YEREMIA 12:1 - KITAB NU TUMPU ALLA LELE MA'IMAI'

¹ “De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

YEREMIA 12:1 ပူးပေါင်းရင်းမြစ်များ

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

EZRA 9:15

O Tumpu, Tumpu Allah Israel, belento adin panyo maumo sumo aitu opobee' ahi' nu Belento na kami tumuu'. O akui mami na kasala'an mami hi belento; kami madi'mo ko hak toka mangadap hi ahop nu Belento.”

NEHEMIA 9:33

Kaputusan nu Belento adin, Belento nohukumo kami anu binaladosa'mo; Belento sabole-bole ahi' monginau' kami, maumo kami saja'mo nongoa'i kasansala'an.

AYUB 12:6

Panyo kantumuu'an nu mian anu saja' batololang, madi' mongoa'i kasusa'an; mian anu baani na monggagakon Tumpu Allah, kantumuu'annyo sanang madi'ko anu mompoposia. Padahan aha ola taha'iman hi pilogot, ola posi kahosonan nu butong.

AYUB 13:3

Panyo aku ko kahanda' motatae hi Anu Daka' hondo na kuasanyo; aku kahanda' mompoto'i kahondoanku mongkona han aijo' i ahop nu Tumpu Allah.

AYUB 24:12

I sinin na kota' i hongomo na tano' nu mian anu toto ide-idek na kinyonyoanyo, to mia-mian anu binelaonmo momoita tulung da opakuli'i, panyo Tumpu Allah madi' mohongo do'a nu aha; Ia madi' mompajuli aha.

AYUB 24:23

Tumpu Allah nombee'imo ia kantumuu'an anu ma'ima', panyo sabole-bole saja' nu potomatakon.

AYUB 8:17

Bakatnyo mongkalaputimo batu anu kiijo' i tano'; mongkalekodi mahoson hondo, ia madi' dengke na mokohenggo.

MAZMUR 116:5

Tumpu aijo' pangkalibosi ka'adin! Tumpu Allah-nto saja' hondo mongkalibosi.

MAZMUR 119:137

Belento adin, o, Tumpu iwi-iwi' na atulan nu Belento kinonamo hondo.

MAZMUR 119:75

Ku sumbu' na kaputusan nu Belento adin o, Tumpu, Belento nohukumo mae aku kalana Belento nongkanonongi mae.

MAZMUR 145:17

Tumpu adin hondo i han iwi-iwi' apaa na anu Nu bau ka' talalo hondo nu kalibosi apaa na anu binau-Nyomo.

MAZMUR 37:1

Mazmur i Daud. Boli bata-bata kalana palabuatan nu mian anu ma'idek na kinyonyoanyo boli pusa hi mian anu nombaumo palabuatan anu sala'.

MAZMUR 37:35

Aku toho'mo nontoa samian na anu ma'idek na kinyonyoanyo anu mongka'ima'i saja' buulon; ia sumomo ahi' kau' anu molumba' ka' bakatnyo naleengmo.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

MAZMUR 51:6

Hi Belentomo, hi Belentomo na binaladosa'anku, ka' binaungkumo na anu nu anggap nu Belento ma'idek. Sahingga konanyomo ahi' na Belento mohukumo mae aku, adin memang na kaputusan nu Belento.

MAZMUR 92:7

Mian anu ponga' madi' hondo moko ala monsumbu' mian anu waweng madi' moko ala mompangalatii.

AMSAL 1:32

Mian anu madi' ko anu nu pisumbu-sumbu' saidi' mae silakamo kalana madi' mompajuli aku, ka' mian ponga' saidi' mae mohopu'mo kalana madi' mompajuli aku.

ANU MOMPOLELE POTATAE NU TUMPU 8:14

Panyo iwi-iwi' aijo' madi' hondo ko patu-patunyo. Toamo ahi' apaa na anu jinadimo i dunia aiya; daagi ko mian anu bala iman i hukum susumo mian anu palaganta. Daagi ko mian palabuatannyo ma'idek panyo binee'an palasen susumo mian anu bala iman. Jadi aijo' suele madi' ko gunanyo.

YESAYA 41:21

Tumpu, tomundo' nu Israel, notataemo hi to pilo-pilogot, “Kalakmo mae na palakala nu beleyum, poto'i mae pa' apaa na saba-sababnyo!

YESAYA 48:8

Ku sumbu' na beleyum madi' timbali opalesaya, naipuan pe'e mae na beleyum tinalasanggomo mian anu palaganta. Mokonyo aijo' madi' nu sumbu' nu beleyum, mau santaa' pe'e na potatae, madi' ko anu tinoka ibihing nu beleyum.

YEREMIA 11:20

Lantas aku binalado'amo, “O Tumpu Anu Mahakuasa, Belento mian kopian anu adin hondo; Belento na monguji' pikilan ka' kinyonyoa nu mian. Palakalangku aiya nu asanakonmo hi Belento. Ku amalakon da aku daagi' ahi' monsakisi'i Belento mombalosakon palabuatan nu mian haha aijo'.”

