YEREMIA 10:12 - KITAB NU TUMPU ALLA LELE MA'IMAI'

¹² Tumpu nompotimbalimo tano' kalana kakuasa'an-Nyo, nombontukmo dunia kalana kapandean-Nyo ka' nombokamo langit kalana suele kapandean-Nyo.

YEREMIA 10:12 ပူးပေါင်းရင်းမြစ်များ

KAJADIAN 1:1

Momonanyo, salatan Tumpu nontampu'unimo nompotimbali songko-songko na dunia,

KAJADIAN 2:5

ma'isa ko anu tinumuu' ka' ma'isa ko sosu'anon i tano', kalana Tumpu ma'isa nontudunakon ujan ka' ma'isa ko mian monggunakon tano' aijo'.

1 TAWARIKH 16:26

To pilo-pilogot nu bansa sangga'at ola patong na bau bapilogotan panyo Tumpu aijo'mo na anu nompotimbali langa.

AYUB 26:7

Tumpu Allah nombokamo ewa-ewa langit aita' i bawo nu ndalangon songko-songko ka' pinokalayo'-Nyomo na dunia i tampat anu madi' ko isinyo.

AYUB 37:18

Te beleyum sumo nu Tumpu Allah moko ala mongkoka aita langit ka' mompokut ia susumo logam anu ocuang kabai kasa?

AYUB 9:8

Binokanyo nalanga aita' madi' ko anu nontulungi; pinahampeja'akon-Nyo na hiku nu molokoimbu.

MAZMUR 104:2

Belento nibaju'mo nu jingkele'an ka' kaholomatan, ka' ningkukumbungmo nu jingka.

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 119:90

Kanonongan nu Belento madi' ko ka'ahenannyo sidu-sidutu', Belento na nompotinjo tano' sahingga sabole-boleh daagi'.

MAZMUR 24:2

Ia nompokokomo salaku bau katinjoannyo ibawo nu ndalangon, ka' pinotinjomo i bawo nu uee anu maleng hondo.

MAZMUR 33:6

Tumpu nompalentah, sahingga langit jinadimo; batu nu sinaa, bitu'on tiba mandala' pinojadimo nu potatae-Nyo.

MAZMUR 65:7

Kalana kahosonan nu Belento, pinotinjomo nu Belento, na to bungku-bungkutnyo bau pompotoa kakuasa'an nu Belento anu moko ala hondo mombau apa-apaa.

MAZMUR 78:69

Ia nombaumo Laigan-Nyo susumo anu kajo-kajojoongan-Nyo kiita' i suluga' ka' susumo tano' mahoson sampe toka sidu-sidutu'.

MAZMUR 93:1

Tumpu aijo'mo na tomundo'; Ia mompusok baju' anu bau katalasanggoan ka' mule' bau kahosonan. Dunia nanintinjomo hoso-hoson madi' mingkokohenggo.

AMSAL 3:19

Kalana kapandean, bapikin sahingga Tumpu nompotimbalimo tano'; kalana pikilan-Nyo anu ma'ima' Ia nompobimo langit aita' i tampat-Nyo.

AMSAL 30:4

Iya na manusia anu toho'mo noliba' ka' nintatau' mae lengkat isuluga? Pa' toho'mo ia nongkongkomi mombun i uno nu limanyo ka' molupi' uee i uno nu baju'nyo, kabai nompotataap mo bata-batas nu dunia? Ihe na ia, ka' ihe na anaknyo? Tantu nusumbu' nu beleyum!

YESAYA 37:16

“O, Tumpu Anu Daka' na Kuasanyo, Tumpu anu mongkuasai iwi-iwi' na kalaja'an idunia aiya.

YESAYA 40:22

Anu nompotimbali ia jojoong ibuan nu dunia aiya anu timpo-timpodon mian anu jojoong i unonyo otoa mae me toto ise-ise' susumo kihi-kihi'. Ia nomboka langit susumo hude, ka' nompokona susumo kemah bau kajojoongan.

