YEREMIA 1:2 - KITAB NU TUMPU ALLA LELE MA'IMAI'

² Tumpu notatae hi Yeremia itaun kinosampulu'nyomo ka' totolu' nu i Yosia nompalentah anak i Amon tomundo' nu aha Yehuda.

YEREMIA 1:2 ပူးပေါင်းရင်းမြစ်များ

1 TOMU-TOMUNDO' 13:2

Kalana Nabi aijo' pinokau nu Tumpu sahingga ia notataemo daka-daka' i mezbah aijo' “O mezbah, o mezbah! Sumo uuka na koonyo nu Tumpu, 'Samian na anak anu osanggohije i Yosia, saidi' mae hampeje hi lee' mae i Daud. Aita' hi beleyum atina' o mezbah, nu pateije na to ima-imam anu mokalaja i tampat lewa' ponsomban pilogot, ka' anu monsombahkonmo koloban atina' hi beleyum. Ka' atina' hi beleyum mule' notatae na nabi aijo' nu papuije na to buku-buku nu mian.’ ”

1 TOMU-TOMUNDO' 13:20

Hau-haunyo aha suha-suhang mongkan, Tumpu notataemo hi nabi anu i lalangkai'mo aijo'

2 TOMU-TOMUNDO' 21:18

I Manasye sinilakamo ka' i lamunmo i taman anu kiijo' koko laigan nu tomundo' aijo'mo taman i Uza. I Amon anaknyo momo'ane na tinimbali tomundo' nombolosakon ia.

2 TOMU-TOMUNDO' 21:24

Panyo mian da'isan nu Yehuda nompateimo aha anu nompateimo i Tomundo' Amon aijo', lantas nohangkatmo i Yosia anaknyo binau tomundo'.

2 TOMU-TOMUNDO' 22:3

I Tomundo' Yosia ko gulu tulisnyo samian sanggonyo i Safan anak i Azalya, makumpu i Mesulam. I taun ko sampulu'nyo ka' ualu' na taun na i Tomundo' Yosia nompalentah, i tomundo' nombee'imo palentah hi gulu tulisnyo sumo uuka. “Lako' hi Imam Hilkia Imam Daka' kiijo' i Laigan nu Tumpu, ka' poto'i hi ia da nu poto'i mae pa' sangkukamo na konjoo'nyo nu Doi anu lewa'mo i limu'an nu to ima-imam anu monjaga i sabatan pinso-pinsoopan i Laigan nu Tumpu.

YEREMIA 1:11

Tumpu nompokilawamo mae hi belengku, “Apaa na anu tinoamo nu beleyum, Yeremia?” Aku nontaamimo, “Panga' nu kau' badam, o, Tumpu.”

YEREMIA 1:4

Tumpu notataemo mae hi belengku,

YEREMIA 25:3

“Inguampulu' ka' totolu' na taun na kinopinnyo, salatanmo pe'e itaun kinosampulu'nyomo ka' totolu' na i Yosia nompalentah Yehuda anak momo'ane i Amon sampe tinoka isinaa aiya Tumpu notataemo mae hi belengku ka' madi' toho' madi' pinoto'ingku hi belemiu apaa na anu pinoto'i-Nyomo mae. Panyo madi' ahi' pinajulian nu belemiu.

YEREMIA 28:12

Madi' pinin salatan noko lapasmo na han anu jinadimo aijo', Tumpu nompalentahmo mae aku,

YEREMIA 3:6

Tempo'nyo i Tomundo' Yosia nompalentah, Tumpu notataemo mae hi belengku sumo uuka; “Pa' tinoamo nu beleyum apaa na anu binaumo nu aha Israel, boune anu madi' tulu-tulutan aijo'? Ia nompala'imo Aku ka' nombaumo palabuatan masala' aita' mae itoto sa'angu' na puge'nyo anu matunjo ka' mule' ipatuu nu kau toto sangkau anu tambok na honnyo.

YEREMIA 36:2

“Ala na kitab sa'angu' anu ilulun, ka' tulis ikiijo' iwi-iwi' na anu pinoto'ing-Kumo hi beleyum mongkona Israel tiba Yehuda ka' mule' mongkona iwi-iwi' na bansa. Tulis iwi-iwi na potataengKu lengkat pe'e mae momonanyo Aku notataemo hi beleyum tempo'nyo i Tomundo' Yosia nompalentahmo sampe tempo uuka aiya.

HOSEA 1:1

Aiyamo na potuunon anu binee' nu Tumpu hi Hosea anak i Beeri tempo'nyo kalaja'an Yehuda pinalentah i Tomundo i Uzia, i Yotam, i Ahas, ka' i Hizkia, ka' kalaja'an Israel pinalentah i Yerubeam anak i Yoas.

YOËL 1:1

Aiyamo na potuunon nu Tumpu hi Yoël anak i Petuel.

YUNUS 1:1

Daagi kino sansinaan, Tumpu notataemo hi Yunus anak i Amitai.

MIKHA 1:1

Pinolengkatan mae i Mikha i sa'angu' na kota' anu ise' sanggonyo Moresyet. Tempo'nyo lipu' nu Yehuda pinalentahmo nobolo-bolosan na Tomundo' aijo'mo i tomundo' Yotam, i Ahas, tiba i Hizkia. I Mikha nohumpakmo potuunon hi Tumpu mongkona Samaria tiba Yerusalem.

ZEFANYA 1:1

I Zefanya anak i Kusyi. Lundu-lunduannyo nu tulunannyo lengkat hi Kusyi de otundun sule-sule' aijo'mo i Kusyi, i Gedalya, i Amazia tiba i Tomundo' Hizkia. Sumo uuka na potuunon nu Tumpu hi Zefanya tempo'nyo i Tomundo' Yosia anak i Amon nompalentahmo aha i Yehuda.