YEREMIA 1:16 - KITAB NU TUMPU ALLA LELE MA'IMAI'

¹⁶ Ku hukumo na mian anu palesayamo hi beleng-Ku, kalana aha binaladosa'mo ka' nohikumo mae Aku. Aha nonsombahkonmo koloban hi pilogot nu aha ka' lewa'mo nombau patong ka' sinombahmo nu aha.

YEREMIA 1:16 ပူးပေါင်းရင်းမြစ်များ

2 TOMU-TOMUNDO' 22:17

Aha nohikumo Aku ka' nonsombahkonmo koloban hi pilogot sangga'at. Iwi-iwi' na anu binaumo nu aha nonsungkelekmo kinyonyoang-Ku sahingga Aku pinusamo. Aku nontambuha'imo Yerusalem, ka' tanbuha'ku aiya madi'mo ku poko sabanakon.

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

2 TAWARIKH 28:2

Ia tinumuu'mo susumo to tomu-tomundo nu aha Israel ka' nompalentahmo mian da mombau to pato-patong nu Baal tambaga na o tutuk,

2 TAWARIKH 34:25

Aha nohikumo aku ka' nonsombahkonmo koloban hi iwi-iwi na pilogot nu aha. Iwi-iwi' na anu binaumo nu aha nomposumongkelekmo aku. Aku pinusamo hi Yerusalem ka' pusang-Ku aijo' madi'mo Ku poko intim.

2 TAWARIKH 7:19

Panyo de beleyum ka' mian nu beleyum molanggaimo to atu-atulan ka' anu Ku palentahkon iwi-iwi', ka' mule' monsombahmo to pilo-pilogot sangga'at,

YESAYA 2:8

Iyaya mae ko bapilogotan, ka' mule' aha monsombah pato-patong anu nu posi bau nu aha.

YESAYA 37:19

Pilogot-pilogot nu aha suele pinapuanmo nu aha ka' ihansunanmo kalana pilogot haha aijo' madi' hondo-hondo balakuasa. Aha ola patong kau' na binau ka' batu anu binau nu mian.

YESAYA 44:15

Sambagian na kau' aijo' ingalanyomo binau kau' anu oposun da pinjohuan ka' mule' da bau pontunuan roti ka' mule bau pontapa' ponoha' lantas sanangmo na kinyonyoanyo. Ia minjohumo ka' motataemo, “Beh, na ko ima' hondo, ka'napanasmo mae! Memang nomposanangmo mae na apu aiya!” Tuha' aijo' binaunyomo patong. Ia tinolodadupumo ka' nonsombahmo ka' ia binalado'amo, “Belentomo na tumpu allah ngku, posalamatakon mae na aku!”

YESAYA 65:3

Aha saja' mombau anu moko potambuha' Aku kalana monsombahkonmo koloban i ale' nu aha hi to pilo-pilogot ka' nompapuimo kamangian i mezbah ponsombahkonan haha aijo'.

YEREMIA 10:15

Pilogot haha aijo' madi'mo ko halaga'nyo, pantasmo ahi' na oletakon ka' lewa' o, alu. De tokamo mae na tempo'nyo aha opateimo.

YEREMIA 10:3

Adat nu bansang haha aijo' madi' hondo ko gunanyo. Aha montaa' kau' i alas ka' opoki bau hi tukang kau' da bau patong nu pilogot.

YEREMIA 11:12

Lantas mian nu Yehuda tiba mian anu jojoong i Yerusalem mambamo momoita tulung hi to pilo-pilogot sangga'at anu nu sombah nu aha nu palasombahan koloban. Pilogot haha aijo' madi' ahi' moko ala momposalamat aha de balaa' aijo' tokamo mae.

YEREMIA 11:17

Akumo na nompotinjo Israel tiba Yehuda, Aku, Tumpu Anu Mahakuasa. Panyo uuka aiya Aku ko kahanda'mo mompotoka mae balaa' hi aha. Posi ahamo ahi' iwi-iwi' na nonsaduakon aijo', kalana aha nombaumo palabuatan anu ma'idek, aijo'mo nonsombahkonmo koloban hi Baal sahingga Aku pinusamo.”

