YEREMIA 13:16 - KITAB NU TUMPU ALLA LELE MA'IMAI'

¹⁶ Tumpu Allah nu belemiu tionyo ahi' opopodaka' nu belemiu ma'isa pe'e Ia mompotoka mae kapintungan, ka' tengke nu belemiu tosumpunmo aita' mae ibungkutnyo, ma'isa pe'e jingka anu nu taha'imani Nu bali'imo timbali kapintungan.

YEREMIA 13:16 ပူးပေါင်းရင်းမြစ်များ

AYUB 3:5

Potimbalimo na sinaa aijo' mo'itom totu-totu'u, pikat taha-tahahumo, madi'mo ko anu otoa-toa; saputmo nu kundom ka' mombun anu kahando'mo ujan pense'akon mae nu jingka anu majingka hondo.

MAZMUR 107:10

Daagi' ko anu pinosoopmo i uno nu kapintungan, mian anu tinalungku'mo nongoa'imo kasansala'an kalana pinungumo nu lante' besak,

MAZMUR 107:14

Aha i uno nu pikat, sinabatakon-Nyomo, ka' nombotu'akonmo lante' besak anu pinompungu aha.

MAZMUR 29:2

O puji' na sanggo nu Tumpu anu talasanggo osombah na Ia nu baju' anu opusok de monsombahmo.

MAZMUR 44:19

Kinyonyoa mami madi' monsangka Belento; palentah nu Belento madi' okolilimi mami.

NOSABATMO 10:21

Tumpu notatae hi Musa, “Tangkakon na lima nu beleyum mokiita' da tano' nu Mesir nutuda'i mae nu balaa' pikat.”

ANU MOMPOLELE POTATAE NU TUMPU 11:8

Tionyo ahi' beleyum montalima kase; de mintuangmo na umun nu beleyum. Panyo o inau' ahi'; maumo beleyum pin na tumuu' i dunia, lebe mule' ahi' pin na tempo'nyo i uno nu dunia kapatean. Jadi apaa na anu daagi otaha imani? Iwi-iwi' palasuma' ka' madi'mo ko gunanyo.

YESAYA 5:30

Toka isinaa aijo' songko-songko na Israel kahongoanmo na ais nu anu mahampate sumomo buhok nu bokon da ko daka'nyo. Soba toa songko-songko na lipu' aijo' pinikatmo ka' mule' nompaha genso-gensotmo. Jingka pinikatmo hondo.

YESAYA 59:10

Kami mahakanyangan susumo mian anu mapisok; sonsu-sonsu'un kami tinosumpunmo mimbalu-balu'mo tonga' pahu; itotonga' nu mian tumuu', kami sumomo mian anu natemo.

YESAYA 59:9

Bansa aijo' notataemo hi Tumpu, “Uuka aiya sinubu'mo mami kadaka' Belento madi' nomposalamat mae kami da madi'mo nu sakisa nu to mia-mian anu nongkabisa'imo mae kami. Kami montanda'imo jingka, panyo anu daagi' ola kapintungan.

YESAYA 60:2

Dunia sinongkohanmo nu pikat to bansa-bansa sinaputmo nu pintung panyo jingka nu Tumpu binete'mo atina' hi belemiu; sahaya nu kinahampean-Nyo onyata'mo atina' hi belemiu.

YESAYA 8:22

kabai mokaiyong madi' ko apa-apaa na anu nu toa nu aha ola ahi' samata-mata kasansala'an ka' kapintungan ka' mule' kasusa'an na tina'up. Aha saidi' mae olumbu'akonmo i tampat pintu-pintung aijo'.

YEREMIA 14:19

O Tumpu, pa' memang Yehuda madi'mo tinalima nu Belento tiba mian anu jojoong i Sion kina'idekanmo nu Belento? Kadaka' talalomo nahoson na Belento nondoke mae kami sahingga kami madi'mo daagi' ma'alin? Ola palasuma na kami molio kadamean madi' kokaliangannyo na kami montaha'imani da ma'alin, kalana anu daagi' olanyomo ahi' kasinggian.

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

YEREMIA 23:12

Kalana aijo' jalan nu aha malondomo ka' pintungmo sahingga aha tosumpunmo ka' tombahangkangmo. Ku potokamo mae na balaa' hi aha de tokamo mae na tempo'nyo pohukumanmo aha. Aku, Tumpu notataemo.

YEREMIA 4:23

Sasu aiya idunia tinanggalakonku, ka' tinoangku ilongkangmo ka' kinantisanmo, sasu mokiita' ilangit sinindangku, paya', madi'mo najingka.

