YEREMIA 11:10 - KITAB NU TUMPU ALLA LELE MA'IMAI'

¹⁰ Aha nombaumo dosa' bibinaunyo nu mompolee' nu aha kalana madi'mo nontuluti Aku, aha nonsombahmo pilogot sangga'at ka' madi'mo ka'oho' montuluti palentah-ngKu. Mau Israel kabai Yehuda nolanggaimo palajanjian anu binaung-Kumo tiba mompolee' nu aha.

YEREMIA 11:10 ပူးပေါင်းရင်းမြစ်များ

PO'ULE' INGULIT 31:16

Tumpu notataemo hi Musa, “Madi'mo pin beleyum silakamo. De beleyum silakamo, bansa Israel madi'mo daagi' mohongo-hongo Aku ka' mompojalomo apaa na anu jinanji'Kumo hi aha. Aha mompala'imo Aku da monsombahmo to pilo-pilogot anu nusombah nu lipu' anu madi'mo pin nupinsoopimo nu aha.

YEHEZKIEL 16:59

Tumpu Anu Matangkas na Kuasanyo notatae, “Beleyum Ku hukumo sitimbang tiba palabuatan nu beleyum, kalana beleyum madi'mo nontuluti anu sinumpa'akonmo nu beleka' mule' nolanggaimo palajanjian-Ku anu binaumo tiba beleyum.

1 SAMUEL 15:11

“Aku nompele-pele'mo na nohangkat i Saul binau tomundo' kalana ia nohukumo aku ka' madi'mo nombau apaa na anu Ku palentahkon.” I Samuel nolibosmo hondo ka' sinusa'mo sinampahu na ia lewa' nompele-pele' hi Tumpu.

TO MIA-MIAN KOPIAN 2:19

Panyo de polaya' aijo' silakamo, bansa aijo' mompaka baumo anu ma'idek ka' lebemo molingkudui aha anu ilapisannyo mae momona. Aha pinalesayamo ka' nohongo-hongomo to pilo-pilogot sangga'at ka' nonsombahmo pilogot haha aijo'. Aha nompinsusule'imo kabiasa'an anu toto ide-idek anu saja' nubau nu aha ka' madi'mo mongka'oho' mombabali'i sipat nu aha.

TO MIA-MIAN KOPIAN 2:17

Panyo aha madi' montapali polaya' haha aijo'. Aha nonsombahmo to pilo-pilogot sangga'at, ka' madi'mo nohongo-hongo Tumpu. Aha madi'mo nontuluti sonto' nu mompolee' nu aha anu tulu-tulutan hi palentah nu Tumpu iwi-iwi'.

IBRANI 8:9

Misa' sumo palajanjian anu binaung-Kumo tiba mompolee' nu aha tempo'nyo Aku nolaya' nosabat mae lengkat i lipu' Mesir. Aha madi' tinulu-tulutan anu binaung-Kumo tiba aha; aijo' na sababnyo Aku madi'mo mompajuli aha.

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

HOSEA 6:7

Panyo susumo kiijo' i Adam, belemiu madi'mo nongganapi palajanjian nu belemiu hi beleng-Ku.

YEHEZKIEL 44:7

Aha nohumimi'imo Laigan-Ku, kalana hau-haunyo lompo'nyo tiba baso'nyo nu koloban osombahkonmo hi beleng-Ku aha mompobee'mo to mia-mian anu isalipu'an mae minsoopmo i unonyo padahan madi' sinunat ka' anu madi' montuluti Aku. Kalana palabuatan-palabuatan nu aha anu okahenyui aijo', aha nolanggaimo palajanjian-Ku tiba aha.

MAZMUR 78:57

Aha nombaumo kalakuan anu ma'idek susumo mompolee' mae nu aha, ka' madi'mo timbali opalesaya sumomo pompana' anu tinageo'mo.

PO'ULE' INGULIT 9:7

Inau' mosia na belemiu nonsabapi Tumpu Allah nu belemiu pinusa i padang bola. Salatanmo pe'e belemiu nompala'imo mae Mesir sampe tinoka i aiya belemiu saja' pinanggaga hi Tumpu.

IMAMAT 26:15

de belemiu molanggaimo anu jinanji'-Kumo ka' anu binaung-Kumo hi belemiu ka' madi' mongka'oho' montuluti katantuan ka' to atu-atulan-Ku,

ZAKHARIA 1:4

Boli montiho susumo mompolee' nu belemiu. Daagi' pe'e naipuan mae to nabi-nabi nompotokamo potuunon-Ku hi aha da aha bolimo mombau palabuatan anu ma'idek, ka' mombau dosa'. Panyo aha madi' nompajuli ka' madi' nongka oho' tinulu-tulutan hi beleng-Ku.

