YEREMIA 10:10 - KITAB NU TUMPU ALLA LELE MA'IMAI'

¹⁰ Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

YEREMIA 10:10 ပူးပေါင်းရင်းမြစ်များ

KAJADIAN 21:33

Lantas i Abraham nonsu'anmo sangkau na kau' tamariska kiijo' i Bersyeba ka' mulai tempo'nyo aijo' tampat aijo' binaumo ponsomban Tumpu, Tumpu Allah anu sampe toka sidu-sidutu'.

1 TOMU-TOMUNDO' 18:39

Salatan tinoamo nu mian da'isan apa-apaa na jinadimo aijo' aha tinolodadupumo i tano' ka' notatae, “Tumpu, memang Tumpu Allah! Totu-totu'u Tumpu aijo', memang Tumpu Allah!”

1 TOMU-TOMUNDO' 8:60

Tiba jalan anu sumo aijo' iwi-iwi' na bansa i dunia aiya monsumbu'je taalu' ola-olamo ahi' Tumpu, na Tumpu Allah, madi' ko sangga'atannyo.

1 TAWARIKH 29:11

Belento totu-totu'u talasanggo ka' daka' na kuasa nu Belento. Belento opopodaka' ka' talalo hondo o adati, anu mongkuasai iwi-iwi'.

2 TAWARIKH 15:3

Pininmo hondo na Israel madi' tinulu-tulutan hi Tumpu Allah anu totu'u, madi'mo ko atulan anu tionyo ahi' o tuluti ka' madi'mo ko to ima-imam anu mompotiju' aha.

AYUB 9:6

Tumpu Allah mompotimbali lulu' sahingga dunia mokohenggo, ka' ohi' anu montungkon dunia gayu'anmo.

MAZMUR 10:16

Tumpu mompalentah sampe toka sidu-sidutu' to bansa-bansa anu madi' monsumbu' Ia, saidi' mae madi'mo daagi' ko anu aijo' itano'-Nyo.

MAZMUR 100:3

Boli okolilimi kalana Tumpu aijo', Tumpu. Ia na nompotimbali kita ka' kita aiya Ia na tumpu-Nyo; kita mian anu palesayamo hi Ia, bansa anu pinotuu'-Nyomo.

MAZMUR 100:5

Kalana Tumpu aijo' manonong; kalibosannyo sampe toka sidu-sidutu' ka' kanonongannyo aijo' sampe molundu-lundu na tulunan.

MAZMUR 104:32

Ia montonto'i dunia ka' mompotimbali langkakatan bungkutnyo iwi-iwi' i henggonyo, sahingga nosabatmo mae na tibuknyo.

MAZMUR 114:7

O, tano', langkakatanmo na beleyum i ahop nu Tumpu, i ahap nu Tumpu i Yakub,

MAZMUR 145:13

Kapalentahan nu Belento sampe toka sidu-sidutu', kakuasa'an nu Belento tataap sampe molundu-lundu na tulunan. Tumpu saja' mongganapi iwi-iwi' apaa na anu jinanji'-Nyomo, Ia talalo hondo mongkalibosi iwi-iwi' apaa na anu binau-Nyomo.

MAZMUR 146:6

Iamo na nompotimbali langit tiba tano', ambai tiba iwi-iwi' na isinyo; Ia saja' manonong sampetoka sidu-sidutu'.

MAZMUR 18:7

I uno nu kasusa'anku aku nongkakasemo hi Tumpu, aku nolobo'mo hi Tumpu-ngku mongkakase da otulungi. Kiita' mae i laigan-Nyo i hongo-Nyomo mae na potataengku ka' nontutugiakonmo mae apaa na anu kinakase'kumo.

MAZMUR 29:10

Tumpu nongkuasaimo iaba' daka-daka' hondo aijo'mo air bah, Ia binalakuasamo salaku Tomundo' sampe toka sidu-sidutu'.

MAZMUR 31:5

Boli mae nu kona nu so'o na aku anu tina'anmo nu aha pohakop aku kalana hi Belentomo na tampat bau pihohunganku.

MAZMUR 42:2

Susumo jonga mongindimo uee nu kaunyo sumo aijo'mo na santuu'ku lewa'mo mongindi' Belento, o Tumpu Allah.

MAZMUR 68:11

Lantas mian anu palesayamo hi Belento jinojoongmo i kiijo' mae; kalana kanonongan nu Belento, o, Tumpu Belento nompotuu' mo mian anu kasiasi.

MAZMUR 68:8

O, Tumpu tempo'nyo Belento nolaya' mian anu palesayamo hi Belento i lumajang notulu i tampat anu madi' ko ueenyo,

MAZMUR 74:12

Salatanmo pe'e momonanyo Belentomo na tomundo'ku, o, Tumpu, Belentomo na nomposalamat mae kami.

MAZMUR 76:7

Iwi-iwi' na ajahan tiba anu monsake'i nanabu'mo ka' sinilakamo kalana sineganmo nu Belento, o, Tumpu Allah i Yakub!

