YEREMIA 13:9 - KITAB NU TUMPU ALLA LELE MA'IMAI'

⁹ “Sumo aijo' na pombaung-Ku aha mian nu Yehuda tiba mian anu jojoong i Yerusalem. Ku hansunimo na katabuulan nu aha anu taha-tahahumo aijo'.

YEREMIA 13:9 ပူးပေါင်းရင်းမြစ်များ

AMSAL 16:18

Mian anu takabun mohumpak kahansunan; kobubuun ahennyo madi'mo ohalagai.

YESAYA 16:6

Bansa Yehuda notataemo, “Ihongomo mami na katabuulan nu bansa Moab. Osumbu' mami na aha talalo ahi' montige-tige ka' mule' talalo buulon. Potatae nu aha ola saja' molabi-labi padahan madi' kokaliangannyo.”

YESAYA 23:9

Tumpu Anu Daka' na Kuasanyo, Iamo na nongala kaputusan aijo'. Ia nomputusimo da bolimo sola' takabun na miannyo anu jojoong ikiijo' maumo ahi' aha noko alamo nohumpak iwi-iwi na apaa, ka' nonteemo to mia-mian anu oholomati i dunia aiya.

YEREMIA 13:8

Lantas notatae mule' mae na Tumpu hi belengku, Ia notatae,

YEREMIA 25:18

Yerusalem tiba iwi-iwi' na kota' nu Yehuda tiba to tomu-tomundo' ka' mian anu ko pangkatnyo pino inumankumo anggur aijo', sahingga aha jinadimo susumo padang tampat anu kinunmo ka' okabuhukmo. Sampe toka sinaa uuka sanggo nu aha opakemo bau pongkutuki.

YEREMIA 48:29

Belemiu kinobubuunmo hondo! Ihongong-Kumo talalomo binulon, talalomo montige-tige, tinakabunmo, ka' pinonga'mo na belemiu!

YEHEZKIEL 16:50

Aha buulon tiba mule' panggaga, ka' mule' nombaumo hahan anu Ku ka'ideki. Kalana aijo' aha ihansunan-Kumo susumo anu tinoamo nu beleyum.

YEHEZKIEL 16:56

Temisa' beleyum toho'mo ahi' nongkokojoi Sodom tempo'nyo beleyum daagi' kinobubuun.

IMAMAT 26:19

Belemiu talalo hondo kobubuun, panyo Ku patundu'mo na belemiu. Ujan madi'mo tudun, sahingga tano' nu belemiu timbalimo mapengges ka' mokutmo sumo besak.

NAHUM 2:2

Totu-totu'u Tumpu po'ule'mo mompokopiani Israel da timbali po'ule' ma'ima' susumo u'utu mae tempo'nyo ma'isa pe'e binulingan nu sampo bali'.)

ZEFANYA 3:11

Tempo'nyo aijo' belemiu o mian-Ku anu pinalesayamo, belemiu madi'mo palalu mongoa'i ma'ambang kalana notomuhukmo mae hi beleng-Ku. Aku molaa'mo batu-batu mian anu takabun ka' buulon ka' belemiu madi'mo daagi motomuhuk mae hi belengku aita i bungkutnyo anu Susi' anu Aku na tumpunyo.

LUKAS 18:14

“Palesayamo” na koonyo i Yesus, “salatan ninsusule'mo i laigan, topo tage hasin aijo' na tinalima nu Tumpu, misa' mian nu Farisi aijo'. Kalana batu-batu mian anu mohangkat butongnyo otau'akon, ka' batu-batu mian anu montau'akon butongnyo, o hangkat.”

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”