YEREMIA 13:22 - KITAB NU TUMPU ALLA LELE MA'IMAI'

²² Ugat opokilawamo nu belemiu kadaka' iwi-iwi aijo' nongkonamo mae butong nu belemiu, kadaka' baju' nu belemiu bineakmo ka' belemiu pinakisamo na nompatiduhusi. Da osumbu' nu belemiu saba' aijo' jinadimo kalana dosa' nu belemiu dinaka'mo hondo.

YEREMIA 13:22 ပူးပေါင်းရင်းမြစ်များ

YESAYA 20:4

Tomundo' nu Asyur saidi' mae mohakopmo to mia-mian anu hi ohua' na lipu' aijo' ka' aha oboamo langgo-langgo na lumajang. Anu motu'amo kabai anu ma'isa motu'a iwi-iwi' lumajang madi' mompusok baju ka' sapatu suele madi' mompusok jadi ahop nu aha kinantoaanmo salaku bau pongambangi aha Mesir.

YESAYA 3:17

Panyo Ku hukumo na aha; ubak nu aha saidi' mae kahomo kumahut ka' okismo.”

YESAYA 47:8

Kalana aijo' potombihing mae na Aku, o, beleyum anu mongka'ima'i molio kasanangan! Pa' koonyo nu beleyum, kantumuu'an nu beleyum madi'mo ko anu mompoposia, ka' madi'mo ko anu pokakana susumo beleyum. Pa' koonyo nu beleyum, beleyum madi' mule' timbali balu, ka' kantumuu'an nu beleyum madi' mule' silaka.

YEREMIA 13:26

Akumo ahi' na mombeak baju' anu atina' i butong nu belemiu da belemiu langgo'mo ka' mule' ma'ambangmo.

YEREMIA 14:16

To mia-mian anu nontalimamo kila-kila'an nu aha aijo' suele ahi' opateimo nu jalan anu sumo aijo'. Bangke' nu aha ola opahalumbu'akon itutus jalan kiijo' i Yerusalem madi'mo daagi' ko anu molamun. Sumo aijo'mo na uki' nu aha tiba anak ka' mule' bengkele' nu aha. Ku bau na aha da mongoa'i balosnyo nu palabuatan ma'idek anu binaumo nu aha.”

YEREMIA 5:19

Panyo de nu pokilawa nu aha kadaka' Ku baumo na aijo' iwi-iwi' hi aha, poto'i Yeremia saba' susumo aha nompala'imo Aku ilipu' nu aha ka' nompalesayamo to pilo-pilogot nu bansang sangga'at, sumo aijo'mo na aha timbalimo posaihon nu to mia-mian anu isalipu' anu lengkat mae ilipu' sangga'at.”

MOHAANGI 1:8

Yerusalem pinosi henyuannyomo na butongnyo Kalana nanjoo'mo na dosa' anu binau nu aha. U'utu mae iwi-iwi' moholomati ia, uuka aiya ola mongkokojoi kalana montoa ilanggo'mo Ia notusa'mo ka' nompele-pele'mo kalana ia na ambangmo.

YEHEZKIEL 23:26

Beleyum olanggo'imo ka' iwi-iwi na palahiasan nu beleyum nu agoimo nu aha.

HOSEA 12:8

Tumpu notatae hi aha bansa Israel, “Belemiu tageo' na kinyonyoa sumomo mian nu Kana'an; to pada-padagang nu belemiu saja' mongakali mian anu lewa mongoli hi belemiu balang, mompake timbangan anu madi' totu'u.

HOSEA 2:10

Ku langgo'imo na ia i ahop nu iwi-iwi' na sindua'annyo. Madi' ko samian pe'e na aha anu moko ala molapasakon ia i kakuasa'an-Ku.

HOSEA 2:3

De ia tataap masala', Ku ukatakonmo na baju'nyo da ia langgo' susumo ia salaje i hampeakon. Ku pojadije na ia susumo tano' anu kinuunmo, ka' nategesmo, ia natemo nu megot.

HOSEA 2:5

Tina nu beleyum masala' ka' madi' monsumbu' ma'ambang. Ia notatae, ‘Aku mamba hi to sindu-sindu'anku anu nombee'imo aku anu okaan ka' anu o inum, hude wol ka', hude lenan, lanya' nu zaitun tiba anggur'.’

NAHUM 3:5

Tumpu Anu Daka' na Kuasanyo notataemo, “O Ninewe, beleyum Ku silakaimo! Baju' nu beleyum Ku ukatakonmo i ahop nu to bansa-bansa, sahingga node nu beleyum nu toamo nu aha.

ZEFANYA 1:12

Tempo'nyo aitu Aku mongalamo potong ka' mompalesa ka' molio apa-apaa kiijo' i kota' Yerusalem. Ku hukumo na mian anu jojoong ikiijo' ka' anu madi' montapali ka' anu ola mosi pa'osa nu butongnyo ka' anu bapikin tukoonyo Aku, Tumpu anu madi' toho' mombau sumo aiya kabai sumo aijo'.

PO'ULE' INGULIT 18:21

Ugat belemiu motatae i uno nu kinyonyoa, ‘Mosia na kami monsumbu' potuunon nu samian na nabi aijo' nolengkat mae hi Tumpu kabai misa'?’

PO'ULE' INGULIT 7:17

Ihe na monsumbu' belemiu montutugi bansa haha aijo' lebe manjoo' sahingga belemiu madi' moko ala molaa' aha.

PO'ULE' INGULIT 8:17

Jadi boli hondo-hondo bapikin kalana usaha ka' kahosonan nu belemiu sahingga kinayamo na belemiu.