HOSEA 7:16

Aha lasaja mombatuki topilo pilogot anu madi kokuasa apa-apaa. Aha madi bisa otahaimani sumo panah anu madi mayontok. To tana tanaas nu aha la saja motatae sombong. Mokanyo aitu aha tionyo opatei nu bajak ka nu kokojoi nu tomia mian nu Mesir.”

HOSEA 6:4

Panyo Tumpu notataemo, “O Israel tiba Yehuda! Apaa na anu tionyo Ku bau hi belemiu? Liibosum hi beleng-Ku malia' hondo saimpotulu susumo sehu' kabai dondu'ok daagi' subu-subu hondo.

YEREMIA 31:32

Panyo palajanjian aijo' misa' susumo palajanjian anu binaung-Kumo tiba mompolee' nu aha tempo'nyo aha ilaya'-Kumo namba nosabat lengkat mae i Mesir. Maunyomo ahi' Aku sumomo salaku langkai' nu aha, panyo aha madi' ahi' nontoongi palajanjian-Ku tiba aha.

TO MIA-MIAN KOPIAN 2:11

Lapas aijo' aha mian nu Israel binaladosa'mo hi Tumpu. Aha madi'mo nonsombah Tumpu, Tumpu Allah nu mompolee' nu aha, aijo'mo Tumpu Allah anu nomboamo mae aha nosabat lengkat i Mesir. Aha nontampu'uni nonsombah Baal ka' Asytoret ka' to pilo-pilogot sangga'at anu nusombah nu to bansa-bansa anu montikubi aha. Sahingga tinambuha'anmo nu Tumpu na aha ka' nompojohokmo sampobali' nu aha nontumbuhi ka' nompahuhuimo aha. Aha madi'mo noko ala nongahopi sampobali' nu aha anu aitu mae nontikubi aha.

YEREMIA 7:28

Jadi poto'i hi aha taalu' aha sa'angu' na bansa anu madi' mongka'oho' tulu-tulutan hi beleng-Ku, Aku, Tumpu Allah nu aha. Aha madi' mongka'oho' monginau' hukuman anu ingoa'anmo nu aha. Tulu-tulutan hi beleng-Ku imadi'anmo, pakalaus madi'mo daagi' binisalakon.”

YEREMIA 13:10

Bansa anu ma'idek na palabuatan nu aha aijo' talalo ahi' panggaga ka' madi'mo mae tulu-tulutan hi beleng-Ku. Aha monsombah ka' palesaya hi to pilo-pilogot sangga'at. Mokonyo aijo' aha montihomo lipa' kodo-kodo' aijo' anu madi'mo daagi' ko gunanyo.

YEREMIA 17:23

Panyo mompolee' nu belemiu madi' mongka'oho mohongo-hongo kabai mompalahatikan apaa na anu tinaloakon-Kumo. Aha panggaga hondo ka' madi' mongka'oho' montuluti kabai opokinde'i.

YEREMIA 44:5

Panyo belemiu madi' nongka'oho' nohongo ka' madi' nompalahatikan. Belemiu madi' nongka'oho' binelenti nombau palabuatan anu ma'idek aijo'mo nonsombahkonmo koloban hi to pilo-pilogot.

YEREMIA 44:16

“Kami madi'mo mongka'oho' mohongo apaa anu nu poto'i mae nu beleyum hi kami atas sanggo nu Tumpu.

YEHEZKIEL 5:6

Panyo Yerusalem madi'mo nontalima palentah-ngKu ka' lebemo na'idek ilingkuduannyomo na bansa-bansa sangga'at, ka' mule' lebemo madi' tulu-tulutan ilingkuduannyomo na nega-negara anu mompaha ohani. Yerusalem nolanggimo sinin na palentang-Ku ka' mule' madi'mo nontuluti sinin na atulan-Ku.”

ZAKHARIA 7:11

Panyo mian anu palesayamo hi beleng-Ku, talalo hondo panggaga ka' madi' hondo kahanda' mompotombihing, aha ola ahi' mompiiti bihing nu aha da madi' mohongo-hongo.

ZAKHARIA 7:13

Aku madi'mo nontaami do'a nu aha kalana aha suele madi'mo nompotombihing mae tempo'nyo Aku notatae.

YESAYA 24:5

Tano' mahumimi'mo kalana nu saduakon nu palabuatan nu mian anu monjojoongi nolanggaimo iwi-iwi na palentah nu Tumpu, nongabali'mo iwi-iwi na anu tinantukannyomo ka' madi'mo nontoongi palajanjian anu binau-Nyomo tiba aha sampe toka sidu-sidutu'.

YEREMIA 22:9

Lantas nu taamimo nu mian koonyo nu aha iwi-iwi' aijo' jinadimo kalana belemiu madi'mo nongganapi palajanjian nu belemiu hi Tumpu Allah nu belemiu ka' mule' nonsombahmo ka' pinalesayamo to pilo-pilogot sangga'at.”