YEREMIA 50:6

Mian anu palesayamo hi beleng-Ku sumomo ahi' domba anu pinopilayamo da talas nu to pola-polaya' aita' mae ibungkutnyo. Aha sola'mo mamba lengkat mae isa'angu' na bungkutnyo mamba ibungkutnyo sangga'at, ka' madi'mo daagi' nu sumbu' nu aha pa' iya mae na laigan nu aha.

YEREMIA 6:21

Ku potosumpunmo na mian haha aiya da tosumpun ka' tombahangkangmo. Tuuma tiba anak, sangalu tiba sampo ohani laigan iwi-iwi' aijo' silakamo.”

YEREMIA 8:15

Ola palasuma na kita montaha'imani paladamean ka' da ma'alin na opakuli'i kalana aiya anu daagi' olanyomo ahi' kasinggian.

MOHAANGI 4:17

Mata mami nontoamo, montanda'imo bantuan anu madi' ko katokaannyo. Kami montaha'imanimo pontulungi mae nu sa'angu' na bansa, anu sabenannyo madi' moko ala mombee'i apa-apaa.

YEHEZKIEL 21:15

Ia nompojadimo bansang-Ku da madi'mo binaani ka' nohumpakmo kasusa'an. Pinopobuhuk-Kumo na kota' nu aha nu bajak anu jijinongkilabanmo aijo' susumo kilat ka' me kogia'nyo mompatei.

YEHEZKIEL 34:12

susumo samian na polaya' molio ka' momposihuk to domba-dombanyo anu noga'a-ga'atmo lantas mongkalesang aha. Aha Ku sule'akonmo mae lengkat mae isongko-songko na tampat anu pinoga'a-ga'atan nu aha, toka itempo'nyo sinaa pikatmo ka' sinaa anu madi'mo ma'ima' aijo'.

YEHEZKIEL 36:15

Madi'mo daagi' na tano' aiya mohongo alu nu to bansa-bansa kabai sola' monta'up pompopo'ambang nu mian. Tano' aiya madi'mo daagi' mompatei bansa anu monjojoongi. Aku, Tumpu Anu Matangkas na Kuasanyo notataemo'.’ ”

YOËL 2:2

Sinaa aijo' pikat hondomi' kahomo sehu' madi'mo ko sahayanyo. Suludadu kihi-kihi' singkapmo mae toka, susumo kundom anu nanintingkimo aita' i bungkutnyo. Han anu susumo aijo' ma'isa toho' jinadi ka' madi'mo daagi' po'ule' jadi sampe toka sidu-sidutu'.

AMOS 4:13

Bungkutnyo ka' mombun, Tumpu na nompotimbali; tanga'an-Nyo pinotoa-Nyomo hi manusia. Binau-Nyomo na sinaa tiba pihi; i buannyo nu dunia, na Ia i lumajangmo. Tumpu Anu Daka' Na Kuasanyo aijo'mo na sanggo-Nyo.

AMOS 5:18

Totu-totu'u silakamo na belemiu, anu saja' monginau' sinaa nu Tumpu! Apaa na gunanyo sinaa aijo' hi belemiu? Sinaa aijo' ola susumo sinaa anu pikat, misa' sinaa anu manjingka hi belemiu.

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

YOHANES 12:35

I Yesus nontaami, “Ola sasaingoni' na jingka aijo' daagi' aiya hi komiu. Jadi, lajangmo da tempo' u'uka komiu daagi' ko jingka, da komiu boli nukona nu kapintungan. Mian anu lumajang i uno nu pintung, madi' nusumbu' pa' iyana kalambanannyo.

YOSUA 7:19

I Yosua notataemo hi Akhan, “Anaku, pangakumo ka' poto'imo totu-totu'u aiya i ahop nu Tumpu, Tumpu Allah nu Israel, apaa na anu binaumo nu beleyum. Poto'imo mae hi belengku boli oposuluk.”

1 PETRUS 2:8

ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.

1 SAMUEL 6:5

Jadi belemiu tionyo ahi' mombau anu susumo bisun tiba anu susumo bokoti' anu nompoko idekmo lipu' nu belemiu. Tiba jalan anu sumo aijo' belemiu mongadatimo Tumpu Allah nu aha Israel. Ihe na monsumbu' da Ia madi'mo mohukum mae belemiu. Ka' to pilo-pilogot ka' mule' tano' nu belemiu.