YEREMIA 13:14 - KITAB NU TUMPU ALLA LELE MA'IMAI'

¹⁴ Lantas aha Ku podukumo hi samian ka' hi samian. Mian anu tu'amo tiba mian anu ma'isa tu'nyo Ku baumo susumo aijo madi'mo daagi' ko ampunnyo. Aha Ku silakaimo madi'mo daagi' mongkalibosi kabai mongkanonongi. Aku, Tumpu, notataemo.”

YEREMIA 13:14 ပူးပေါင်းရင်းမြစ်များ

2 TAWARIKH 20:23

Suludadu nu Amon ka' Moab montumbuhimo suludadu nu Edom, ka' nompateimo aha iwi-iwi'. Lapas aijo' aha nompaha pate-pateimo samian ka' samian.

AYUB 27:22

Balaa' anu nontuda'imo ia aijo' madi'mo nonginau' kalibosan, jadi bemanau' sahanyo ahi' nopalaimo molio paninsulukan.

MAZMUR 2:9

Aha iwi-iwi' nu pato'imo nu tokon besak ka' nu biha'mo susumo kuhon tano'.’ ”

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YEREMIA 15:5

Tumpu notatae, “O mian anu jojoong i Yerusalem, ihe na saidi' mae mongkalibosi belemiu? Ihe na anu mongka'oho' susa' na kinyonyoa tiba belemiu? Ihe na anu mongka'oho' sonsoo' mompokilawa pa' nosiamo na belemiu?

YEREMIA 15:6

Belemiu madi'mo nontalima ka' mule' nompala'imo Aku, kalana aijo' Ku tangkakonmo na limang-Ku da mohansunimo belemiu, kalana na osamo na Aku nongintim tambuha'-Ku.

YEREMIA 16:5

Boli mamba hi aha mian anu hau-haunyo ko anumo sinilaka hi aha aijo', o Yeremia. Boli susa' maumo pa' ihe na sinilaka. Aku madi'mo daagi' mombalakati mian anu palesayamo hi beleng-Ku da mohumpak kantumuu'an ma'ima', ka' mule' madi'mo ahi' mompotoa kanonongan kabai mongkalibosi aha.

YEREMIA 21:7

Beleyum tiba aha mian anu kopangkatnyo ka' mule' anu madi' silaka i uno nu pahampatean, kasusa'an i anu okaan, tiba panyakit anu molele, iwi-iwi' Ku pojohokmo da nu hakop i Tomundo' Nebukadnezar tibamo sinin na sampobali' nu belemiu anu kahanda'mo mompatei belemiu. Nu pateimo i Nebukadnezar na belemiu iwi-iwi' madi'mo daagi' ko ampunnyo ka' mule' madi'mo daagi' kokalibosan. Aku, Tumpu notataemo.”

YEREMIA 25:16

De nu inumo nu aha, aha mahasungonanmo ka' lipunmo na pikilan kalana pahampatean anu Ku potokamo hi aha.”

YEREMIA 47:3

Aha mohongomo galupak nu ajahan, tiba daladak nu kareta ka' mule' gelegek nu bolanyo. Mian to tu'a-tu'anyo lusekmo na butong nu aha ka' madi'mo daagi' sola' montutugi to ana-anak nu aha.

YEREMIA 48:12

Panyo saidi' mae tokaje ahi' na tempo'nyo Ku palentahmo da Moab olambe'akonmo susumo anggur ka' tampat pinongisian opolongkangmo ka' opahamposo'akonmo.

YEREMIA 6:21

Ku potosumpunmo na mian haha aiya da tosumpun ka' tombahangkangmo. Tuuma tiba anak, sangalu tiba sampo ohani laigan iwi-iwi' aijo' silakamo.”

MOHAANGI 2:21

Tu'anyo tiba anu daagi olitau sinilakamo daha-dahapa ijalan. Olitau, langkoyang sinilakamo nu bajak. Isinaa belento pinusamo, belento nongkolotmo aha kalana madi'mo nongkalibosi.

