YEREMIA 12:5 - KITAB NU TUMPU ALLA LELE MA'IMAI'

⁵ Tumpu notatae, “O Yeremia, de beleyum malawemo na pailomba tiba manusia, tantu lebe mule' ahi' madi' nu poko ala na pailomba tiba ajahan? De itano' anu aman beleyum mabuhukmo, tantu lebe mule' madi' ko anu nu poko ala nu bau de beleyum kiijo' mae i alas isonibi nu Yordan?

YEREMIA 12:5 ပူးပေါင်းရင်းမြစ်များ

1 TAWARIKH 12:15

Daagi' kino minsan jinadi i bitu'on palatamanyo tempo'nyo Kaunyo Yordan ingiaba'mo, suludadu anu toto tangka-tangkas na pangkatnyo haha aijo' notaapmo i kaunyo aijo' ka' nolaa'mo mian nu tumpu nu lipu' i bangka'nyo haha aijo', mau anu i sasu kabete'an kabai anu i sasu kinsoban nu kaunyo aijo'.

MAZMUR 42:7

Itano' pinomboan mae aiya kinyonyoangku nohintutumo hondo, kalana aijo' aku tinonginau'mo hi Tumpu. Santuu'ku na'anjumo isolok nu kasusa'an aku inganjuhakonmo nuiaba' mompokalangkabut; sumomo ahi' buhok nu uee Kaunyo nu Yordan itampat anu masolok lengkat mae i bungkutnyo nu Hermon tiba Bungkutnyo nu Mizar.

AMSAL 24:10

De beleyum madi' sabaan i uno nu ka'ada'an anu susa'mo hondo saba' beleyum mian anu madi' moko ala mombau apa-apaa.

AMSAL 3:11

De Tumpu mondoke belemiu, o anakku, otalima na aijo' salaku sa'angu' na pokinde', ka' boli belemiu mompele-pele' i ajalan-Nyo aijo'.

YEREMIA 11:21

Aha to mia-mian nu Anatot mongkahanda'imo da beleyum silakamo. Aha notatae, “De beleyum me saja' mompoto'i mae potuunon nu Tumpu hi kami, beleyum opateimo mami.”

YEREMIA 26:8

Lia-lia' salatan pinokopoto'ingkumo na potuunon nu Tumpu susumo anu pinalentahkon-Nyomo, aha nohakopmo mae aku ka' noloboo'mo, “Beleyum matemo!

YEREMIA 36:26

Itomundo' ola mule' ahi' nompalentah anaknyo momo'ane, aijo'mo i Yerahmeel tiba i Seraya anak i Azriel tiba i Salemya anak i Abdeel da mohakop aku tiba i Barukh julutulisku. Panyo kami pinosulukmo nu Tumpu.

YEREMIA 49:19

Susumo singa nasasubamo mae lengkat i alas anu daka' hondo koko Kaunyo nu Yordan ka' nompanjolongimo padang tampat nu domba lewa' mongotot, sumo aijo'mo na Aku toka mae mompotolokengkeng mian nu Edom sahingga mopalaimo mompala'imo lipu' nu aha. Lantas Aku mompile'imo samian na anu timbali polaya' da mompalentah bansa aijo'. Ihe na timbali bau pompokakanakonan tiba Aku? Ihe na baani mahampalakala tiba Aku? Te daagi' ko polaya' anu moko ala mongewa Aku?

YEREMIA 50:44

Sumo singa nasasubamo mae lengkat i alas anu daka' koko Kaunyo nu Yordan ka' nambamo ipadang tampat pongototan nu domba, sumo aijo'mo na Aku, Tumpu, mompasasubahimo mae aha mian nu Babel sahingga aha mopalaimo mompala'imo kota' nu aha lia-lia'. Lantas Ku pile'imo na samian da bau polaya' mompalentah bansa aijo'. Ihe na timbali bau pompokakanakonan Aku? Ihe na baani mahampalakala tiba Aku? Te daagi' ko polaya' anu moko ala mongewa Aku?

1 PETRUS 4:12

To Utu-utus anu okanonongi! Komiu tempo' uuka aiya nongoa'imo hondo kasansala'an kalana hau-haunyomo o'uji'. Panyo boli bangang, au'aitu daagi' ko apa-apaa anu tahahumo pa' apaa na tinimbali hi belemiu.