YEREMIA 15:1 - KITAB NU TUMPU ALLA LELE MA'IMAI'

¹ Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

YEREMIA 15:1 ပူးပေါင်းရင်းမြစ်များ

KAJADIAN 19:27

Dodo-dodopnyo subu-subu, i Abraham namba lia-lia' nokiijo' i tampat kinatinjoannyo i ahop nu Tumpu nabongi'an mae tempo'nyo han aijo' ma'isa jinadi.

2 TOMU-TOMUNDO' 17:20

sahingga Tumpu madi'mo daagi' nongakui iwi-iwi' na mian nu Israel. I hukum-Nyomo na aha ka' binee'-Nyomo hi anu monsampo bali' aha anu toto ue-uesan. Ia madi'mo daagi' monginau' aha, panyo ingalin-Nyomo na aha da madi'mo jojoong i tano' anu binee'-Nyomo hi aha.

MAZMUR 106:23

Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

AMSAL 14:35

Tomundo' sanang hi pegawenyo anu pande; panyo ia pusa hi pegawenyo anu madi' moko ala molakukan kalaja'nyo.

YEREMIA 10:18

Uuka aiya Tumpu momboamo iwi-iwi' na bansang Yehuda itampat pompojoongan; belemiu iwi-iwi' Nu hansunimo ingko-ingkot. Sumo aijo' na potuunon mae lengkat hi Tumpu.

YEREMIA 11:14

Kalana aijo' Yeremia bolimo mondo'akon aha kabai momoita tulung hi beleng-Ku da otulungi na aha! De aha nutokaimo nu kasusa'an ka' momoitamo mae tulung hi beleng-Ku, saba' Aku madi'mo ahi' mohongo-hongo aha.”

YEREMIA 14:11

Tumpu notataemo mae hi belengku, “Bolimo mae momoita hi belengku da otulungi na mian haha aijo'.

YEREMIA 14:12

Maumo ahi' aha bapuasa'mo, Aku madi'mo daagi' mompalahatikan poitaon nu aha moita tulung; ka' mule' maumo ahi' aha monsombahkonmo mae hi beleng-Ku koloban anu opotunu tiba koloban gandum, Aku madi'mo sinanang hi aha. Pakalaus mule' Kusilakaimo na aha nu pahampatean, kasusa'anmo i anu okaan, ka' panyakit anu molele.”

YEREMIA 15:19

Tinaaman mae nu Tumpu, “De beleyum po ule'mo mae minsusule', Ku talimamo na beleyum. Beleyum po ule'mo timbali posaihon-Ku. De beleyum mombebakonmo hahan anu mingkaliangan ka' misa' ahi' ola anu madi' totu'u saba' beleyum timbali poule' jadi nabing-Ku. Aha to mian-mian toka mule' mae hi beleyum, ka' madi'mo palaluu' beleyum mamba hi aha.

YEREMIA 16:13

Kalana aijo' belemiu Ku laa'mo da madi'mo jojoong ilipu' aiya ka' Ku boamo isa'angu' na lipu' anu madi' hondo-hondo osumbu' nu belemiu ka' mompolee' nu belemiu. Ikiijo' mae belemiu monsombahmo to pilo-pilogot sangga'at sinaa tiba pihi, ka' Aku madi'mo mongkalibosi belemiu.’ ”

YEREMIA 16:5

Boli mamba hi aha mian anu hau-haunyo ko anumo sinilaka hi aha aijo', o Yeremia. Boli susa' maumo pa' ihe na sinilaka. Aku madi'mo daagi' mombalakati mian anu palesayamo hi beleng-Ku da mohumpak kantumuu'an ma'ima', ka' mule' madi'mo ahi' mompotoa kanonongan kabai mongkalibosi aha.

YEREMIA 18:20

Pa' pantas na palabuatan anu ma'ima' obalosakon nu palabuatan anu ma'idek? Panyo aha nongkekemo bolo' da aku manabu' i unonyo. Inau'akon mae kalana aku nontinjohimo aha i ahop nu Belento, da Belento bolimo montambuha'i aha.

YEREMIA 22:28

Aku i Yeremia nompoto'imo, “Pa' i Tomundo' Yoyakhin tinimbalimo susumo kuhon tano' anu noposo'mo anu o alinmo ka' madi'mo daagi' oka'ima'i? Mokonyo aijo' ia tiba to ana-anaknyo olaa'mo ka' oboamo ilipu' anu madi' nu sumbu-sumbu' nu aha?”

YEREMIA 23:39

saba' Ku tolukmo na aha ka' o'alinmo jo'o-jo'on, maumo aha maumo kota' anu binee'-Kumo hi aha tiba mompolee' nu aha.