YEHEZKIEL 24:14

Aku, Tumpu Anu Matangkas na Kuasanyo notataemo. Tinokamo na tempo'nyo na Aku mohukumo. Madi' Ku kolilimi' na dosa' nu beleyum ka' madi'mo daagi' mongampuni kabai mongkalibosi beleyum. Beleyum ohukumo sitimbang tiba palabuatan nu beleyum iwi-iwi'. Aku, Tumpu Anu Matangkas na Kuasanyo notataemo.”

YEHEZKIEL 7:3

Tumpu notatae, “O, Israel, uuka aiya tinokamo na ka ahenannyo nu beleyum. Beleyum mongoa'imo tambuha'-Ku. Kuputusimo na hukuman nu beleyum sitimbang tiba palabuatan nu beleyum mahu-mahumimi' atina'.

YEHEZKIEL 7:4

Aku madi'mo daagi' molibos kabai mongampuni beleyum. Aku mohukumo beleyum sitimbang tiba iwi-iwi na palabuatan mahu-mahumimi' nu beleyum atina'. Sahingga nu sumbu'je nu beleyum taalu' Akumo ahi' na Tumpu.”

YEHEZKIEL 7:9

Aku madi'mo daagi' molibos kabai mongampuni beleyum. Aku mohukumo beleyum sitimbang tiba palabuatan iwi-iwi' anu mahumimi' bibinaumo nu beleyum. Sahingga nu sumbu'je nu beleyum taalu' Akumo ahi' na Tumpu ka' mule' Akumo ahi' na mohukum beleyum.”

YEHEZKIEL 8:18

Aha mongoa'ije tambuha'-Ku anu taha-tahahumo! Aku madi'mo daagi' mongampuni kasala'an nu aha. Maunyomo ahi' aha' moloboo'akonmo mae daka-daka' do'a nu aha hi beleng-Ku, panyo Aku na madi'mo ahi' mongka'oho' mompotombihing!”

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

YEHEZKIEL 9:5

Ihongongku na Tumpu notatae hi mian sangga'at, “Batuki na ia mamba isongko-songko na kota' ka' pateimo na mian madi' timbali o, ampuni.

HOSEA 2:4

Belemiu to ana-anaknyo, madi'mo Ku kalibosi; belemiu ihampe hasin nu nasala'.

ZAKHARIA 11:6

Aku madi'mo daagi' kokalibosan maumo pa'hihe na mian ilipu' aiya. Ku bee'mo iwi-iwi' na miannyo hi aha anu balakuasa. Aha aijo' mohansunimo lipu' aiya, ka' Aku madi'mo mompo ago aijo' ikakuasa'an nu aha.”

MATIUS 10:21

Saidi' mae timbalije saba' mian posi utusnyo mombee' da o patei. Ka' aitu mule' na saidi' mae timbali hi tuumanyo tiba anaknyo. To ana-anak tionyo mongewa tina ka' tuumanyo, ka' mombee' aha da o patei.

MARKUS 13:12

Mian mongkabisa'i posi utusnyo da opatei. Aijo' suele timbali hi tuuma tiba anaknyo. To anak-anak mongewa tina tuumanyo, ka' mombee' aha da opatei.

PO'ULE' INGULIT 29:20

Tumpu madi' mongampuni mian anu susumo aijo'. Panyo ola ahi' mohumpakmo tambuha' nu Tumpu anu taha-tahahumo, ka' iwi-iwi' na balaa' anu tinulismo i kitab aiya mongkonamo ia, sahingga ia nupateimo nu Tumpu.

1 SAMUEL 14:16

Hau-haunyo aijo' suludadu i Saul anu nosa'angu'mo kiijo' i Gibea i daerah nu aha mian nu Benyamin notataemo koonyo aha mian nu Filistin naha popadeka'anmo ka'biningongmo.