YEREMIA 14:2 - KITAB NU TUMPU ALLA LELE MA'IMAI'

² “Yehuda sinusa'mo na kinyonyoanyo kota'nyo iwi-iwi' me sangkiding imadi'anmo. To mia-miannyo nale'mo itano' ka' sola'mo notusa' Yerusalem nolokihismo momoita tulung.

YEREMIA 14:2 ပူးပေါင်းရင်းမြစ်များ

AYUB 34:28

Ahamo na nonsaduakon sahingga mian anu kasiasi lewa'mo nahahunsa'an i kasusa'an aha i humang i hongomo nu Tumpu Allah.

MAZMUR 144:14

O'amalakon da sapi'to iwi-iwi' saponga-ponga'naknyomo ka' madi' ko anu molapus kabai ola manabu' na anaknyo. O'amalakon da madi' ko anu ohongo na mongoa'i kasansala'an i iwi-iwi na jalan nu kota'.

NOSABATMO 2:24

Tumpu Allah nohongomo aha, Ia nonginau'mo palajanjian-Nyo hi Abraham, hi Ishak ka' hi Yakub.

YESAYA 15:5

Aku molibosmo hi aha Moab! Mian anu jojoong ikiijo'nopalaimo namba ikota' Zoar tiba Eglat-Selisia. Daagi' ko anu nindako nontulu jalan mamba i Luhit ka' sola' humang; daagi' ko anu nalai namba i horonaim ka' sola'mo molokihis kalana tinokanmo nu balaa'.

YESAYA 24:11

Aha to mia-mian maha loboo'anmo aijo' ijalan kalana anggur anu o, inum ningkotmo. Madi'mo daagi' kokalame'annyo ilipu'aijo' sampe toka sidu-sidutu'.

YESAYA 24:4

Tano' mapenggesmo ka' magayoumo, songko-songko na dunia mongoa'imo kasusa'an. Langit tiba tano' mongoa'imo kasusa'an hingga-hinggat.

YESAYA 24:7

Anggur mateekmo na tumuu' ka' ueenyo nu anggur susa'mo na mohumpak. Miana nu naipuan mae lame' uuka aiya susa'mo.

YESAYA 3:26

Isabatan toto daka-daka' nu kota' mian humangmo ka' lewa'mo tumando' ka mule' kota' aijo' saidi' mae sumomo boune anu ilanggo'anmo anu suha-suhang i tano'.

YESAYA 33:9

Lipu' opala'imo sahingga liingmo. Iwi-iwi' na alas nu Libanon mateekmo, ka' bangka'nyo nu Saron anu molumba' hondo sumomo padang tampat anu mateges. I Basan tiba i Bungkutnyo nu Karmel, iwi-iwi na hon nu kau' singkapmo mo hudu'.

YESAYA 5:7

Kalana ale' nu anggur nu Tumpu Anu Daka na Kuasanyo aijo'mo aha mian nu Israel, ka' aha mian nu Yehuda aijo'mo na anggur anu sisinu'an-Nyomo. Aijo'mo hi aha na pontaha'imanian-Nyo ka'adilan panyo ola mule' ahi' kabuhingison. Aha na Nu taha'imani montoongi totu-totu'u anu hondo padahan ola mule' ahi ko anu aijo' hi aha na momoita ka'adilan.

YEREMIA 11:11

Kalana aijo' Aku, Tumpu mompokinde'imo saba' Aku mompotokamo mae balaa' hi aha ka' madi'mo nu poko ala nu goliliakon nu aha da madi' nu kona. De aha motatae mae daka-daka' momoita tulung hi beleng-Ku, Aku madi'mo mohongo-hongo.

YEREMIA 12:11

Ya, tinoang-Kumo na aha nompojadi lipu'-Ku tampat anu iliingmo hondo ka' nonsusa'imo kinyonyoang-Ku. Iwi-iwi' madi'mo ko anu nongkalesang, madi'mo ko anu nompalahatikan.

YEREMIA 12:4

Daagi' toka hipian na kopinnyo lipu' aiya manggasmo ka' hemputnyo magayoumo i iwi-iwi na ale'? Tomonsi' tiba binatang sangga'at natemo kalana palabuatan ma'idek nu bansa mami. Aha notatae, tukoonyo nu aha aku madi'mo montoa pa' mosia na ka ahenannyo saidi' mae na aha.”

YEREMIA 18:22

Palentah mae da nu potolokengkeng mae nu tololang na molambani mae laigan nu aha, sahingga aha lewa'mo mahakihisan kalana mabuhukmo. Aha nongkekemo bolo' da aku manabu'mo i unonyo, ka'aha nompota'anmo so'o bau pohakop nu aha aku.

