YEREMIA 13:10 - KITAB NU TUMPU ALLA LELE MA'IMAI'

¹⁰ Bansa anu ma'idek na palabuatan nu aha aijo' talalo ahi' panggaga ka' madi'mo mae tulu-tulutan hi beleng-Ku. Aha monsombah ka' palesaya hi to pilo-pilogot sangga'at. Mokonyo aijo' aha montihomo lipa' kodo-kodo' aijo' anu madi'mo daagi' ko gunanyo.

YEREMIA 13:10 ပူးပေါင်းရင်းမြစ်များ

MAZMUR 78:8

da aha madi'mo susumo mompolee' nu aha anu mongka'ima'i saja' motomuhuk ka' mingkalakuan palagenta; tulunan anu madi' totu-totu'u palesaya ka' madi' tulu-tulutan hi Tumpu.

ANU MOMPOLELE POTATAE NU TUMPU 11:9

O belemiu to oli-olitau ka' to lalangkoyang, oa'i pe'e na kasanangan de daagi olitau ka' langkoyang! Balame-lame'mo de belemiu hau-haunyo tumimpasje. Baumo iwi-iwi' apaa na anu nu kahanda'i nu nyawa nu belemiu, ka' mule' baumo iwi-iwi' apaa na anu iniatmo nu kinyonyoa nu belemiu. Panyo o inau' ahi' na Tumpu anu kiita i suluga', Ia na momputusi saidi' mae palabuatanto iwi-iwi'.

YESAYA 3:24

Uuka aiya aha mompake minya-minya anu toto noho-nohong, saidi' mae aha mamabusikmo. Pombutu' nu aha anu ma'i-ma'ima hondo obolosimo nu kahohon anu madi' ma'ima'. Ubak nu aha anu ko bulunyo nu ubak anu ma'ima' hondo saidi' mae okiismo. Baju nu aha anu toto ima-ima' saidi mae obolosimo nu anu toho'mo lewa' pinusok nu mian. Uuka aiya aha singkap handa; saidi' mae ohup nu aha ma'idekmo kalana osapmo.

YEREMIA 11:10

Aha nombaumo dosa' bibinaunyo nu mompolee' nu aha kalana madi'mo nontuluti Aku, aha nonsombahmo pilogot sangga'at ka' madi'mo ka'oho' montuluti palentah-ngKu. Mau Israel kabai Yehuda nolanggaimo palajanjian anu binaung-Kumo tiba mompolee' nu aha.

YEREMIA 11:18

Tumpu nompoto'imo mae hi belengku tanga'an ma'idek nu aha anu mongka'ideki mae aku.

YEREMIA 13:7

Sahingga nambamo na aku, ka' nonsabatakonmo mae lipa' kodo-kodo' aijo' itampat pinomposulukanku. Pada han lipa' kodo-kodo' aijo' inahu'mo ka' madi'mo ahi' daagi' ko gunanyo.

YEREMIA 16:12

Panyo belemiu nombau mule' lebe ma'idek. Belemiu panggaga ka' ola saja' mombatuki posi pongka'oho' nu beleyum anu ma'idek atina'. Belemiu madi' mongka'oho' montuluti Aku.

YEREMIA 16:4

Aha silakamo nu kona nu panyakit anu ahi' monsilakaimo, ka' mule' aha silakamo i uno nu pahampatean kabai silaka kalana tempo' nu kasusa'an i anu okaan. Madi'mo daagi' ko samian anu mohangi kabai molamun aha. Bangke' nu aha mo enamo susumo pupuk i uno nu tano' ka' nu tolukmo nu tomonsi' tiba binatang anu mahangas.

YEREMIA 20:4

Posi Tumpu nompoto'imo, ‘Beleyum Ku pojadimo teror kona iposi butong nu beleyum ka' mule' kona hi to sanga-sangalu nu beleyum. Nu toaje nu beleyum na aha nu patei nu sampobali' nu aha. Iwi-iwi' na aha mian nu Yehuda Ku pojohokmo da nu kuasai nu tomundo' Babel; sambagian na aha nu atomo salaku mian anu ihakop binoa i Babel, ka' tuha'nyo opateimo.

