YEREMIA 10:5 - KITAB NU TUMPU ALLA LELE MA'IMAI'

⁵ Patong pilogot haha aijo' sumo mian na lupanyo anu opo una' i ale' nu kantimun. Aha madi' moko ala motatae, madi' moko ala tololangkas, ka' tionyo ahi' ohangkat. Boli okabuhuk na aha kalana aha madi' moko ala mombau anu ma'idek hi belemiu; ka' mule' mombau anu ma'ima madi' ahi' nu poko ala nu aha.”

YEREMIA 10:5 ပူးပေါင်းရင်းမြစ်များ

1 TOMU-TOMUNDO' 18:26

Sahingga aha nompile'mo sa'angu' na sapi' lantas pinotoukamo nu aha. Lapas aijo' aha binalado'amo hi Baal nu aha, lengkat pe'e daagi' subu sangkutnyo tinoka sonsu'un na sinaa, ka' lewa' nolo-noloboo', “Taami mae na kami Baal!” Sumo aijo' na aha nombau ka'mule' lewa'mo nonsalelei montikubi mezbah nu aha. Panyo' madi' hondo-hondo ko anu nontaami mae.

2 TAWARIKH 25:15

Anu binaunyomo aijo' nonsaduakonmo da Tumpu nontambuha'imo. Ia nonsaimo samian na nabi namba hi Amazia. Nabi aijo' notatae, “Kadaka' belento Tomundo nonsombahmo pilogot nu bansa sangga'at anu madi' moko ala momposalamat posi bansanyo da madi' opoko kuasai nu Belento Tomundo?”

YESAYA 16:12

Aha mian nu Moab binasusa-susa'mo nindako ipuge'nyo anu saja-saja' ponsombahkonan koloban ka' binalado'amo panyo madi' kinokaliangannyo.

YESAYA 45:20

Tumpu notatae, “Sihukmo ka' tokamo mae hingga-hinggat, belemiu iwi-iwi' anu madi' pinatean nu to bansa-bansa! Ponga' ahi' na to mia-mian anu molondakon patong kau' ka' balado'amo hi to pilo-pilogot anu madi' moko ala momposalamat.

YESAYA 46:1

Uuka aiya na ka ahenannyo nu pilogot nu aha Babel; naipuan mae patong Bel tiba Nebo osombah, panyo uuka aiya oposake'mo ibinatang, timbalimo boaon nu binatang anu malawemo.

YESAYA 46:7

Patong aijo' pinaku'mo ka' pino una'mo itampatnyo, ia tuminjo'mo ikiijo' ka' madi' ahi' moko ala molalin. De mian tokamae balado'a hi ia, ia madi' montaami, ka' madi' ahi' momposalamat mian aijo' da madi'mo susa'.

YEREMIA 10:14

Salatan nontoamo aijo' iwi-iwi' nangalati'je na manusia taalu' ia ponga' ahi' ka' madi' ahi' ko anu nu pisumbu-sumbu'. To tuka-tukang anu pande montutuk mosoni madi'mo pinalesaya, kalana patong pilogot anu binaunyo aijo' madi' ko kaliangannyo ka' mule' madi' ko santuu'nyo.

1 KORINTUS 12:2

O inau' tempo'nyo komiu ma'isa nonsumbu' Tumpu, komiu tinagodamo nombatuki pilogot anu momo'.

1 KORINTUS 8:4

Han painggaga mongkaan kaanon anu sinombahkonmo hi pilogot, osumbu'to saba' te pilogot monggambanakon apa-apaa anu sabenannyo i madi'an. Ka' osumbu'to mule' saba' Tumpu ola sa'angu'; madi' ko sangga'atannyo.

PO'ULE' INGULIT 4:28

Ikiijo' mae belemiu monsombahmo to pilo-pilogot anu nubau nu lima nu manusia, pilogot haha aijo' kau' na binau ka' batu anu madi' moko ala montoa kabai mohongo, madi' moko ala mongkaan kabai mongooki.