MAZMUR 76:8

Totu-totu'u Belento okabuhuk hondo. De Belento motambuha'mo, ihe na moko ala mongahopi?

MAZMUR 77:18

Kundom nontudunakonmo mae ujan, gohung dinolundunganmo; kilat pinojo-pojohonjitmo iyaya mae.

MAZMUR 84:2

Ma'ima' ka' momposanang hondo kinyonyoa na kajojoongan nu Belento, o, Tumpu Anu Daka' na Kuasanyo!

MAZMUR 9:8

Tumpu mompalentah sampe toka sidu-sidutu'; Ia nompotinjomo kapalentahan-Nyo da oputusimo na dunia.

MAZMUR 90:11

Ihe na monsumbu' tambuha' nu Belento anu taha-tahahumo kabai mangalati' hondo pa' mosia na ka'ahenannyo nu tambuha' nu Belento?

MAZMUR 90:2

Ma'isa pe'e bungkutnyo iwi-iwi' pinotimbali, ma'isa pe'e tano' ka' dunia tinali' nu Belento, Belentomo na Tumpu anu sampe toka sidu-sidutu', madi' ko katampu'unannyo ka' madi' ko ka'ahenannyo.

MAZMUR 93:2

Kalaja'an nu Belento mahoson hondo salatanmo pe'e momonanyo, memang ma'isa pe'e iwi-iwi' pinotimbali, polo-polo'mo daagi' kino Belentonyo.

MAZMUR 97:4

Kilatnyo nonjingkaimo dunia, dunia ilakatnyomo na nontoa.

YESAYA 37:17

O, Tumpu de timbali toakon mae apaa na anu jinadimo aiya hi kami. Potombihingakon mae iwi-iwi' na potatae mompopo ambang anu tinaloakonmo i Sanherib hi Belento, Tumpu anu tumuu'.

YESAYA 37:4

Tomundo' nu aha Asyur nonsaimo mae suludadunyo mata-matangkas na pangkatnyo da mompopo ambang Tumpu anu tumuu'. Ihe anu monsumbu' pa' Tumpu nohongomo mae anu binau pinopo ambang nu aha aijo' ka' mohukumo aha anu nontaloakonmo mae aijo'! Kalana aijo' balado'amo hi Tumpu da nu tulungi mae na kita to mia-mian anu daagi' tutuu'.”

YESAYA 40:15

Tumpu montoa mae bansa-bansa idunia aiya ola susumo uee sanjoliji i uno nu pontauk uee, ola susumo sangkonuku na abu' itimbangan neraca; iwi-iwi na togong ola susumo ko laingnyo nu abu' anu ihansunmo hondo.

YESAYA 40:28

Minsoop i, akan mule' na beleyum madi' monsumbu' ka' mule' madi' nohongo? Tumpu anu sampe toka sidu-sidutu' anu nompotimbalimo songko-songko na dunia aiya. Ia madi' toho' mongoa'i lawe kabai pa' lu'us; pikilan-Nyo madi' opoko ala osumbu'-sumbu'.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 65:16

Toto samian ilipu' aijo' momoita balakat, momoita da obalakati nu Tumpu anu manonong. Toto samian anu mongka'oho' basumpa', basumpa'mo i sanggo nu Tumpu anu manonong. Kalana kasansala'an anu u'utu mae imadi'mo ka' kinolilimanmo.”

YEREMIA 23:36

Aha madi'mo timbali daagi' monggunakon potatae, ‘tanggungan anu nu bee' nu Tumpu’. De daagi' ko mian anu monggunakon potatae aijo', saba' Ku pojadimo na potuunon-Ku totu-totu'u da baumo tanggungan anu obee'mo hi ia. Mian anu montaloakon ‘tanggungan anu nu bee' nu Tumpu'’ ola kalana monggeo-geo'akon potataeng-Ku, Tumpu Allah nu aha, Tumpu Allah anu tumuu', Tumpu Anu Mahakuasa.

YEREMIA 4:2

De belemiu basumpa' i uno nu sanggong-Ku ka' belemiu tumuu' ahi' sahondo-hondonyo, adin ka' madi' mombau kasala'an, saba' iwi-iwi' na bansa momoitamo mae hi belengku da Ku balakati na aha, ka' aha mompuji'mo mae Aku.”

YEREMIA 4:24

Tinoangku na bungkutnyo tiba puge'nyo anu toto tangka-tangkas talalomo ahi' na ginayu'an.

YEREMIA 50:46

De maluanyo Babel opatundu'mo, ohongomo na anu hengge anu tahahumo hondo sahingga songko-songko na dunia tolokengkengmo ka' mabuhukmo; tando' nu to mia-mian anu jojoong ikiijo' kahongoanmo hi to bansa-bansa sangga'at.”

