YEREMIA 10:20 - KITAB NU TUMPU ALLA LELE MA'IMAI'

²⁰ Kemah mami na'idekmo tiba kahohon bau pompuuti singkapmo nobotu'. Madi'mo daagi' ko anu moko ala mombau kemah ka' mompaha pokona hudenyo kalana to ana-anak nambamo.”

YEREMIA 10:20 ပူးပေါင်းရင်းမြစ်များ

AYUB 7:8

Uuka aiya nutoa nu beleyum na aku – panyo aijo' madi' pin. De aku nulio nu Belento, saba' aku madi'mo ohumpak.

AMSAL 12:7

Mian anu ma'idek na kinyonyoanyo saidi mae madi'mo ko angga'nyo ka' silakamo ka' madi'mo otoa-toa; panyo mian anu manonong saidi mae tataap ko angga'nyo sampe molundu-lundu na tulunan.

YESAYA 51:16

Akumo na nomboka langit ka' nompokokomo lananyo nu tano'. Aku notataemo hi Sion: Beleyumo na mian anu palesayamo hi beleng-Ku; Aku mombee'mo pangajalan-Ku hi beleyum ka' monjagaimo beleyum nu kuasang-Ku.”

YESAYA 51:18

Anu atina' jojoong hi beleyum madi' ko anu nontaka aha, anu atina' jojoong hi beleyum madi' ko anu nontuntuni aha.

YESAYA 54:2

Po'ewamo na kema kajojoongan nu beleyum; pomantan na ponsegotinyo ka' pohoson na pontotolinyo!

YEREMIA 30:17

Maumo ahi' sampobali' nu beleyum notataemo, ‘Sion binaamo, ka' madi'mo ko anu nompalahatikan’ panyo belemiu na po ule'mo ahi' Ku pohoson da madi'mo masakit. Ka' bela nu belemiu haha atina' Ku pakuli'imo.”

YEREMIA 31:15

Tumpu notatae, “Kiijo' i Rama ihongomo na anu ihumang, mososon ka' pompele-pele' bau nu kasusa' nu kinyonyoa. I Rahel nohangimo to ana-anaknyo, ia madi'mo montalima pohase' kalana aha imadi'anmo.

YEREMIA 4:20

Balaa' me saja' tinoka mae nohansunimo songko-songko na lipu'. Monti-montiik ahi' kemahku ingideanmo, hudenyo iwi-iwi' pinaha bea-beakmo.

MOHAANGI 1:5

Sampobali' nu aha binilahimo kalana nongkuasaimo. Tumpu nombaumo aha da sinansala, kalana talalomo hondo na dosa'nyo. Mian anu jojoong i kiijo' i hakopmo, ka' binoamo i tampat pinompojoongan.

MIKHA 2:9

To bou-boune anu hi aha mian-Ku anu palesayamo i laa'mo nu belemiu da belemiu jojoongmo i laigan nu nu kalibosi nu aha, ka' belemiu nongagoi aijo' madi'mo daagi' osule'akon sampe toka sidu-sidutu' padahan aijo' anu binee'-Kumo salaku balakat hi to ana-anak nu aha.