YEREMIA 4:28

Tano' humangmo, langit pikatmo hondo. Tumpu notataemo, ka' madi'mo mongabali na anu tinanga'an-Nyomo. Ia nontantukanmo kaputusan ka' madi'mo daagi' tolosule' mau ola sumo pala nu tengke.

YEREMIA 46:12

Kantumuu'an nu belemiu anu moko ambang aijo' sinumbu'mo nu to bansa-bansa. Loboo' nu belemiu kinahongoanmo isongko-songko na dunia. Suludadu samian montumpakmo suludadu sangga'at; sahingga aha sama-sama tinombahangkangmo kulu-kulup itano'.

YEREMIA 8:21

Kinyonyoangku inohintutumo kalana bansangku maboat hondo na sakitnyo; aku sinusa'mo ka' mule' madi'mo tinatap na kinyonyoa.

MOHAANGI 2:8

Tumpu nomputusimo da iwi-iwi' na pagan mesen nu Sion tionyo ahi' ohobo'akonmo, Pagan mesen haha aijo' noko ukun-Nyomo da iwi-iwi' timbali ohansuni. Iwi-iwi' na pagannyo mesen tiba laigannyo tangka-tangkas uuka aiya memo kahansunannyo.

MOHAANGI 2:9

Sabatan anu toto daka-daka' singkapmo tinabuhan nu tano'; iwi-iwi' nasupatnyo nopato'mo; tomundo' tiba pagawe nu pamalentah kiijo'mo mae ipinomboan aha. Atulan nu Tumpu madi'mo daagi ingajanakon; nabi madi'mo daagi nontoa anu nu potoa nu Tumpu.

MOHAANGI 5:10

Kami sinansalamo nu ohop, sahingga kilit mami nomea'mo susumo pomposulian apu.

HOSEA 4:3

Kalana aijo' lipu' aiya timbalimo mateges ka' batu-batu anu tumuu' ikiijo' matemo. Batu-batu binatang anu i langa ka' i katano'an ka' i ambai mohopu'mo.”

YOËL 1:10

To ale-ale' uuka aiya i hansunmo. Tano' nohangimo; kalana i hansunmo iwi-iwi' na gandum, i nanggasmo na bua'nyo nu anggur ka' ningkotmo na lanya' nu zaitun.

YOËL 1:11

O topo ale', tando'imo! O topo bau ale' nu anggur haangimo! Kalana gandum, ka' jelai ka' iwi-iwi' na anu pinadak i hansunmo.

YOËL 1:14

Palentah na mian nu belemiu da bapuasa'mo, bebakonmo na tempo'nyo nu kasihukan nu mian iwi-iwi'. Laga mae na to pola-polaya' ka' to tu'a-tu'anyo ka' iwi-iwi' na mian anu jojoong i Yehuda, da toka mae i Laigan nu Tumpu da momoita tulung hi Ia.

YOËL 2:6

Tempo'nyo aha nolambanimo iwi-iwi' na mian i lakatnyomo iwi-iwi' na ohup nu mian i ne'esmo ka' nangkuyumo.

HAGAI 1:11

Pinotokang-Kumo mae na sinaa nontimpa'i tano' ka' to puge-puge'nyo ka' mule' sinin na ale' nu gandum ka' mule' sinin na ale' nu zaitun ka' iwi-iwi' na anu sinu'an i tano' aiya nanggasmo ka' suele manusia tiba binatang iwi-iwi' anu ingusahakonmo nu belemiu.”

ZAKHARIA 7:13

Aku madi'mo nontaami do'a nu aha kalana aha suele madi'mo nompotombihing mae tempo'nyo Aku notatae.

1 SAMUEL 5:12

To mia-mian anu madi' sinilaka pinahakonamo nu bisun sahingga anu jojoong i kota' aijo' lewa'mo noloboo'i to pilo-pilogot nu aha momoita tulung.

1 SAMUEL 9:16

“Dodop subu-subu kila-kila sumo uuka aiya Ku saimo mae na samian aha tulunan mae nu bansa Benyamin monsingkaboti beleyum. Hangkatmo na ia da timbali polaya' ka' obalakati, ka' odudu'i lanya' susumo anu saja'mo obau de mohangkatmo tomundo' hi aha mian nu Israel, anu pinalesayamo hi beleng-Ku, Iamo na momposalamat mian anu pinalesayamo hi beleng-Ku da bolimo nu poposia nu aha mian Filistin. Tinoang-Kumo na kasansala'an nu aha mian anu pinalesayamo hi beleng-Ku ka' nohongomo aha i humang nomoita tulung.”