YEREMIA 10:11 - KITAB NU TUMPU ALLA LELE MA'IMAI'

¹¹ Belemiu o manusia tionyo ahi' mompoto'i hi aha taalu' to pilo-pilogot anu madi' nompotimbali langit tiba tano' aijo' opateimo. Aha madi'mo daagi' tumuu' itano' aiya.)

YEREMIA 10:11 ပူးပေါင်းရင်းမြစ်များ

MAZMUR 96:5

To pilo-pilogot nu bansa sangga'at ola samata-mata patong bapilogotan, panyo Tumpu aijo'mo na anu nompotimbali aita' langa.

YESAYA 2:18

To pilo-pilogot imadi'anmo ingko-ingkot.

YESAYA 57:12

Panyo Ku poto'i hi belemiu; kapalesaya'an nu beleyum atina' madi' totu'u, ka' sinin na palabuatan nu belemiu madi' kogunanyo hi belemiu.

YEREMIA 10:15

Pilogot haha aijo' madi'mo ko halaga'nyo, pantasmo ahi' na oletakon ka' lewa' o, alu. De tokamo mae na tempo'nyo aha opateimo.

YEREMIA 43:12

Aku momposulimo apu ilaigan nu to pilo-pilogot nu aha Mesir, ka' i tomundo' Babel mompapuimo patong iwi-iwi' nu pilogot ilaigan nu pilogot kabai momboamo ilipu'nyo. Susumo samian na polaya' nu binatang mombaso'imo baju'nyo da bolimo ko kutunyo, sumo aijo'mo na i tomundo' Babel monsapuimo sampe belesi'mo na Mesir lantas po ule' mule' mamba madi'mo daagi' ko anu molingkang ia.

YEREMIA 43:13

Tugu-tugu nu bapilogotan kiijo' i Heliopolis i Mesir ohansunimo ka' mule' laigan nu to pilo-pilogot nu aha Mesir opapuimo sampe mingkot iwi-iwi'.”

YEREMIA 50:2

“Pokonai tanda ka' bebakonmo na lele hi to bansa-bansa taalu' Babel pinatundu'mo! Bolimo opohowini na han aijo'! I Merodakh pilogotnyo ihansunanmo ka' mule sinin na patongnyo anu toto henyu-henyu singkapmo nobiha-biha', ka' mule' bapilogotan nu aha madi'mo iholomatan.

YEREMIA 51:18

Bapilogotan haha aijo' madi' ko angga'nyo patut okokojoi ka sola' opopo ambang. De maluanyo tokamo na tempo'nyo, aha memang silakamo.

MOHAANGI 3:66

Loloi'mo ka' hansunimo na aha iwi-iwi' sampe aha mingkotmo iwi-iwi' i dunia aiya.”

YEHEZKIEL 30:13

Tumpu Anu Matangkas na Kuasanyo notatae, “Ku hansunimo na kapalesaya'an anu madi' totu'u tiba to pilo-pilogot anu kiijo' i Memfis. Madi'mo daagi' ko tomundo'nyo kiijo' Mesir. Iwi-iwi' na mian anu jojoong ikiijo' Ku pojadimo mabuhuk.

ZEFANYA 2:11

Tumpu mombaumo aha da mabuhuk. Ia mohansunimo to pilo-pilogot anu aiya i dunia. Lantas iwi-iwi' na bansa saidi' mae monsombahmo Tumpu i posi-posi lipu' nu aha.

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

ANU PINOTO'I HI YOHANES 20:2

Lantas ia nohakop ulo anu daka' hondo aijo', ulo aijo' pininmo hondo – aijo'mo Ibilis kabai Roh anu Ma'idek aijo' – ka' nompungumo ia samadala na taun na kopinnyo.

1 SAMUEL 5:4

Panyo dodododopnyo subu-subu tinoa nu aha na patong aijo' unanabu'mo mule' daha-dahapa i ahop nu Peti' Palajanjian aijo'. Kinopinduannyo aijo' ubak nu patong aijo' tiba limanyo ohu-ohua' nopato'mo ka natitimpasmo i ahop nu sabatannyo; Ola butongnyo nu patong aijo' na daagi sa'a-sa'angu'. (