YEREMIA 12:12 - KITAB NU TUMPU ALLA LELE MA'IMAI'

¹² Lengkat mae aijo' ipadang tampat anu mateges anu aita' mae ibungkutnyo, to mia-mian tinokamo mae kahanda' montololangi. Pinotokang-Kumo mae na pahampatean da mongideimo iwi-iwi' na lipu' sahingga madi'mo daagi' ko samian na anu tumuu' dame.

YEREMIA 12:12 ပူးပေါင်းရင်းမြစ်များ

YESAYA 34:6

Bajak nu Tumpu aijo' nu kampuhimo nu baso' ka' kahomo lompo' nu aha, sumomo ahi' baso' tiba lompo' nu binatang anu kinolobanakonmo. Kalana Tumpu nomposadiamo koloban i Bozra ka' nompahangkolotakonmo manjoo' hondo itano' nu Edom.

YESAYA 57:21

Madi' ko ka amanannyo na mian anu baladosa',” nakoonyo nu Tumpu.

YEREMIA 15:2

De nu pokilawa nu aha hi beleyum, pa' moya na tionyo ahi' kalambanan nu aha, taami sumo uuka, ‘Tumpu notatae, anu tinantukanmo silaka kalana masakit bakasmo da ia silakamo nu panyakit. Anu tinantukanmo silaka i uno nu pahampatean bakasmo da ia silaka i uno nu pahampatean. Anu tinantukanmo silaka kalana mo ohop bakasmo da ia silakamo nu ohop! Anu tinantukanmo da ia ohakopmo, bakasmo da ia oboamo salaku miana nu ihakopmo!’

YEREMIA 16:5

Boli mamba hi aha mian anu hau-haunyo ko anumo sinilaka hi aha aijo', o Yeremia. Boli susa' maumo pa' ihe na sinilaka. Aku madi'mo daagi' mombalakati mian anu palesayamo hi beleng-Ku da mohumpak kantumuu'an ma'ima', ka' mule' madi'mo ahi' mompotoa kanonongan kabai mongkalibosi aha.

YEREMIA 25:11

Songko-songko na lipu' aiya Ku pojohokmo da hansunmo ka' liingmo. Bansa-bansa anu mompaha ohani saidi' mae tulutmo hi tomundo' Babel pitumpulu' na taun na kopinnyo.

YEREMIA 3:2

Soba tanggalakon mokiita' ibawo nu to puge-puge'nyo! Tampat iya na anu ma'isa toho' kinalambanan nu beleyum nasala'? Susumo aha mian nu Arab ipadang tampat anu mateges, sumo aijo'mo na beleyum sumuhang isohipi' nu jalan montanda'i mian anu kahanda' bakusinta. Beleyum nohenyuimo lipu' aiya nu palabuatan masala' tiba palabuatan nu beleyum ma'i-ma'idek.

YEREMIA 3:21

Aita' mae ibawo nu to bungku-bungkutnyo ihongomo na potatae anu ihengge'mo; aijo' potatae nu aha mian Israel anu ihumangmo ka' lewa' mongkakase, kalana aha binaladosa'mo ka' nongkolilimimo Tumpu Allah nu aha.

YEREMIA 30:5

“Ihongong-Kumo na kihis nu mian anu ilakatnyomo kihis nu mian anu nabuhukmo anu madi'mo kinokadamean.

YEREMIA 4:27

Tumpu nompoto'i kooNyo songko-songko na dunia saidi' mae timbalimo padang tampat anu mateges panyo Ia madi' ahi' monsilakaimo iwi-iwi'.)

YEREMIA 46:10

Panyo aku, i Yeremia mompoto'i saba' aiyamo na sinaa nu Tumpu Allah Anu Matangkas na Kuasanyo ka' Mahakuasa; toka isinaa aijo' Ia mombalosakonmo hi aha iwi-iwi' na sampobali'-Nyo. Bajak-Nyo mongkaanmo aha sampe mobosu, ka' monginumo baso' nu aha sampe ma'osa. Sinaa uuka Tumpu Anu Mahakuasa, mongkolot iwi-iwi' na koloban-Nyo isasu utara, isonibi nu Kaunyo Efrat aijo'.

