YEREMIA 11:12 - KITAB NU TUMPU ALLA LELE MA'IMAI'

¹² Lantas mian nu Yehuda tiba mian anu jojoong i Yerusalem mambamo momoita tulung hi to pilo-pilogot sangga'at anu nu sombah nu aha nu palasombahan koloban. Pilogot haha aijo' madi' ahi' moko ala momposalamat aha de balaa' aijo' tokamo mae.

YEREMIA 11:12 ပူးပေါင်းရင်းမြစ်များ

2 TAWARIKH 28:22

I uno nu han anu talalomo hondo sinusa' aijo', i Ahas ola mule' ahi' nompaka baladosa'mo hi Tumpu.

YESAYA 45:20

Tumpu notatae, “Sihukmo ka' tokamo mae hingga-hinggat, belemiu iwi-iwi' anu madi' pinatean nu to bansa-bansa! Ponga' ahi' na to mia-mian anu molondakon patong kau' ka' balado'amo hi to pilo-pilogot anu madi' moko ala momposalamat.

YESAYA 46:7

Patong aijo' pinaku'mo ka' pino una'mo itampatnyo, ia tuminjo'mo ikiijo' ka' madi' ahi' moko ala molalin. De mian tokamae balado'a hi ia, ia madi' montaami, ka' madi' ahi' momposalamat mian aijo' da madi'mo susa'.

YEREMIA 18:15

Panyo mian anu palesayamo hi beleng-Ku nongkolilimimo Aku, ka' nompapuimo kamangian sinombahkon hi pilogot. Aha tinasala'mo ijalan nai-naipuan mae anu tionyo ahi' nu tului nu aha, lantas noselemo namba ijalan anu ma'isa pinohata.

YEREMIA 2:28

Iyamo mae na pilogot nu belemiu anu bibinaumo nu belemiu? De ko kasusa'an, pokau na aha da momposalamat belemiu de memang ahi' aha moko ala! O Yehuda, pilogot nu belemiu sumomo ahi' konjoo'nyo nu kota' nu belemiu!

YEREMIA 44:8

Kadaka' belemiu nombaumo hahan anu monsabapimo Aku motambuha'? Belemiu tinokamo i Mesir ka' jinojoongmo, ilipu' anu ma'isa osumbu-sumbu' nu belemiu aijo' lantas belemiu monsombahmo pilogot ka' monsombahkonmo koloban hi to pilo-pilogot nu lipu' aijo'! Te belemiu kahanda'mo mohansuni posi butong nu belemiu da belemiu nu alumo nu bansa iwi-iwi' idunia aiya ka' mule' sanggo nu belemiu lewa'mo opake salaku bau pontotobi'akon?

PO'ULE' INGULIT 32:37

Sahingga nupokilawamo nu Tumpu hi mian anu pinalesayamo hi Ia ‘Iyamo mae na to pilo-pilogot anu mahoson anu talalo hondo otaha'imani nu belemiu?’

PO'ULE' INGULIT 32:38

Aha mongkaan lompo'nyo nu binatang anu sinombahkonmo nu belemiu, ka' monginum anggur anu kinolobanakonmo nu belemiu, Pokau na aha da toka mae montulungi belemiu, da ahaje na timbali montulungi belemiu.

TO MIA-MIAN KOPIAN 10:14

Lako'mo hi to pilo-pilogot anu pinile'anmo nu belemiu aijo'. Pomoitamo tulung hi aha! Ahaje na montulungi de belemiu i unomo nu kasusa'an.”