YEREMIA 10:9 - KITAB NU TUMPU ALLA LELE MA'IMAI'

⁹ Ia ilapisan nu salaka tiba mosoni' anu binoa mae lengkat i Spanyol ka' lengkat mae i Ufas, iwi-iwi' anu binau nu lima nu mian topo ukin tiba tukang tutuk mosoni'. Baju'nyo hude anu mingkamumu' hondo tiba anu madi' talalo mingkamumu' tinonun nu anu pande montonun ka' talalo ahi' pinokopianan.

YEREMIA 10:9 ပူးပေါင်းရင်းမြစ်များ

1 TOMU-TOMUNDO' 10:22

I Salomo ko kapan anu toto daka-daka' anu talabut hingga-hinggat tiba to kapa-kapan nu Tomundo' Hiram. Totolu' na taun ola minsan nakapan haha aijo' minsusule' mae momboa mae mosoni', sae nu gaja, balan ka' tomonsi' merak.

2 TAWARIKH 9:21

Manjoo' na kapan i Salomo anu toto daka-daka' talabut i ndalangon anu ewa hondo hingga-hinggat tiba to kapa-kapan i Tomundo Hiram. Toto totolu' na taun minsan mae na kapan haha aijo' minsusule' mae momboa mosoni', salaka, sae nu gaja, balan ka' tomonsi' merak.

MAZMUR 115:4

Bapilogotan nu aha mosoni' ka' salaka na binau, anu binau nu lima nu manusia.

MAZMUR 72:10

To tomu-tomundo' nu aha Tarsis ka' iwi-iwi' na togong momboamo hi ia palasombahan. To tomu-tomundo' nu aha Arab ka' Etiopia tokamo momboa mae pombayan hasin.

YESAYA 23:6

Hangmo, ka' palaimo mamba i Spanyol, o, belemiu mian anu jojoong isonibi nu ambai!

YESAYA 40:19

Ia na madi' ahi' susumo patong nunu bau nu to tuka-tukang patong anu olapisi nu mosoni' ka' olatasi nu salaka.

YEHEZKIEL 27:12

Beleyum nompobalukmo bala-balang anu opodagang manjoo' hondo hi aha Spanyol, ka' salaku pombayan mae nu aha beleyum nontalimamo salaka, besak, timah mopute' tiba timah mo'itom.

YEHEZKIEL 27:7

Binau kadut nu beleyum ka' anu binau tanda da osumbu' na beleyum te hude lenan anu tinonun nu aha Mesir, ka' mongangahan na sujinyo. Binau pontenda'i nu beleyum haha atina' te hude anu ma'ima' hondo lengkat mae i Siprus ka' buhitnyo mingkamumu'.

DANIEL 10:5

Aku nonsinda nokiita' lantas tinoangku samian na anu nompusok baju' hude lenan ka' mule' pombutu'nyo mosoni' anu madi' ko galo'nyo.

HOSEA 8:6

Sapi' mosoni' anu osombah kiijo' i Samaria aijo', anu bibinau nu to mia-mian anu pakawelan i Israel! Aijo' misa' Tumpu, kalana aijo' tionyo ahi' ohansuni!

YUNUS 1:3

Panyo i Yunus ola mule' ahi' namba itampat sangga'at da majo'on hi Tumpu. Ia namba i Yope ka' tempo'nyo aijo' nompaha kabotmo kapan anu kahanda' mamba i Spanyol. Salatan binayannyomo na ongkos nu kapan ia sinumake'mo i kapan aijo', lantas tinalabutmo namba hingga-hinggat tiba pangalaja nu kapan nambamo i Spanyol da majo'on hi Tumpu.