YEREMIA 12:6 - KITAB NU TUMPU ALLA LELE MA'IMAI'

⁶ Beleyum kinabisa'anmo, pakalaus mule' ahi' tibamo to utu-utus nu beleyum na nongkabisa'i; aha suele ahi' nolambanimo beleyum. Boli opalesaya na aha, maunyomo ahi' matami' na potatae nu aha.”

YEREMIA 12:6 ပူးပေါင်းရင်းမြစ်များ

AYUB 6:15

Panyo belemiu to sanga-sangalungku, madi'mo opalesaya ka' otaha'imani. Belemiu sumomo kaunyo anu no'otimo na ueenyo, de ujan madi'mo toho' tudun mae.

MAZMUR 12:2

Tulungiakon mae na kami, o Tumpu, kalana madi'mo daagi' ko mian anu ma'ima' na kinyonyoanyo, mian anu mohongo-hongo Belento i madi'anmo.

MAZMUR 12:3

Aha iwi-iwi' nompaha bale-baleko'imo, nompaha aka-akalimo nu potatae anu toto ima-ima'.

MAZMUR 69:8

Kalana Belento sahingga aku pinopo'ambangmo kalana Belento sahingga aku lewa'mo ingalu.

AMSAL 23:8

Dumo apa na anu i lonyomo nu beleyum po'ule' nu lua'akon, ka' iwi-iwi' na potatae nu beleyum anu ma'ima' hi ia madi' ko gunanyo.

AMSAL 26:25

Mau mule' ia motatae ma'ima' boli mompalesaya; kalana han mongka'ideki nongkuasaimo kinyonyoanyo.

YESAYA 31:4

Tumpu notataemo hi belengku, “Susumo singa molohu'mo da madi' o, agoi na kaanonnyo ka' madi' opoko ala opopobuhuk nu to pola-polaya' binatang maumo ahi' aha sanggombu na monsia'i ka' sola' molokihis anu pinalentahmo mongewa ia, sumo aijo'mo na Aku mahampate da boli o, hungku'i na Puge'nyo nu Sion.

YEREMIA 11:19

Aku sumomo ahi' domba anu madi' ko sangka'an apa-apaa binoamo itampat pompateian. Aku madi' monsumbu-sumbu' tanga'an ma'idek aijo' montanga'imo mompatei mae aku na aha. Aha notatae, “Imbo' da otaa'mo na kau' aiya hau-haunyo ia daagi' nimbua'; opateintomo na ia da sanggonyo nu kolilimimo nu mian.”

YEREMIA 11:21

Aha to mia-mian nu Anatot mongkahanda'imo da beleyum silakamo. Aha notatae, “De beleyum me saja' mompoto'i mae potuunon nu Tumpu hi kami, beleyum opateimo mami.”

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

YEREMIA 9:2

Uuka aiya ipadang tampat anu mateges timbali ku kabot na tampat sinso'an male' nu mian anu ilumambanan! Sahingga ku pala'imo na bansangku ka' malaimo mamba kiijo' mae da matikojo'onmo madi'mo ohani hi aha. Aha iwi-iwi' saja' mombau palabuatan anu ma'idek sa'angu' na posa'angu'an nu mian anu madi' tulu-tulutan,

YEREMIA 9:3

ka' saja' balaniat da baleko'. Isongko-songko na lipu' palabuatan anu totu'u madi'mo balakuasa, pakalaus kinyonyoa anu madi'mo hodi' jinadimo iyaya mae. Tumpu notatae, “Mian anu palesayamo hi beleng-Ku nombaumo palabuatan anu ma'idek madi'mo kinokabelentiannyo, aha madi'mo nongakui Aku salaku Tumpu Allah nu aha.”

YEREMIA 9:4

Maumo ahi' sangalu, panyo batu-batu mian na saja' ahi' balajaga-jaga ka' mau mule' utus sa'a-sa'angu' na ma'alum madi'mo timbali opalesaya. Kalana, susumo i Yakub sumo aijo'mo na aha, toto samian nongakalimo utusnyo. Batu-batu mian mambamo iyaya mae da sola' monsisik pitana' hi mian ka' sola' baleko'.

YEREMIA 9:5

Iwi-iwi' mompaha aka-akalimo madi'mo ko anu motatae sahondo-hondonyo. Nganga' nu aha kinobisa'nyomo nu baleko' madi'mo nu poko pala'i nu aha na dosa' nu aha. Buhingison nompaka buhingisonmo mongakali nompaka pongakalimo sabole-bolemo saja nu bau nu aha aha madi'mo hondo-hondo montalima Tumpu.

MATIUS 10:21

Saidi' mae timbalije saba' mian posi utusnyo mombee' da o patei. Ka' aitu mule' na saidi' mae timbali hi tuumanyo tiba anaknyo. To ana-anak tionyo mongewa tina ka' tuumanyo, ka' mombee' aha da o patei.

MARKUS 12:12

Sahingga to tu'a-tu'anyo nu bansa Yahudi anu nohongo kantuang aijo', mompagala mohakop i Yesus, kalana nusumbu' nu aha na kantuang aijo' nupatuakon i Yesus hi aha. Panyo aha mabuhuk hi mian da'isan. Jadi aha nambamo nompala'i Yesus.

YOHANES 7:5

Kalana posi to Utu-utus-Nyo pe'e madi' palesaya hi Ia.)

SISIKON NU TO RASUL-RASUL 16:22

Mian da'isan suele monsangaja'imo montumbuhi i Paulus ka' i Silas; ka' to pangka-pangkat pamalentah nombeakmo baju' i butong nu ua-ua'aha na rasul aijo' lantas nompokaumo mian momboboti aha ohu-ohua'.

SISIKON NU TO RASUL-RASUL 18:12

Salatan i Galio tinimbalimo gubernur nu Akhaya, to mia-mian Yahudi nosa'angu'mo mongewa i Paulus ka' nomboamo ia mokiijo' hi anu momputusi.