YEREMIA 12:4 - KITAB NU TUMPU ALLA LELE MA'IMAI'

⁴ Daagi' toka hipian na kopinnyo lipu' aiya manggasmo ka' hemputnyo magayoumo i iwi-iwi na ale'? Tomonsi' tiba binatang sangga'at natemo kalana palabuatan ma'idek nu bansa mami. Aha notatae, tukoonyo nu aha aku madi'mo montoa pa' mosia na ka ahenannyo saidi' mae na aha.”

YEREMIA 12:4 ပူးပေါင်းရင်းမြစ်များ

MAZMUR 107:34

Tano' anu molumba' pinotimbali-Nyomo tampat padang anu napoyu'mo nu timuson, kalana palabuatan ma'idek nu to mia-mian anu jinojoong ikiijo'.

MAZMUR 50:21

Aijo'mo na anu sola' nu bau, panyo ola Ku hokotakon, jadi nu tutugi nu beleyum Aku sumo beleyum. Panyo uuka aiya Ku pisala'imo na beleyum, ka' iwi-iwi' aijo' Ku pojadimo da nyata' hi beleyum.

YESAYA 24:4

Tano' mapenggesmo ka' magayoumo, songko-songko na dunia mongoa'imo kasusa'an. Langit tiba tano' mongoa'imo kasusa'an hingga-hinggat.

YESAYA 24:6

Kalana aijo' Tumpu mongkutukimo tano' ka' mohukumo mian anu monjojoongi kalana palabuatan nu aha. Aha opapuimo ka' madi' manjoo' na aha anu oposalamat.

YEREMIA 12:11

Ya, tinoang-Kumo na aha nompojadi lipu'-Ku tampat anu iliingmo hondo ka' nonsusa'imo kinyonyoang-Ku. Iwi-iwi' madi'mo ko anu nongkalesang, madi'mo ko anu nompalahatikan.

YEREMIA 14:2

“Yehuda sinusa'mo na kinyonyoanyo kota'nyo iwi-iwi' me sangkiding imadi'anmo. To mia-miannyo nale'mo itano' ka' sola'mo notusa' Yerusalem nolokihismo momoita tulung.

YEREMIA 23:10

Lipu'to aiya nobuke'mo nu mian anu madi' tulu-tulutan hi Tumpu. Kantumuu'an nu aha saja'mo mombau anu ma'idek ka' sinala'mo na monggunakon kakuasa'an nu aha. Kalana kutuk nu Tumpu, sahingga hemput ipadang anu mateges nanggasmo ka' songko-songko na lipu' ihumangmo.

YEREMIA 4:25

Tinoangku madi'mo kino manusianyo, sadangkan pe'e tomonsi' singkapmo ilumahap iwi-iwi'.

YEREMIA 4:28

Tano' humangmo, langit pikatmo hondo. Tumpu notataemo, ka' madi'mo mongabali na anu tinanga'an-Nyomo. Ia nontantukanmo kaputusan ka' madi'mo daagi' tolosule' mau ola sumo pala nu tengke.

YEREMIA 5:13

Anggapmo na nabi haha aijo' ola susumo mombun kalana madi' mule' ko potuunon nu Tumpu hi aha.”

YEREMIA 5:31

to nabi-nabi binaleko'mo, to ima-imam mombau anu nu palentahkon nu Tumpu ola yayamo pongka'oho' nu kinyonyoa nu aha ka' belemiu mian anu palesayamo hi beleng-Ku nongka'ima'imo han aijo'. Panyo apaa na anu obau nu belemiu saidi' mae de tokamo na sinaanyo anu imihinyomo mae?”

YEREMIA 7:20

Aku, Tumpu Anu Matangkas na kuasanyo, mompotudunmo tambuha'-Ku anu opalias hondo i laigan ponsomban aiya, kona hi aha manusia, ka' mule' kona hi binatang suele ka' hi to kau-kau' ka' isi nu kuhat. Tambuha'-Ku moakmo susumo apu anu madi'mo opoko ala o'ati'i.”

YEREMIA 9:10

Aku, i Yeremia notatae, “Aku humangmo ka' susamo na kinyonyoa kalana padang tampat nu hemput anu mateges ka' aita' ibungkutnyo iwi-iwi' anu nanggasmo kinumahengkengmo ka' mule' madi'mo tinulu nu mian. Lewo' nu potuu'on madi'mo daagi' ko anu ihongo, binatang anu lumahap tiba binatang-binatang sangga'at nopalaimo ka' imadi'anmo.”

YEREMIA 9:9

Te misa'o konanyo na bansa susumo aiya ka' madi' Ku nabu'akon na hukuman anu memang konanyomo ahi'? Ku balosakonmo na palabuatan nu aha Aku, Tumpu, notataemo!”

HOSEA 4:3

Kalana aijo' lipu' aiya timbalimo mateges ka' batu-batu anu tumuu' ikiijo' matemo. Batu-batu binatang anu i langa ka' i katano'an ka' i ambai mohopu'mo.”

YOËL 1:18

Potu'on lewa'mo nolonga' ka' madi'mo tinenda madi'mo daagi' ko padang hemput hi aha. Sampahas na domba i nateekmo.

AMOS 1:2

Aiyamo na anu tinaloakon i Amos, “Tumpu noloboo'imo aita' mae i Bungkutnyo nu Sion, potatae-Nyo pinodaka'mo lengkat mae i Yerusalem. To pada-padang hemput tinimbalimo napeges, hemput i Bungkutnyo nu Karmel i nagayoumo hondo.”

HABAKUK 3:17

Maumo kau' ara madi' ko bua'nyo, ka' kau' anggur madi' nimbua' anggur; mau pe'e pontipuanmo zaitun panyo madi' ko apa-apaa na anu ihumpak ka' hasin nu gandum i ale' suele madi'ko anu ihumpak, sadangkan iwi-iwi' na domba inatemo, ka' pangkun nu potuu'on madi'mo ko isinyo,

ZAKHARIA 1:12

Lantas malaekat aijo' notataemo, “O, Tumpu Anu Daka na Kuasanyo, Aku talalo hondo mongkalibosi ka' saja' monginau' kota' Yerusalem kota'-Ku anu susi'.

ROMA 8:22

Osumbu'to sampe toka tempo' uuka aiya songko-songko na dunia notusa'mo kalana nongoa'imo sansala, sumo samian na totina mongoa'i sansala de mompohampemo anak.