YEREMIA 12:6

Beleyum kinabisa'anmo, pakalaus mule' ahi' tibamo to utu-utus nu beleyum na nongkabisa'i; aha suele ahi' nolambanimo beleyum. Boli opalesaya na aha, maunyomo ahi' matami' na potatae nu aha.”

YEREMIA 3:20

Panyo susumo bengkele' anu madi' tulu-tulutan beleyum suele ahi' madi'mo tulu-tulutan hi beleng-Ku. Aku, Tumpu notataemo.”

YEREMIA 3:7

Aku monsangka de ia moko baumo iwi-iwi' aijo' tantu ia po ule'mo mae minsusule' hi beleng-Ku. Panyo ia madi'mo ahi' ninsusule' mae ola mule' ahi' nompaka lambamo nasala'. Mokonyo aijo' gina'atakon-Kumo ka' nolaa'mo ia. Yehuda utus i Israel anu madi'mo tinulu-tulutan aijo' nontoamo iwi-iwi' aijo'. Panyo ia madi' ahi' nabuhuk. Ia ola mule' ahi' suele nasala'mo,

YEREMIA 32:16

Salatan sulat haha aijo' salaku tanda ingolimo binee'-kumo hi Barukh, aku binalado'amo,

YEREMIA 5:11

Mian nu Israel tiba Yehuda totu-totu'u nombusikimo mae Aku. Aku, Tumpu notataemo.”

YEREMIA 9:2

Uuka aiya ipadang tampat anu mateges timbali ku kabot na tampat sinso'an male' nu mian anu ilumambanan! Sahingga ku pala'imo na bansangku ka' malaimo mamba kiijo' mae da matikojo'onmo madi'mo ohani hi aha. Aha iwi-iwi' saja' mombau palabuatan anu ma'idek sa'angu' na posa'angu'an nu mian anu madi' tulu-tulutan,

MOHAANGI 1:18

Panyo Tumpumo na anu totu'u, kalana palentah-Nyo madi'mo binatukanKu. Potombihing mae na aku, o to bansa-bansa, toa mae na aku i uno nu sansala. To oli-olitau ka' to lalangkoyangku i hakop ka' binoamo ka' binoamo i tampat pompojoongan.

YEHEZKIEL 18:25

Ugaat daagi' ko anu motatae sumo uuka, ‘Hukuman nu Tumpu aijo' madi' totu'u.’ Potombihing mae, o, mian nu Israel! Te madi' mule' totu'u na hukuman anu binee'-Kumo aijo'? Belemiu ahi' na anu madi' totu'u.

DANIEL 9:14

Belento o, Tumpu, na Tumpu mami anu nohukumo kami nu balaa' anu pinosadiamo nu Belento; kaputusan nu Belento saja' kona ka' adin, panyo kami madi' nompotombihing potatae nu Belento.

DANIEL 9:7

O, Tumpu kaputusan nu belento saja' kona ka' adin, panyo kami saja' hondo mombau anu moko ambang hi posi butong mami, aijo'mo kami iwi-iwi' na mian anu sa'a-sa'angu' na bansa tiba kami anu binagi-bagimo nu belento iyaya na lipu' anu majo'on ka' anu ohani kalana aha madi' tulu-tulutan hi Belento.

HOSEA 6:7

Panyo susumo kiijo' i Adam, belemiu madi'mo nongganapi palajanjian nu belemiu hi beleng-Ku.

HABAKUK 1:4

Atulan madi' otoongi totu-totu'u ka' mule' ka'adilan madi' toho' otinjohakon. Mian anu ma'idek na kinyonyoanyo lebemo molingkudui aha mian anu madi' tageo' na kinyonyoanyo, jadi ka'adilan obali-balikakonmo nu aha.

ZEFANYA 3:5

Panyo Tumpu daagi kiijo' i kota' aijo'; Ia saja' mombau anu mingkona ka' madi' toho' sala'. De subu-subumo Ia mombee'imo ka'adilan hi mian-Nyo anu pinalesayamo. Panyo mian anu madi' monsumbu' ka'adilan i kota' aijo' tataap mombau anu ma'idek madi'mo monsumbu' ambang.

MALEAKHI 2:17

Belemiu nongosaimo Tumpu nu potatae nu belemiu. Panyo pinokilawamo nu belemiu, “Te mosia na kami nongosaimo Tumpu?” Ka' notataemo, “Iwi-iwi' na mian anu nombaumo palabuatan anu ma'idek nu anggap nu Tumpu ma'ima', ka' mule' Ia situju hi aha.” Kabai nompokilawa mule' ahi', “Iya na Tumpu anu o'a-o'anggap adin aijo'?”

MALEAKHI 3:15

Pinosi toantomo na to mia-mian anu bulon sanang na kantumuu'an nu aha. Mian anu ma'idek na kalakuannyo misa' ola mompaka kayamo, panyo de aha monguji' kasabalan nu Tumpu nu palabuatan anu ma'idek, aha madi' ahi' nu poposia nu Tumpu.’ ”

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.