YEREMIA 51:29

Tano' gayu'anmo ka' tananggahanmo kalana Aku momposidamo tanga'an-Ku da opojadimo na Babel tampat anu kunmo anu madi'mo daagi' nu jojoongi nu manusia.

DANIEL 4:3

Daka' hondo na anu okabangangi binau-Nyomo Daka'hondo na anu okahebati anu ma'isa toho' jinadi binau-Nyomo. Tumpu timbalimo tomundo' sampe toka sidu-sidutu'. Ia balakuasa sampe toka sidu-sidutu'.”

DANIEL 4:34

Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

DANIEL 6:26

Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!

DANIEL 6:27

Ku palentahkon hi iwi-iwi' mian anu jojoong i kalaja'anku da mabuhuk ka' moholomati Tumpu anu nu sombah i Daniel! Ia atina'mo na Tumpu anu tumuu' sampe toka sidu-sidutu', sampe toka isinaa kakiamatan na Ia mompalentah. Kalaja'an-Nyo sabole-bole totinjo. Kakuasa'an-Nyo madi' ko kamingkotannyo.

DANIEL 7:14

Ia binee'anmo kaholomatan tiba kakuasa'an salaku tomundo' sahingga to mia-mian anu i iwi-iwi na bansa tiba tulunan nu bansa ka' mule' basa' tunduk hi Ia. Kakuasa'an-Nyo pin sampe toka sidu-sidutu', ka' Ia mompalentah madi'mo daagi' opobelenti.

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

MIKHA 1:4

To bungku-bungkutnyo hansunmo akaong i pala-Nyo susumo lilin i uno nu apu anu moakmo, tano'nyo motuba-tubasmo minsoopmo mokaiyong i to bangka-bangka'-Nyo, susumo uee anu aita' mae i bungkutnyo mo ilimo mokaiyong i hatanyo.

NAHUM 1:5

Bungkutnyo iwi-iwi' ilakatnyo i ahop-Nyo, ka' puge'nyo suele na enamo iwi-iwi'. De Tumpu tokamo mae dunia langkakatanmo ka' iwi-iwi' na anu monjojoongi suele nu lakatmo.

NAHUM 1:6

Ihe na moko ala montahan de Tumpu pusamo? Madi' ko anu madi' nu kona de Ia motambuha'mo? Ia mompotudunmo kapusan-Nyo anu inoakmo susumo apu, batu hansunmo ka' timbalimo abu' i ahop-Nyo.

HABAKUK 3:10

To bungku-bungkutnyo montoa Belento, gayu'anmo lengkat mae ilangit tinudunmo na ujan susumo anu obubusakon. Uee iuno nu tano' buhokanmo na onyi'nyo, bokonnyo mingkalulunmo ka' mintelepuakmo.

HABAKUK 3:6

De Belento madi'mo lumajang dunia gayu'anmo, de Belento montonto'imo to bansa-bansa tasigalamo. Iwi-iwi na bungkutnyo anu salatanmo pe'e dunia aiya mobiha-biha'mo; to puge-puge' anu memang tinatapmo i tampatnyo hede'mo, i puge'nyomo haha aijo'; na kinalajangan nu Belento daagi pe'e naipuan mae.

MALEAKHI 3:2

Tetapi ihe na moko ala totahan i sinaa nu Tumpu anu tokamo mae aijo' ka' mompotoamo butong-Nyo? Kalana Ia sumomo ahi' apu nu tukang anu lewa' monsopu' logam, ka' mule' sumomo ahi' sabung nu tukang baso'i hude.

MATIUS 16:16

I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

PO'ULE' INGULIT 5:26

Te toho' daagi' ko manusia anu tataap tumuu' salatan mohongomo Tumpu Allah anu tumuu' motatae i uno nu apu?

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

IBRANI 10:31

Palias na ko sansalanyo de manabu' i lima nu Tumpu Anu Tumuu'!

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.

TO MIA-MIAN KOPIAN 5:4

Tempo'nyo belento nambamo lengkat mae i Seir, o Tumpu, ka' da'erah nu Edom pinala'ianmo mae nu belento dunia ginayu'anmo, got nu uee anu kiita' i langit nolosutmo, ka' kundom nombulakakonmo ueenyo.

1 SAMUEL 17:26

Lantas notataemo na i Daud, “Baani hondo na mian nu Filistin anu bapilogot aijo' mongewa suludadu nu Tumpu Allah anu tumuu'!” Lapas aijo' pinokilawanyomo hi sala' samian na suludadu, “Apaa na anu nu bee'hi mian anu moko ala mompatei mian nu Filistin aijo', ka' da bau salaku pontong ambang nu aha Israel?”

1 SAMUEL 17:36

Aku nompateimo singa ka' beruang ka' mian nu Filistin anu bapilogot aijo' saidi' mae ku pokakanakonmo suele susumo binatang haha aijo', kalana ia baani na mompopo ambang suludadu nu Tumpu Allah anu tumuu'.