin.”

YEREMIA 12:9

Aha sumomo ahi' tomonsi' anu kahanda'mo nu sabut nu bonyia' anu lengkat mae iyaya na tampat. Lagamo mae iwi-iwi' na binatang nu alas da suele ahi' mongingkotimo aha.

YEREMIA 14:12

Maumo ahi' aha bapuasa'mo, Aku madi'mo daagi' mompalahatikan poitaon nu aha moita tulung; ka' mule' maumo ahi' aha monsombahkonmo mae hi beleng-Ku koloban anu opotunu tiba koloban gandum, Aku madi'mo sinanang hi aha. Pakalaus mule' Kusilakaimo na aha nu pahampatean, kasusa'anmo i anu okaan, ka' panyakit anu molele.”

YEREMIA 14:16

To mia-mian anu nontalimamo kila-kila'an nu aha aijo' suele ahi' opateimo nu jalan anu sumo aijo'. Bangke' nu aha ola opahalumbu'akon itutus jalan kiijo' i Yerusalem madi'mo daagi' ko anu molamun. Sumo aijo'mo na uki' nu aha tiba anak ka' mule' bengkele' nu aha. Ku bau na aha da mongoa'i balosnyo nu palabuatan ma'idek anu binaumo nu aha.”

YEREMIA 16:4

Aha silakamo nu kona nu panyakit anu ahi' monsilakaimo, ka' mule' aha silakamo i uno nu pahampatean kabai silaka kalana tempo' nu kasusa'an i anu okaan. Madi'mo daagi' ko samian anu mohangi kabai molamun aha. Bangke' nu aha mo enamo susumo pupuk i uno nu tano' ka' nu tolukmo nu tomonsi' tiba binatang anu mahangas.

YEREMIA 7:33

Bangke' nu aha saidi' mae baumo kaanon nu tomonsi' tiba binatang anu mahangas, madi'mo ko anu mola'i aha.

MOHAANGI 3:11

Iloloi'-Nyo na aku sampe nosele nompala'i jalan, lantas aku binahe-bahe'nyo ka' pinala'iannyomo.

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

YEHEZKIEL 33:27

Atas sanggong-Ku, Tumpu anu tumuu', Tumpu Anu Matangkas na Kuasanyo, to mia-mian anu jojoong i kota' haha aijo' anu singkapmo i hansun silakamo opatei. Aha anu jojoong i tampat padang anu ewa nu kaanmo nu binatang anu mahangas. Aha anu matisuluk i iwi-iwi na bungkutnyo ka' i to lia-liang silakamo kalana panyakit anu molele.

IMAMAT 26:16

belemiu Ku hukumo. Ku potokamo mae na balaa' hi belemiu, panyakit ka' nusihabimo anu madi'mo opoko ala opakuli'i sahingga mata nu belemiu mapisokmo ka' belemiu tumuu'mo susa'. Belemiu mosu'an sosu'anon panyo madi' mongkaan hasinnyo, kalana anu monsampobali' belemiu toka mae mompatundu' belemiu ka' mongingkotimo apaa na anu sinu'anmo nu belemiu.

IMAMAT 26:22

Ku potokamo mae na to bina-binatang anu mahangas atina' hi belemiu. Binatang haha aijo' monsa'umo to ana-anak nu belemiu, mompateimo potuu'on nu belemiu, ka' mohopu'imo belemiu, sahingga konjoo'nyo nu belemiu memo sangkiding hondo ka' to jala-jalan i lipu' nu belemiu liingmo.

IMAMAT 26:25

Ku podaagi'mo na pahampatean atina' hi belemiu da mohukum belemiu kalana belemiu nolanggaimo palajanjian-Ku tiba belemiu. Ka' de belemiu sihukmo i kota nu belemiu kahanda' da madi'mo ko anu mompoposia, Ku podaagi'mo na panyakit anu madi' opoko ala opakuli'i, sahingga belemiu tantu mati ta'alukmo hi anu monsampobali' belemiu.

AMOS 5:19

Ka'ada'annyo sumo mian anu mompalaiakon butong da madi' singkabot singa panyo mompahakabotmo ahi' tiba beruang. Kabai susumo mian ninsusule'mo i laigan limanyo nintoong i pagan mesen, lantas sina'umo nu ulo!

PO'ULE' INGULIT 28:26

De belemiu silakamo bangke' nu belemiu timbalimo kaanon nu to tomo-tomonsi' ka' to bina-binatang anu mahangas, ka' madi' ko anu molaa' binatang haha aijo'.

PO'ULE' INGULIT 32:24

Aha matemo kalana nusihabimo nu sakit ka' mo'ohopmo, ka' kalana panyakit anu okabuhuk. Ku pojohokmo na aha da nusa'umo nu binatang anu mahangas, ka' nubahe' nu ulo anu ko bisa'nyo.

ANU PINOTO'I HI YOHANES 6:8

Aku nontoa, lantas nondinmo sa'angu' na ajahan anu me'es. Anu nonsake'i sanggonyo Kapatean. Aitu mae i hikunyo, batu-batuk, ka' ohani hondo na Dunia Kapatean. Dunia aiya o bagi opat sambagian na obee' hi aha da nukuasai nu aha, da nupatei nu aha i uno nu pahampatean, kasusa'an i anu o kaan, panyakit anu molele, ka' nukaan nu to bina-binatang anu bahangihi'.