YEREMIA 15:6

Belemiu madi'mo nontalima ka' mule' nompala'imo Aku, kalana aijo' Ku tangkakonmo na limang-Ku da mohansunimo belemiu, kalana na osamo na Aku nongintim tambuha'-Ku.

YEREMIA 16:11

Poto'i hi aha Aku notatae sumo uuka, ‘Mompolee' nu belemiu nompala'imo Aku da monsombahmo ka' palesayamo hi pilogot sangga'at. Aha nonteemo Aku ka' madi'mo nongka'oho' nontuluti sinin na atulan-Ku.

YEREMIA 17:13

O Tumpu, Belentomo na bau kataha'imanan nu Israel, mian anu palesayamo hi Belento; iwi-iwi' na anu nompala'imo Belento saidi' mae ma ambangmo. Aha saidi' mae mingkotmo madi'mo ko anu idunia aiya ka' mambamo idunia nu mian anu sinilakamo. Kalana, Belento pipinolengkatan mae nu uee anu bau kantumuu'an pinala'ianmo nu aha, o Tumpu.

YEREMIA 18:15

Panyo mian anu palesayamo hi beleng-Ku nongkolilimimo Aku, ka' nompapuimo kamangian sinombahkon hi pilogot. Aha tinasala'mo ijalan nai-naipuan mae anu tionyo ahi' nu tului nu aha, lantas noselemo namba ijalan anu ma'isa pinohata.

YEREMIA 19:4

Han aijo' Ku baumo kalana bansa aiya nompala'imo Aku. Aha nohumimi'imo tampat aiya kalana nonsombahkonmo koloban hi to pilo-pilogot anu madi' nu sumbu' nu aha, hi pompolee' nu aha ka' hi to tomu-tomundo' nu Yehuda. Aha mule' ahi' nongisiimo tampat aiya nu baso' nu to mia-mian anu madi' kokasala'annyo.

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEREMIA 2:17

Posi beleyumo ahi' na nonsabapi iwi-iwi' na anu jinadimo hi butong nu beleyum kalana tempo'nyo beleyum tinaka'-Kumo na ilumajang beleyum nohikumo mae Aku, Tumpu Allah nu beleyum.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

YEREMIA 2:28

Iyamo mae na pilogot nu belemiu anu bibinaumo nu belemiu? De ko kasusa'an, pokau na aha da momposalamat belemiu de memang ahi' aha moko ala! O Yehuda, pilogot nu belemiu sumomo ahi' konjoo'nyo nu kota' nu belemiu!

YEREMIA 4:12

panyo mombun anu makansang hondo anu toka mae atas palentah nu Tumpu da mombee'imo hukuman hi aha mian anu palesayamo hi Ia.

YEREMIA 4:28

Tano' humangmo, langit pikatmo hondo. Tumpu notataemo, ka' madi'mo mongabali na anu tinanga'an-Nyomo. Ia nontantukanmo kaputusan ka' madi'mo daagi' tolosule' mau ola sumo pala nu tengke.

YEREMIA 44:17

Iwi-iwi' na anu jinanji'mo mami, tionyo ahi' obaumo mami. Kami saja'mo ahi' monsombahkon koloban hi Tomundo' boune nu Suluga' ka' mondudu'akon anggur salaku palasombahan hi ia susumo anu biasamo nu bau nu aha ikota-kota' Yehuda ka' ijalan-jalan ikota' Yerusalem nu aha mompolee' mami, tiba aha to tomu-tomundo' ka' to mia-mian anu kopangkatnyo aijo'mo pamalentah mami ka' mule' ahi' kami. Tempo'nyo aijo' manjoo' hondo na anu okaan mami, kami mohumpakmo kamajuan ka' madi'mo ko anu okasusa'akon mami.

YEREMIA 5:29

Panyo, Aku, Tumpu, mohukumje aha kalana palabuatan haha aijo' iwi-iwi'; Ku balosimo na palabuatan-palabuatan nu bansa aiya.

YEREMIA 5:9

Apaa madi' pantasmo ahi' na Aku mohukumo bansa anu susumo aijo' ka' mombalosimo apaa na anu binaumo nu aha?

