YEREMIA 11:4 - KITAB NU TUMPU ALLA LELE MA'IMAI'

⁴ Palajanjian-Ku aijo' binaung-Kumo tiba mompolee' nu aha salatan pe'e aha binoang-Kumo nosabat lengkat i Mesir lipu' anu susumo nalaka hi aha. Pinalentah-ngKumo na aha da montuluti Aku ka' mombau sinin na anu pinalentahkon-Kumo. Uuka aiya suele pinoto'ing-Kumo hi aha mian nu Yehuda tiba hi aha mian anu jojoong i Yerusalem taalu' de aha montuluti Aku aha timbalimo mian anu palesayamo hi belengku ka' Akumo ahi' na Tumpu Allah nu aha.

YEREMIA 11:4 ပူးပေါင်းရင်းမြစ်များ

KAJADIAN 17:8

Ku bee'mo hi beleyum ka' hi lee' nu beleyum na tano' aiya, anu uuka aiya kajojoongan nu beleyum salaku mian anu lengkat mae i salipu'an. Songko-songko na tano' Kana'an timbalimo anu nu makumpu nu beleyum sampe toka sidu-sidutu' ka' Aku timbalimo Tumpu Allah nu aha.”

1 TOMU-TOMUNDO' 8:51

Aha mian anu pinalesayamo hi Belento anu binoamo mae nu belento nosabat lengkat i Mesir lipu' anu pinonsansala'an aha.

2 TOMU-TOMUNDO' 18:6

Madi' toho' ia pinanggaga hi Tumpu. Iwi-iwi' na palentah nu Tumpu anu binee'nyomo ka' pinoto'imo i Musa nu tuluti hondo-hondo i Hizkia.

NOSABATMO 20:6

Panyo Ku potoa na kalibosan-Ku hi mada-madala na lee' nu to mia-mian anu mongkanonongi Aku ka' tulu-tulutan hi Palentah-ngKu.

YESAYA 30:6

Sumo uuka na potuunon nu Tumpu kona hi aha binatang-binatang anu jojoong i tano' sasu salatan, “Tomia-mian anu sinai aijo' nompaha posake'imo keledai tiba unta nu aha anu opalasenakon, lantas nololonga'mo daerah anu manjoo' hondo na anu okabuhuk kalana kajojoongan nu singa, ulo anu kobisa'nyo ka' mule' ulo anu kopolipiknyo. Palasen haha aijo' nu palasombahkon nu aha hi sa'angu' na bansa anu madi' moko ala montulungi aha.

YESAYA 48:10

Aku nonguji'mo beleyum i uno nu apu kasansala'an susumo salaka sinuangmo i uno nu apu.

YEREMIA 11:7

Tempo'nyo Aku nomboamo mompolee' nu aha nosabat lengkat i Mesir, pinokeman-Ku mo na nompokinde'i aha da montuluti Aku. Sampe sinaa uuka mule' Aku daagi' saja' mompokinde'i mian anu palesayamo hi beleng-Ku mongkona han aijo',

YEREMIA 24:7

Aku mosu'an, misa' monggautakon aha. Aku mombee'i hi aha da ko kahanda' mangalati', taalu' Akumo ahi' aijo' na Tumpu. Sahingga aha timbalimo mian anu palesayamo hi beleng-Ku, ka' Aku timbalimo Tumpu Allah nu aha, kalana po' ule'mo mae na aha montuluti Aku buke-buke' na kinyonyoa nu aha.

YEREMIA 26:13

Kalana aijo' bali'imo na jalan nu kantumuu'an nu belemiu tiba palabuatan-palabuatan nu belemiu; tuluti na Tumpu Allah nu belemiu da Nu intim pe'e na niat-Nyo monsilakai belemiu.

YEREMIA 32:28

Kota' aiya Ku pojohokmo da nu kuasai i Nebukadnezar tomundo' nu aha Babel tiba suludadunyo. Aha saidi' mae mongalamo kota aiya,

YEREMIA 38:20

Tinaamanku, “Madi'”, “Belento Tomundo' madi' mule' obee' hi aha. Ku kakase sabole-bole da belento Tomundo' montuluti potuunon nu Tumpu; saidi' mae iwi-iwi' jadi ma'ima', ka' mule' belento Tomundo madi' ahi opatei.

