YEREMIA 1:14 - KITAB NU TUMPU ALLA LELE MA'IMAI'

¹⁴ Tumpu notataemo, “Lengkat mae i sasu utara balaa' tombulokmo mae mongkona iwi-iwi' mian anu jojoong ilipu' aiya.

YEREMIA 1:14 ပူးပေါင်းရင်းမြစ်များ

YESAYA 14:31

Polotando'mo na humang, ka' mule' poloboo'mo momoita tulung o, belemiu kota-kota' Filistin! Tionyo ahi' belemiu iwi-iwi' kalangkabutmo ka' mule' mabuhukmo! Abu' susumomo kundom na kopuha-puha lengkat mae i sasu utara montandaimo katokaan mae nu gombuan nu suludadu nu aha sampobali'; madi' ko anu tolokondon' na kinyonyoa nu aha aijo'.

YESAYA 41:25

Aku nompotukamo samian anu lengkat mae i sasu kabete'an; Ilagang-Kumo na ia da montumbuhimo mae lengkat mae sasu utara. To mia-mian anu balakuasa nu pahampeja'akonmo susumo hensek, susumo mian anu lewa' mombau kuhon tano' mompahampeja'akonmo tano' ponto.

YEREMIA 10:22

Potombihing mae! Daagi' ko lele koonyo nu aha sa'angu' na bansa isasu utara nompopobuhukmo mae. Suludadu nu aha mompojadimo kota-kota' nu Yehuda liingmo ka' madi'mo daagi' ko anu monjojoongi. Dedeng nu alas maninsulukmo kiijo' mae.”

YEREMIA 11:17

Akumo na nompotinjo Israel tiba Yehuda, Aku, Tumpu Anu Mahakuasa. Panyo uuka aiya Aku ko kahanda'mo mompotoka mae balaa' hi aha. Posi ahamo ahi' iwi-iwi' na nonsaduakon aijo', kalana aha nombaumo palabuatan anu ma'idek, aijo'mo nonsombahkonmo koloban hi Baal sahingga Aku pinusamo.”

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEREMIA 31:8

Lengkat mae isasu utara sinule'akon-Kumo na aha Pinosihukumo na aha lengkat mae ipuus nu tano'. Mian anu napisokmo tiba mian anu kinapi'mo mambamo hingga-hinggat tiba aha, ka' suele boune anu sala'je nompohampe anak tiba anu poboa malia'mo monganak. Aha iwi-iwi' po ule'mo mae toka ka' manjoo'mo hondo na mamba mae ilipu' aiya.

YEREMIA 4:6

Potiju' na jalan mamba i Sion, puge'nyo nu Tumpu, palia-lia'mo popalai boli ola momohokot. Tumpu mompotokamo mae balaa' ka' kahansunan anu daka' hondo lengkat mae isasu utara.

YEREMIA 46:20

Mesir sumomo anak nu sapi' anu molompo', panyo saja' nu posuba'at nu lalo daka-daka' anu lengkat mae isasu utara.

YEREMIA 47:2

Tumpu notatae, “Toa na uee no ilimo lengkat mae isasu utara ka' nosawe'mo susumo uee anu ingiaba'mo ka' nonganjuhakonmo lipu' tiba apaa na anu kiijo' i unonyo. Mian naha loboo'anmo na momoita tulung, ka' iwi-iwi' na mian da'isan humangmo.

YEREMIA 50:41

Sa'angu' na bansa anu mahoson hondo nolengkatmo mae ilipu' majo'on sasu utara. Aha nambamo mae ka' manjoo' na tomundo' da mahampatemo.

YEREMIA 50:9

Ku tipaha'imo na to bansa-bansa anu toto hoso-hosan lengkat mae isasu utara da nu tumbuhimo nu aha na Babel. Nu atunje nu aha na balisan montumbuhi mongewa Babel ka' mompopatundu'mo aha. Aha atina'mo na to mia-mian anu toto pande-pande na mompana' ka' hihisnyo madi' toho' panseon.

YEREMIA 6:1

Lako palaimo, o tomia-mian nu Benyamin! Pala'imo na Yerusalem! Po onyi'mo na tolompet kiijo' i Tekoa ka' pomoakmo na apu salaku tanda i Bet-Kerem! Balaa' tiba kasilaka'an anu opalias hondo montumbuhimo mae lengkat isasu utara.

YEREMIA 6:22

Tumpu notatae, “Sa'angu' na bansa anu mahoson hondo nolengkatmo mae lengkat ilipu' anu majo'on isasu utara. Aha toka mae kahanda'mo mahampate.

YEHEZKIEL 1:4

Aku nonsinda nokiita ka' nontoamo antong anu makansang hondo lengkat mae isasu utara. Gohung anu pino-pinolintupmo lengkat mae aijo' isanggombu na kundom, ka' langit anu nu sangkup nu toa nu matangku najingkamo hondo. I uno nu kilat anu pino-pinojohonjitmo aita' daagi' ko sa'angu' na tinoa jongkilaban susumo tambaga'.

YEHEZKIEL 24:3

Aku, Tumpu daagi' ko sa'angu' na kantuangan da opoto'i hi aha mian anu palesayamo hi beleng-Ku anu mongka'oho'mo motomuhuk mae: Isii nu uee na kuhon ka' pokokomo i apu.

YOËL 2:20

Sampahas na kihi-kihi' lengkat mae i utara Ku laa'je sambagian Ku laa' i padang bone'. Mamba' i Ambai Mate, Ku sigala na balisnyo anu momona mamba i Ambai anu Totonga'nyo, Ku salakon na balisan anu aitu mae imihinyo. To maya-mayatnyo mabusikmo saidi' mae. Aha Ku hansuni kalana nonsakisamo belemiu.

ZAKHARIA 6:6

Kareta anu bau pahampate nunu hela' nu ajahan mo'itom tujuannyo mamba i Babel sasu utara. Ajahan mopute' tujuannyo mamba i sasu kinsoban, ka' ajahan belongka' tujuannyo mamba i negara salatan.”