YEREMIA 35:19

Mokonyo aijo', Aku, Tumpu Anu Mahakuasa, Tumpu Allah Israel, balajanji'mo saba' lee' mae i Yonadab anak i Rekhab tionyo ahi' saja' daagi' ko samian na mo'ane na anu mombau apa-apaa na anu Ku palentahkon.”

YEREMIA 52:3

Tumpu notambuha'mo hondo hi aha mian anu jojoong i Yerusalem tiba aha mian nu Yehuda sahingga ilaa'-Nyomo na aha ka' madi'mo daagi' nonjagai aha. I Zedekia notomuhukmo hi Nebukadnezar tomundo' nu aha Babel,

YEREMIA 9:19

Kiita' mae i Sion ihongomo na lewo' nu mian humang, “Kita silakamo ka' talalomo ingambangan. Lipu'to tionyo ahi' opala'intomo, laiganto iwi-iwi' hansunmo ka' motanatamo.”

YEHEZKIEL 14:14

Maumo ahi' i Nuh, i Danel tiba i Ayub jojoong itampat aijo' saba' kanonongan nu kinyonyoa nu aha totolu' aijo' ola ahi' timbali momposalamat posi nyawa nu aha. Aku Tumpu Anu Matangkas na Kuasanyo notataemo.

YEHEZKIEL 22:30

Aijo' hi aha mian nu Israel haha aijo' Ku lio na mian anu timbali mompotinjo pagan mesen kabai tuminjo itampat-tampat anu ko anumo nohobo' na pagan nyo mesen da timbali montinjohakon lipu' aijo' de aku mohansunimo kalana Aku talalomo notambuha'; panyo mau samian madi' ahi' ko anu kinabot-Ku.

HOSEA 9:15

Tumpu notatae, “Iwi-iwi' na palabuatan anu ma'idek nu aha aijo' lengkat pe'e mae i Gilgal. Kiijo' pe'e mae na Aku nontampu'unimo nongka'ideki aha. Kalana palabuatan nu aha anu ma'i-ma'idek aijo', Kulaa'mo na aha da bolimo jojoong ilipu'-Ku aiya. Madi'mo daagi Ku kalibosi na aha, iwi-iwi' na polaya' nu aha madi'mo nontuluti Aku.

ZAKHARIA 3:3

I Yosua tinjo-tinjo ikiijo' nompusok baju' anu kinotonmo hondo.

PO'ULE' INGULIT 9:26

ka' binalado'a sumo uuka: O Tumpu Anu Matangkas na kuasanyo, boli osilakai na mian anu kitamo Tumpu na tumpunyo aiya. Bansa anu pinobebasmo nu belento ka' i laya'mo mae nu belento nosabat mae lengkat i Mesir tiba kahosonan ka' kakuasaan Nu belento anu daka'.

IBRANI 9:24

Kalana i Kristus madi' ninsoop i Salipi' anu Susi' anu binau nu mian, anu ola mongibalatakon Salipi' anu Susi' ka' anu sahondo-hondonyo. Posi i Kristus na minsoop i Suluga'; i kiita' mae Ia tempo' uuka mangadap hi Tumpu kalana kapentinganto.

TO MIA-MIAN KOPIAN 5:9

Kona hi aha kapala nu suludadu nu aha Israel anu matangkas hondo na pangkatnyo anu sanang na kinyonyoanyo nompoita mamba mahampate talalo hondo ku angga'i. Opuji' na Tumpu!

1 SAMUEL 12:19

Lantas notataemo na aha hi Samuel, “Tulungi mae kita Tuuma, do'akon mae na kami aiya hi Tumpu Allah nu belento da kami madi' silaka. Uuka aiya sinumbu'mo mami taalu' kami po'ule'mo nombau dosa susumo dosa' mami naipuan mae kalana nompoitamo samian na tomundo'.”

1 SAMUEL 12:23

Mongkona butongku ku amalakon da aku boli sampe baladosa' hi Tumpu kalana madi' mondo'akon belemiu, panyo ola ahi' aku suele saja' sabole-bole mombee'i pokinde' hahan anu ma'ima' ka' anu totu'u.

1 SAMUEL 7:9

Kalana aijo' i Samuel nongkolotmo sa'angu' na anak nu domba anu daagi bata'nyo lantas sinombahkonnyomo salaku bau koloban hi Tumpu anu opotunu. Lapas aijo' ia binalado'amo hi Tumpu da otulungi mae na mian nu Israel, ka' do'anyo aijo' tinalima-Nyomo.