YEREMIA 11:16 - KITAB NU TUMPU ALLA LELE MA'IMAI'

¹⁶ Toho'mo ingombeng-Ku na aha kau' zaitun anu tambok hondo na honnyo, mahampe na bua'nyo anu toto ima-ima'. Panyo uuka aiya tiba potatae anu polintup taha-tahahumo Ku papuimo na honnyo haha aijo' ka' mule' Ku paha pato'imo na panga'nyo iwi-iwi.

YEREMIA 11:16 ပူးပေါင်းရင်းမြစ်များ

AYUB 8:16

Susumo padang tuu'an na tumuu', mahoson na mian anu madi' palesaya hi Tumpu; de nu timpa'imo nu singit, ia tumuu' ka' molumba'mo ka' nusongkohimo na tampat kinatumuu'annyo aijo'.

MAZMUR 52:8

Montoa han aijo' mian anu bala'iman hondo jadimo mabuhuk, lantas mongkokojoimo beleyum ka' motataemo,

MAZMUR 80:16

Posalamat mae na mian anu sumomo kau' anggur anu posi Belento na nosu'an, ka' sumpenyo nu anggur anu pinohosonmo nu Belento.

MAZMUR 80:17

Anu monsampobali nonta'amo ka' nompapuimo; bakasmo na aha da silakamo nu tambuha' nu Belento.

MAZMUR 83:2

O Tumpu, boli tongo, boli ola basolung lima ka' momohokot.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YEREMIA 2:21

Beleyum sinu'an-Kumo susumo kau' anggur anu pinile'an-Kumo ingala ibibitnyo anu ma'ima'. Panyo uuka aiya beleyum nongabali'mo tinimbalimo sosu'anon nu kuhat ka' madi'mo kinokaliangannyo.

YEREMIA 21:14

panyo Ku hukumo na beleyum kalana palabuatan nu beleyum atina'. Laigan nu tomundo' nu belemiu Ku papumo, ka' sinin na apaa anu atina' ohani suele ahi' motoyo'mo. Aku, Tumpu notataemo.”

YEREMIA 7:20

Aku, Tumpu Anu Matangkas na kuasanyo, mompotudunmo tambuha'-Ku anu opalias hondo i laigan ponsomban aiya, kona hi aha manusia, ka' mule' kona hi binatang suele ka' hi to kau-kau' ka' isi nu kuhat. Tambuha'-Ku moakmo susumo apu anu madi'mo opoko ala o'ati'i.”

HOSEA 14:6

Kona hi aha mian nu Israel Aku sumo ujan anu mohumpisimo tano' nana tegesmo. Aha po ule'mo timboka susumo buhak nu kau' ka' susumo kau' cemara anu bakatnyo maleeng.

MATIUS 3:10

Bobolo' sinadiamo bau pontaa' kau' toka i baka-bakatnyo. Toto sampu'un anu madi' mohasinakon bua'nyo anu ma'ima' tionyo o taa' ka' o alin i uno nu apu.

YOHANES 15:6

Mian anu madi' saja' mosa'angu' tiba Aku, o'alin sumo panga', lantas timbali manggas. To panga-panga' susumo aijo' olimu' ka' olumbu'akon mokiijo' i uno nu apu.

PO'ULE' INGULIT 28:40

Songko-songko na lipu' nu belemiu tumuu'mo na kau' zaitun, panyo bua'nyo iwi-iwi' ola molosu, sahingga belemiu madi' mohumpak lanya'nyo.

ANU PINOTO'I HI YOHANES 11:4

Ua'aha na sakisi aijo' atina'mo ohua' na batang nu kau' zaitun ka' ohua' na sulaan nu sulu' anu daagi' kiijo' i ahop nu Tumpu anu mongkuasai songko-songko na dunia.