YEREMIA 22:21

Pinoto'ing-Kumo hi belemiu salatanmo pe'e ka ada'an nu belemiu daagi' na'ima' panyo belemiu madi' mohongo-hongo. Memang sumo aijo'mo na kalakuan nu belemiu naipuan pe'e mae sangkutnyo tempo' uuka aiya; madi' toho' belemiu mongka'oho' tulu-tulutan mae hi beleng-Ku.

YEREMIA 23:17

Kona hi to mia-mian anu madi' ka'oho' mompotombihing potataeng-Ku, aha saja' montaloakon, ‘Belemiu salamatmo.’ Ka' hi toto samian anu panggaga hondo aha montaloakon, ‘Beleyum madi' mule' mohumpak balaa'.’ ”

YEREMIA 3:17

Tempo'nyo aijo' kota' Yerusalem osanggohimo ‘Kajojoongan nu Tumpu'’, ka' iwi-iwi' na bansa sihukmo ikota' aijo' monsombah Aku. Aha madi'mo daagi' montuluti pongka'oho' nu kinyonyoa nu aha anu panggaga ka' ma'idek aijo'.

YEREMIA 35:15

Aku saja'mo nompokau namba hi belemiu iwi-iwi' na posaihon-Ku to nabi-nabi ka' aha nompokinde'imo belemiu da opokopiani na kalakuan nu belemiu ka' da madi'mo mombau palabuatan anu ma'idek. Aha nompokinde'imo belemiu da bolimo monsombah to pilo-pilogot sangga'at ka' madi'mo palesaya hi aha da belemiu tataap ahi' jojoong ilipu' aiya anu binee'-Kumo hi belemiu tiba hi mompolee' nu belemiu. Panyo belemiu madi' ahi' nompalahatikan ka' madi' ahi' nohongo-hongo Aku.

YEREMIA 44:16

“Kami madi'mo mongka'oho' mohongo apaa anu nu poto'i mae nu beleyum hi kami atas sanggo nu Tumpu.

YEREMIA 44:5

Panyo belemiu madi' nongka'oho' nohongo ka' madi' nompalahatikan. Belemiu madi' nongka'oho' binelenti nombau palabuatan anu ma'idek aijo'mo nonsombahkonmo koloban hi to pilo-pilogot.

YEREMIA 5:23

Panyo belemiu panggaga hondo ka' madi' mohongo-hongo; belemiu madi'mo tinulu-tulutan ka' nompala'imo Aku.

YEREMIA 7:13

Maumo ahi' Ku po uli-ulitmo na motatae hi belemiu, panyo belemiu madi' ahi' mongka'oho' mompotombihing mae. Belemiu mombau dosa' aijo' iwi-iwi' ka' madi' mongka'oho' montaami de Ku lagamo.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

YEREMIA 8:5

Panyo kadaka' na belemiu mian anu palesayamo hi beleng-Ku na sabau-baunyo ahi' palabuatan anu ma'idek ka' mohikumo mae Aku? Belemiu nontoongimo hondo-hondo ipilogot nu belemiu ka' madi'mo mae minsusule' hi beleng-Ku.

YEREMIA 9:13

Tinaaman nu Tumpu, “Aijo' jinadimo kalana mian anu palesayamo hi beleng-Ku madi'mo daagi' mompalahatikan pangajalan-pangajalan anu binee'-Kumo hi aha. Aha madi'mo nontuluti Aku ka' mule' madi'mo ahi' suele nontuluti palentang-Ku.

YEREMIA 9:14

Aha pinanggagamo ka' nonsombahmo to pilo-pilogot Baal susumo anu pinogulu'mo nu mompolee' nu aha.

NOMBILANGMO 14:11

Tumpu notataemo hi Musa, “Daagi' hipian na kopinnyo na mian haha aijo' panggaga hi beleng-Ku? Sampe toka hipian na aha madi' mongka'oho' palesaya hi beleng-Ku, padahan Aku nombaumo manjoo' hondo na anu okabangangi hi aha?

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!