YEHEZKIEL 11:20

Sahingga aha montulutimo iwi-iwi na atulan-Ku ka' mule' tulu-tulutanmo ipalentang-Ku iwi-iwi'. Aha timbalimo mian anu palesayamo hi beleng-Ku ka' mule' Aku timbalimo Tumpu nu aha.

YEHEZKIEL 14:11

Iwi-iwi' aijo' Ku baumo da aha mian nu Israel bolimo daagi' matikojo'on madi'mo mae ohani hi belengku, ka bolimo mule' ohumimi'i nu dosa' na butong nu belemiu. Tiba jalan anu sumo aijo' aha timbalimo mian anu palesayamo hi beleng-Ku, ka' Aku timbalimo Tumpu nu aha.” Aku, Tumpu Anu Matangkas na Kuasanyo notataemo.

YEHEZKIEL 36:28

Jadi belemiu jojoongmo itano' anu binee'-Kumo hi mompolee' nu belemiu. Belemiu timbalimo mian anu palesayamo hi beleng-Ku ka' Aku mule' timbalimo Tumpu nu belemiu.

YEHEZKIEL 37:23

Aha madi'mo daagi' mohenyui butong nu aha nu palabuatan mombau dosa' ka' monsombah to pilo-pilogot anu mohenyui aha. Ku pobebasmo na aha da madi'mo mombau iwi-iwi' na kasala'an anu monsaduakon aha madi'mo mompajuli mae Aku. Ku posusi'mo na aha; aha timbalimo mian anu palesayamo hi belengku ka' Aku Tumpu Allahmo nu aha.

YEHEZKIEL 37:27

Aku jojoongmo tiba aha, Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

DANIEL 3:26

Lantas i Nebukadnezar nongohanimo sabatan pipinombauan apu ka' noloboo'i, “i Sadrakh, i Mesakh, tiba i Abednego to posa-posaihon nu Tumpu Anu Matangkas na Kuasanyo! Posabatmo mae atia' i pinombuan apu!” Sahingga nosabatmo mae na aha.

IMAMAT 26:12

Aku monsangaluimo belemiu; Aku timbalimo Tumpu Allah nu belemiu ka' belemiu timbalimo mian anu pinalesayamo hi beleng-Ku.

IMAMAT 26:3

De belemiu tumuu' ka' montuluti atulan-Ku haha aiya ka' mule' montuluti palentang-Ku haha aiya.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

ZAKHARIA 6:15

Tomia-mian tokamo mae lengkat i tampat anu majo'on ka' montulungimo mombau Laigan-Ku. De laigan aijo' timbalimo nu sumbu'je nu aha na Aku talu' Tumpu Anu Daka' na Kuasanyo nonompalentahmo mae beleyum da tinoka mae hi aha. Iwi-iwi' aijo' timbali jadi de aha totu-totu'u montuluti iwi-iwi na palentah-ngKu, Tumpu nu aha.”

ZAKHARIA 8:8

ka' monsule'akonmo mae aha anu lengkat mae i kabete'an, ka' mule' anu lengkat mae i kinsoban, sahingga aha po ule'mo jojoong i Yerusalem. Aha timbalimo mian anu palesayamo hi beleng-Ku ka' Akumo na Tumpu nu aha. Aku mompalentahmo aha ma'i-ma'ima' ka' mule' adin.”

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

PO'ULE' INGULIT 11:27

Belemiu mohumpak balakat de belemiu tulu-tulutan hi iwi-iwi' na palentah nu Tumpu Allah nu belemiu, anu pinoto'ingkumo sinaa aiya hi belemiu.

PO'ULE' INGULIT 4:20

Panyo belemiu bansa anu pinosalamat-Nyomo lengkat mae i Mesir, tampat belemiu nongoa'i sansala anu taha-tahahumo. Belemiu binoa-Nyomo mae nosabat lengkat i lipu' aijo' da timbalimo bansa-Nyo susumo balu-balu'nyo belemiu uuka aiya.

PO'ULE' INGULIT 5:6

‘Akumo na Tumpu Allah nu belemiu anu nomboamo mae belemiu nosabat lengkat i Mesir, tampat nu belemiu binotuanan.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

1 SAMUEL 15:22

Panyo notatae na i Samuel, “Iya na anu talalo nu ka'ima'i nu Tumpu, tulu-tulutan hi Tumpu kabai koloban anu osombahkon? Montuluti Tumpu na lebe ma'ima' nu lingkudui na monsombahkon koloban. Tulu-tulutan hi Tumpu na lebe ma'ima nu lingkudui na lompo'nyo nu domba.