YEREMIA 47:6

Belemiu moloboo', ‘Sampe toka hipian na kopinnyo na beleyum montumbuhi, o, bajak nu Tumpu? Pinsusule'mo isalungum ka'jojoongmo kiijo' mae, bolimo daagi' mompoposia!’

YEREMIA 48:2

Moab madi'mo tinalasanggo. Sampobali' nompatundu'mo Hesybon ka' ikiijo' mae aha binala tanga'mo da ohopu'imo ingko-ingkot na bansa Moab. Ingko-ingkot na potatae ikota' Madmen otewa'mo, kalana kota' aijo' nu tumbuhimo nu suludadu.

YEREMIA 8:15

Ola palasuma na kita montaha'imani paladamean ka' da ma'alin na opakuli'i kalana aiya anu daagi' olanyomo ahi' kasinggian.

MOHAANGI 3:17

Pininmo na aku madi' mongoa'i ka'ima'an; madi'mo sinumbu'ku pa' mosia na mongoa'i kabilahian.

YEHEZKIEL 14:17

Sahingga Ku potokamo mae na pahampatean ilipu' aijo' ka' Ku pakatumo mae na toongon anu bau pahampate toto heba-hebat da bau pompatei manusia kabai binatang.

YEHEZKIEL 21:28

“O, manusia anu madi' tumuu' batu, pongkila-kilamo! Poto'i hi aha mian nu Amon anu sola'mo nongalu mian nu Israel, taalu' Aku, Tumpu Anu Matangkas na Kuasanyo notataemo, ‘Samata na bajak binoitmo sampe jinongkilaban susumo kilat da me kokogia' baumo pompatei.

YEHEZKIEL 21:4

Bajak-Kumo aiya na bau pongewang-Ku iwi-iwi' na mian anu lengkat mae isasu utara toka-toka isasu salatan.

YEHEZKIEL 21:8

Tumpu notataemo mae hi belengku,

YEHEZKIEL 21:9

“O, manusia anu madi' tumuu' batu, soba sola'mo pongkila-kilamo! Poto'imo hi aha to mia-mian taalu' Aku, Tumpu notataemo sumo uuka, ‘Daagi' ko samata na bajak bajak anu ginegesanmo ka' pinotajomo.

YEHEZKIEL 5:2

Sambagian tionyo ahi' nu papui itotonga' nu kota' aijo' de lapasmo na otumbuhi. Ka' sambagian mule' tionyo ahi' nu posusuk i bajak nu beleyum lantas nu lajangakonmo titikup ikota' aijo'. Ka' mule' sambagian anu imihi-mihinyo tionyo ahi' nu sambuangakon mokiita' ilanga, lantas Ku loloi'mo nu bajak-Ku.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

AMOS 9:4

De aha nu boamo nu sampobali', Ku palentahje da aha opatei. Kahanda'-Ku da ohopu'imo na aha, ka' madi'mo montulungi aha.”

ZEFANYA 2:12

Ka' suele mian anu jojoong i Sudan obee'imo hukuman silaka nu Tumpu.

PO'ULE' INGULIT 32:42

Pana'-Ku iwi-iwi' baso'onmo nu baso' nu aha; iwi-iwi' na anu mongewa Aku, Ku pateimo nu bajak-Ku. Madi' Ku pojohok mau mule' pa' ihe na anu mongewa mae Aku; mian anu tinalungku' ka' mian anu binelaonmo suele tionyo ahi' mate.

ANU PINOTO'I HI YOHANES 6:4

Lapas aijo' sa'angu' na ajahan sangga'at mule' nosabatmo. Ajahan aijo' momea' na bulunyo. Anu nonsake'i binee'an kuasa da mongalini paladamean i uno nu dunia, da mian mompaha pate-patei. Sahingga ia binee'an samata na bajak anu daka'.