YEREMIA 14:3 - KITAB NU TUMPU ALLA LELE MA'IMAI'

³ To posa-posaihon nu mian kaya sinaimo mamba molio uee iyaya mae; Iwi-iwi' na bubung ilambananmo nu aha panyo ueenyo iningkotmo iwi-iwi'. Madi' mae kino isinyo na kendi anu po ule' mae binoa nu aha. Binimbangmo na aha ka' sinusa'mo na kinyonyoa nu aha ka' na ambangmo sahingga kinukumbunganmo nu aha na ohup nu aha.

YEREMIA 14:3 ပူးပေါင်းရင်းမြစ်များ

2 SAMUEL 15:30

Lapas aijo' ingukatakonmo i Daud na sapatunyo. Ia tiba iwi-iwi' na sangalunyo nondakomo i Bungkutnyo nu Zaitun ka' i humaangmo ka' ningkukumbungmo salaku tanda nontoongimo adat nu tomate.

2 SAMUEL 19:4

I Tomundo' nongkukubimo ohupnyo ka' lewa'mo nolotando'. “O anaku! Anaku Absalom! Absalom anaku!”

1 TOMU-TOMUNDO' 17:7

Madi' pinin, panga'nyo nu kaunyo aijo' suele no'otimo kalana madi'mo daagi' kino ujannyo.

2 TOMU-TOMUNDO' 18:31

Boli mohongo-hongo i Hizkia. Aku, tomundo' nu Asyur mompoto'i da mosabatmo mae na belemiu atina' i kota' ka' tulutmo. Timbali o kaan miu na bua' nu anggur i ale' nu belemiu, ka' mongoa'i mosia na koima'nyo na bua' ara anu pinosi su'an nu belemiu, ka' monginum uee anu i posi bubung nu belemiu.

ESTER 6:12

Lapas aijo' i Mordekhai po'ule'mo ninsusule' i sabatan daka' i laigan nu tomundo. Panyo i Haman sampamo ninsusule'. Ia madi'mo mongka'oho' nutoa nu mian, kalana ia na'ambangmo hondo sahingga kinukumbungannyomo na ohupnyo.

AYUB 6:20

Panyo anu ingima-imanan nu aha pinalasuma i biwi nu kaunyo anu madi' ko ueenyo.

MAZMUR 109:29

Bakas da to mia-mian anu montutuk mae aku mohumpak anu moko ambang, ka' han anu moko ambang aijo' monsaingkukubi aha susumo juba'.

MAZMUR 40:14

O Tumpu posalamatakon mae na aku, O Tumpu sampamo mae tulungi na aku!

YEREMIA 14:4

Ujan madi'mo tinudun ka' tano' notiismo ka' nobeka-beka'mo; mian anu mongale' nongkukumbungimo ohup nu aha kalana madi'mo daagi' koanu otaha'imani.

YEREMIA 15:18

Kadaka' aku saja'mo mongoa'i sansala? Kadaka' belangku talalomo ahi' tinadok ka' madi'mo dongan ma'alin? Pa' Belento ko kahanda'mo ahi' mompopato kinyonyoangku susumo kaunyo anu mo'otimo itempo' nu posinaa?”

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEREMIA 2:37

Belemiu saidi' mae mompala'imo Mesir ka' mompele-pele'mo ka' mule' ma ambangmo. Aku, Tumpu madi'mo nontalima aha anu ota-otaha'imani nu belemiu; madi' ko anu ohumpak nu belemiu na ka'untungan apa-apaa lengkat hi aha.”

YEREMIA 20:11

Panyo Belento o Tumpu montinjohi mae aku, Belento mahoson hondo ka' baani. Aha anu mololoi' mae aku ka' saja' monsakisa aku saidi' mae tombahangkangmo ka' madi'mo daagi' moko ala mombau apa-apaa. Aha saidi' mae ma ambangmo sampe toka sidu-sidutu', madi'mo jadi iwi-iwi' na tanga'an nu aha. Ka' ambangan nu aha aijo' saja'mo bau ingatan.

YEREMIA 3:3

Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

MOHAANGI 4:4

To bunga-bunga mea' madi'mo daagi' pinosusu, sahingga sinilakamo nu megot. To ana-anak momoita mongkaan, panyo madi' ko anu mombee'i.

HOSEA 2:3

De ia tataap masala', Ku ukatakonmo na baju'nyo da ia langgo' susumo ia salaje i hampeakon. Ku pojadije na ia susumo tano' anu kinuunmo, ka' nategesmo, ia natemo nu megot.

YOËL 1:20

Ka' suele to bina-binatang anu ma'ela' i uno nu alas moloboo'mo hi Belento momoita tulung. Aha madi' noko ala molosut megot kalana to kau-kau'nyo iwi-iwi' no'otimo.

AMOS 4:7

Pinoliwa'-Kumo na tudun mae na ujan salatan anu osu'an nu belemiu talalomo hondo palalu i uee. Ku tudunakon mae na ujan i sa'angu' na kota', ka' madi' mokiijo' i kota' sangga'at. Ale' sa'angu' nutului nu ujan, sadangkan ale' sa'angu' mule' manggas madi' ko uee-ueenyo.

AMOS 4:8

To pia-piangkuka na kota', miannyo anu jojoong i lundengmo nu megot, aha molio uee i kota' sangga'at, panyo uee ikiijo' madi' sukup. Maumo sumo aijo', belemiu madi' ahi' minsusule' mae hi beleng-Ku.

ZAKHARIA 14:17

De daagi' ko bansa anu madi' mongka'oho' mamba i Yerusalem da monsombah Tomundo' aijo'mo Tumpu Anu Daka' na Kuasanyo saba' ilipu'nyo madi'mo ko ujan anu tudun mae.