YEREMIA 10:8 - KITAB NU TUMPU ALLA LELE MA'IMAI'

⁸ Ponga' ka' waweng na aha iwi-iwi' kalana pilogot nu aha ola kau' samata-mata madi' moko ala mompogulu' anu kogunanyo.

YEREMIA 10:8 ပူးပေါင်းရင်းမြစ်များ

MAZMUR 115:8

O' amalakon da sumo aijo'mo na uki' nu to mia-mian anu nombaumo sumo aijo' ka' iwi-iwi' na mian anu pinalesayamo hi ia.

MAZMUR 135:18

O'amalakon da sumo aijo'mo na uki' nu to mia-mian anu nombaumo ia ka' anu pinalesayamo hi ia.

YESAYA 41:29

Memang pilogot haha aijo' madi' kogunanyo, aha na ola ahi' patong anu sinuang anu madi' moko ala mongkohenggo, ka' madi' ahi' moko ala mombau apa-apaa.”

YESAYA 44:18

Memang ponga' ahi' na to mia-mian anu susumo aijo'! Aha nongkukubimo mata tiba kinyonyoa nu aha sahingga madi'mo daagi' nompangalati'i apa-apaa.

YESAYA 44:19

Mian anu nombau patong aijo' madi'mo daagi' binapikin, “Kau' aijo' sambagian pinapuankumo, ka' obanyo pinakengkumo bau pinontunuan roti ka' mule' bau pontapa'i ponoha' da ku kaan. Lantas tuha' nu kau' aijo' ku baumo patong. Jadi uuka aiya aku monsombahmo sangkolong na kau'!”

YEREMIA 10:14

Salatan nontoamo aijo' iwi-iwi' nangalati'je na manusia taalu' ia ponga' ahi' ka' madi' ahi' ko anu nu pisumbu-sumbu'. To tuka-tukang anu pande montutuk mosoni madi'mo pinalesaya, kalana patong pilogot anu binaunyo aijo' madi' ko kaliangannyo ka' mule' madi' ko santuu'nyo.

YEREMIA 2:27

Belemiu saidi' me opopo ambangmo kalana sangkolong na kau' olaga nu belemiu na tuuma, ka' sa'angu' na batu olaga nu belemiu na tina. Belemiu madi' ahi' toka mae hi belengku, panyo ola mule' ahi' mompala'i Aku. Panyo de tokamo na tempo' nu kasusa'an, Akumo ahi' na olaga nu belemiu da tokamae momposalamat belemiu.

YEREMIA 3:9

ka' madi' hondo-hondo mongoa'i ambang. Ia nasala' kalana nonsombahmo batu tiba kau'sahingga lipu' aiya nahumimi'mo.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 5:4

Aku binapikinmo, “Ah aha olamo ahi' mian popololo anu madi' monsumbu' apa-apaa. Aha mombau apa-apa ponga' kalana madi' osumbu' pa' apaa na anu okahanda'i ka' pa' apaa na anu nu tuntut nu Tumpu Allah hi aha.

HOSEA 4:12

Belemiu nomoitamo da nu potingan nu sangkolong na kau'! Sangkau na tokon mompoto'i hi belemiu apaa na anu nu ka'ima'i nu belemiu da osumbu'! Belemiu sumomo samian na bengkele' anu tinimbalimo anu masala'; belemiu nohikumo Aku ka' nombee'mo butong nu belemiu hi to pilo-pilogot.

YUNUS 2:8

To mia-mian anu monsombah pilogot anu madi' ko gunanyo nompala'imo Belento ka' madi'mo daagi nontuluti Belento.

HABAKUK 2:18

Kinutukan nabeleyum! Beleyum notataemo hi sangkolong na kau', “Pobulamo!” kabai hi batu anu daka' hondo, “Tinjomo!” Te moko ala na patong sa'angu' montaeakon apa-apaa hi beleyum? Maumo patong aijo' ilapisan nu mosoni' tiba salaka, panyo madi' ahi' ko nyawanyo. Apaa na gunanyo patong nu pilogot? Aijo' ola manusia na nombau. Anu nu humpak hi ia ola ahi' anu madi' totu'u. Ola palasuma na kapalesaya'an nu mian anu mombau bapilogotan anu pinosi bau nu limanyo anu madi' moko ala motatae aijo'.

ZAKHARIA 10:2

To mia-mian momoitamo hi to pilo-pilogot pa' mosia na nasipnyo ka' mule' mambamo hi mian anu topo tahi'i panyo anu pinoto'i mae nu aha aijo' ola ahi' leko' ka' palasuma madi' ahi' totu'u. Daagi' ko anu montalangkan ipion, panyo katalangan nu aha ola ahi' mompobingong belemiu, ka' potatae anu toto ima-ima' nunu poto'i nu aha madi' ahi' kokaliangannyo. Kalana aijo' mian da'isan noga'aga'atmo susumo domba. Aha singkapmo nagesuk kalana madi'mo ko polaya'nyo.