YEREMIA 51:17

Salatan nontoa aijo' iwi-iwi' sininsumbu'je na manusia taalu' ia ponga' ahi' ka' madi' ahi' mangalati'. To tuka-tukang montutuk mosoni' madi'mo pinalesaya aijo' madi' totu'u ka' madi' kosantuu'nyo.

YEREMIA 7:17

Pinosi toamo nu beleyum apaa na anu binaumo nu aha isinin na kota' nu Yehuda ka' mule' isinin na jalan i Yerusalem!

YEREMIA 7:18

To ana-anak mongato mae kau' anu oposun, to momo'ane momposun apu ka' to bou-boune monggalo anu okompo-kompon bau kukis anu pontalakani pilogot anu osa-osanggohi nu aha Tomundo boune nu Suluga'. Ka' da bau ponsakiti nu aha kinyonyoang-Ku aha nonsombahkonmo anggur hi to pilo-pilogot sangga'at.

YEREMIA 7:9

Belemiu montomang, mompatei, masala', timbali sakisi anu baleko', monsombahkon koloban hi Baal ka' mule' monsombah to pilo-pilogot anu madi' osumbu' nu belemiu.

YEHEZKIEL 16:18

Nu popusokimo nu beleyum baju' anu ko sujinyo anu binee'-Kumo hi beleyum. Nu sombahkonmo nu beleyum hi aha na lanya' nu zaitun tiba kamangian anu ihumpak nu beleyum hi beleng-Ku.

YEHEZKIEL 24:14

Aku, Tumpu Anu Matangkas na Kuasanyo notataemo. Tinokamo na tempo'nyo na Aku mohukumo. Madi' Ku kolilimi' na dosa' nu beleyum ka' madi'mo daagi' mongampuni kabai mongkalibosi beleyum. Beleyum ohukumo sitimbang tiba palabuatan nu beleyum iwi-iwi'. Aku, Tumpu Anu Matangkas na Kuasanyo notataemo.”

HOSEA 11:2

Panyo lebe Ku laga na anak-Ku aijo' lebe mule' ahi' majo'on na ia hi beleng-Ku. Ia momboa koloban ka' mompapui kamangian osombahkon hi Baal tiba hi pilogot sangga'at.

HOSEA 8:6

Sapi' mosoni' anu osombah kiijo' i Samaria aijo', anu bibinau nu to mia-mian anu pakawelan i Israel! Aijo' misa' Tumpu, kalana aijo' tionyo ahi' ohansuni!

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

SISIKON NU TO RASUL-RASUL 7:41

Lantas tempo'nyo aitu aha nombau sa'angu' na patong anak nu sapi', lapas aitu aha nonsombahkonmo koloban i patong aijo' ka' nombau-bauon ponsombah anu pinosi bau nu aha aijo'.

PO'ULE' INGULIT 28:20

De belemiu mombaumo anu ma'idek, ka' madi'mo mompajuli Tumpu, Nu potokamo saidi' mae na balaa', kahengge'an, kasusa'an i han iwi-iwi' apaa na anu obau nu belemiu, sahingga i uno nu tempo' anu madi' pin, belemiu opateimo iwi-iwi'.

PO'ULE' INGULIT 31:16

Tumpu notataemo hi Musa, “Madi'mo pin beleyum silakamo. De beleyum silakamo, bansa Israel madi'mo daagi' mohongo-hongo Aku ka' mompojalomo apaa na anu jinanji'Kumo hi aha. Aha mompala'imo Aku da monsombahmo to pilo-pilogot anu nusombah nu lipu' anu madi'mo pin nupinsoopimo nu aha.

ANU PINOTO'I HI YOHANES 9:20

Panyo tuha' nu mian anu madi' pinatean nu balaa' haha aijo' suele madi' ahi' mompala'i pakalaja'an nu lima nu aha. Aha sabole-bole ahi' monsombah to roh-roh ma'idek, ka' to pilo-pilogot mosoni', salaka, tambaga, batu ka' kau' anu madi' moko ala montoa kabai mohongo, kabai pe'e lumajang.