YESAYA 42:5

Tumpu nompotimbalimo ka' mule' nombokamo langit; Ia nontali'mo dunia ka' mule' iwi-iwi' na anu tumuu' i unonyo. Ia nombee'imo mian santuu' da tumuu' tiba kinyonyoa. Ia nompoto'imo potuunon aiya hi posaihon-Nyo,

YESAYA 44:24

Sumo uuka na koonyo nu Tumpu anu Momposalamatmo beleyum anu nompotimbalimo beleyum daagi' pe'e i uno nu ma'alum, “Akumo na Tumpu anu nompotimbalimo iwi-iwi na apaa, anu nombokamo aita' langit ka'nompotimbalimo tano' mau madi' ko anu nontulungi.

YESAYA 45:12

Akumo na Tumpu anu nompotimbalimo dunia aiya, ka' mule' nompotimbalimo mian da monjojoongi. Tiba kakuasa'an-Ku, Aku nombokamo langit ka' nompalentahmo batu nu sinaa, bitu'on tiba to manda-mandala'.

YESAYA 45:18

Tumpu na nompotimbali langit, Lamo ia Tumpu! Lamo ia nompotimbali ka' mule' nontali' dunia aiya, binaumo hoso-hoson ka' tataap satinjonyo. Ia madi' nompotimbali tampat anu liing hondo, panyo tampat da bau kajojoongan. Lamo ia notatae, “Akumo na Tumpu ka' madi'mo kosangga'atannyo.

YESAYA 48:13

Limang-Kumo aiya na nompokoko lananyo nu tano' ka' mule' nomboka aita' langa. De bisuanyo Ku lagamo na sanggo nu aha tokamo mae na aha malia-lia'.

YESAYA 49:8

Tumpu notataemo hi mian anu palesayamo hi Ia, “De Aku situjumo, Aku montaamimo; de tokamo isinaanyo nu Aku momposalamatmo, Aku montulungimo belemiu. Belemiu Ku lindungimo ka' Kujagaimo, ka' Ku potimbalimo palajanjian hi to bansa-bansa. Po ule'mo Ku bau na lipu' anu iliingmo hondo timbalimo tano' pusaka' anu ojojoongimo.

YEREMIA 10:13

Ola pinalentah-Nyo binuhokanmo na uee aita' ilanga Lengkat mae ipuusnyo nu tano' pinotoka-Nyomo mae na kundom, ka' pinojadi-Nyomo na kilat pojingkalap i uno nu ujan, ka' sinai-Nyomo mae na mombun lengkat itampat pinompo una'an-Nyo.

YEREMIA 10:16

Tumpu Allah i Yakub na madi' ahi'susumo pilogot haha aijo'; Ia na nompotimbali iwi-iwi na apaa. Sanggo-Nyo aijo'mo Tumpu Anu Mahakuasa; Ia nompile'imo Israel da timbalimo mian anu palesayamo hi Ia.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 27:5

“Tiba kakuasa'anKu anu daka' hondo ka' mule' tiba kahosonan-Ku, Aku noko alamo nompojadi' tano' tiba manusia ka' mule' sinin na binatang, ka' timbali Ku bee' na aijo' maumo pa' hihe na mian anu Ku kahanda'i.

YEREMIA 32:17

“Tumpu Anu Matangkas na Kuasanyo, Belentomo na anu nompotimbalimo langit tiba tano' nu kuasa tiba kamampuan nu Belento anu daka' hondo. Madi' ko anu madi' nu poko ala Nu bau.

ZAKHARIA 12:1

Aiyamo na potuunon nu Tumpu mongkona Israel. Tumpu anu nompotimbalimo langit ka' mule' nompotimbalimo dunia ka' nompotumuu'mo manusia notatae,

YOHANES 1:3

Iwi-iwi' na anu pinotimbali nolengkat mae hi Ia, ka' iwi-iwi' na anu daagi', madi' ko sa'angu' pe'e na anu pinotimbali de misa' Ia.

KOLOSE 1:16

Kalana nontului jalan hi Ia, Tumpu nompotimbalimo iwi-iwi na apaa anu i suluga' ka' i bawo nu dunia, iwi-iwi na apaa na anu kantoan ka' anu madi' kantoan, tibamo suele iwi-iwi na roh anu ko kuasa ka' anu mompalentah. Songko-songko na dunia aiya pinotimbalimo montului jalan hi Kristus ka' da baumo anu i Kristus.