YEREMIA 10:1 - KITAB NU TUMPU ALLA LELE MA'IMAI'

¹ O mian nu Israel, potombihing mae na potuunon nu Tumpu toka hi belemiu.

YEREMIA 10:1 ပူးပေါင်းရင်းမြစ်များ

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

MAZMUR 50:7

“Potombihingakon mae, o mian anu palesayamo hi Beleng-Ku, Aku mongka'oho'mo motatae, O Israel, Aku mongka'oho'mo timbali sakisi mongkona belemiu; Aku aiya Tumpu, Tumpu nu belemiu.

YESAYA 1:10

Yerusalem tiba to pola-polaya' ka' bansa nu belemiu tinimbalimo nimbalu-balu'mo mian nu Sodom ka' Gomora. Apaa na anu pinalentahkon nu Tumpu hi belemiu hongo mae; apaa na anu ingajanakonmo nu Tumpu-nto opalahatikan.

YESAYA 28:14

Potombihing mae apaa na anu pinoto'imo nu Tumpu o belemiu anu sola moletakon lelewa' mompalentah mian da'isan i Yerusalem!

YESAYA 40:18

Jadi ihe na timbali bau pompokakana konan nu beleyum Tumpu? Ihe na nu anggap pokakana tiba Ia?

YESAYA 44:6

Aiyamo na potatae nu Tumpu Anu Daka' na Kuasanyo, Tomundo' ka' anu monjagai aha Israel, “Aku Tumpu Anu Sa'a-sa'angu'nyomo, anu momonanyomo pe'e mae ka' anu saidi' mae imihinyo.

YEREMIA 10:2

Ia notatae, “Bolimo mombau kabiasa'an nu to bansa-bansa sangga'at ka' boli tolokengkeng na montoa tanda-tanda aita' ilangit anu nunu kabuhuk nu bansa haha aijo'.

YEREMIA 2:4

Potombihing na potuunon nu Tumpu, o belemiu lee' mae i Yakub, tulunan nu to bansa-bansa Israel!

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

AMOS 7:16

Kalana aijo' potombihing pe'e apaa na anu tinaloakonmo nu Tumpu hi belemiu. Kalana beleyum montewa' aku balahotba mompisala'i bansa Israel.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

ANU PINOTO'I HI YOHANES 2:29

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”