YEREMIA 1:10 - KITAB NU TUMPU ALLA LELE MA'IMAI'

¹⁰ Sinaa aiya Ku bee'mo hi beleyum na kusa da mongkuasai bansa-bansa tiba kalaja'an-kalaja'an – kuasa da timbali montua'akon ka' timbali mohobo'akon, da timbali mompobahangkang ka' da timbali monsilakai, da timbali mompotinjo, ka'da timbali monsu'an.”

YEREMIA 1:10 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 19:17

Ihe na ma'isa pinatean i Hazael nupateije i Yehu, ka' aha anu ma'isa nu poko patei i Yehu nupateije i Elisa.

ANU MOMPOLELE POTATAE NU TUMPU 3:3

tempo'nyo opateimo ka' tempo'nyo mompa'alin, tempo'nyo mongidei ka' tempo'nyo mombau.

YEREMIA 1:5

“Ma'isa pe'e Aku nontali' beleyum i uno nu ma'alum nu tina nu beleyum, ka' ma'isa pe'e beleyum ihampe, pinile'an-Kumo ka' ihangkat-Kumo na beleyum da bau nabi nu to bansa-bansa.”

YEREMIA 24:6

Ku jagai na aha ka' po ule' momboa mae aha minsusule' ilipu' aiya. Aku po ule' mombangonakon aha, misa' mongidei aha;

YEREMIA 25:13

Babel Kuhukumo nu balaa' manjoo' hondo anu pinotutugakon-Kumo pohukum bansa-bansa tiba hi aha anu pinoto'ing-Kumo hi Yeremia ka' pinoto'inyomo hi aha aijo'mo iwi-iwi' na balaa' anu tinulismo ikitab aiya.

YEREMIA 31:28

Susumo naipuan mae Aku nonjagaimo aha da lapas mae Ku gautakonmo, Ku hobo'akonmo ka' Ku hansunimo na aha, sumo aijo'mo na Aku mule' monjagai aha, Ku pokododo ka' po ule' Ku bangonakon na aha.

YEREMIA 31:40

Songko-songko na bangka'nyo aijo' anu pinakemo salaku lewa bau polamunan mian ka' bau tampat pongalinan duhehe ka' mule' iwi-iwi' na ale' isonibi nu Kaunyo Kidron toka-toka i Sabatan Daka' Ajahan namba isasu kabete'an aijo' binee'mo samata-mata bau kapentingan-Ku. Kota' Yerusalem madi'mo daagi' ohobo'akon kabai ohansuni.”

YEREMIA 36:2

“Ala na kitab sa'angu' anu ilulun, ka' tulis ikiijo' iwi-iwi' na anu pinoto'ing-Kumo hi beleyum mongkona Israel tiba Yehuda ka' mule' mongkona iwi-iwi' na bansa. Tulis iwi-iwi na potataengKu lengkat pe'e mae momonanyo Aku notataemo hi beleyum tempo'nyo i Tomundo' Yosia nompalentahmo sampe tempo uuka aiya.

YEREMIA 44:27

Aku bala usahamo da belemiu silakamo ka' madi'mo mohumpak ka'ima'an i uno nu kantumuu'an, sampe belemiu silakamo iwi-iwi' mau pa' kalana pahampatean kabai kalana panyakit anu molele.

YEREMIA 45:4

O Barukh! Aku, Tumpu hau-haunyomo mohobo'akon anu pinotinjong-Kumo ka' mule' hau-haunyomo monggautakon anu sinu'an-Kumo. Songko-songko na dunia Ku baumo susumo aijo'.

YEHEZKIEL 21:19

“O, manusia anu madi' tumuu' batu, soba gamban ohua' na jalan anu timbali nu tului i tomundo' Babel, nonomboamo bajaknyo. Ohu-ohua' na jalan aijo' tionyo ahi' nolengkat mae i sa'angu' na lipu'; jalan sa'angu' mamba i Raba kota' Amon; jalan sa'angu' mule' mamba i Yerusalem, kota' anu ko bentengnyo i daerah Yehuda. Pokonai dopi' da bau pompotiju' popanga'anmo nu jalan.

YEHEZKIEL 23:36

Tumpu notataemo mae hi belengku, “O, manusia anu madi' tumuu' batu, sinadiamo na beleyum momputusi hukuman i Ohola tiba Oholiba? Tewa' na aha sola-solamo nombau anu okahegati da bolimo lewa' nu bau nu aha.

YEHEZKIEL 32:18

“O manusia anu madi' tumuu' batu, haangmo kalana ko anumo sinilaka na aha mian da'isan nu Mesir. Pakatumo na aha da mambamo i dunia nu mian anu sinilakamo hingga-hinggat tiba lipu-lipu' sangga'at anu mahoson.

YEHEZKIEL 36:36

Sahingga bansa-bansa anu mompaha ohani tiba aha anu daagi' kiijo' monsumbu'je taalu' Akumo ahi' na Tumpu, anu po ule'mo nombau to kota-kota' anu ihansunmo, ka' po ule'mo nongkalaja ale' anu singkapmo kinun. Aku, Tumpu notataemo, ka' memang ahi' mompojadimo.”

YEHEZKIEL 43:3

Anu tinoa aijo' pokakanamo susumo anu tinoangku tempo'nyo Tumpu tinoka mae nohansuni Yerusalem, ka' mule' pokakana susumo anu tinoangkumo i Kaunyo Kebar. Lantas aku tinolodadupumo ka' nonsombah.

HOSEA 6:5

Aijo' na sababnyo sinaing-Kumo na to nabi-nabing-Ku da mompotoka hi belemiu kaputusan-Ku, saba' belemiu tionyo ahi' o hukumo ka' osilakaimo. Anu Ku kahanda'i hi belemiu natantumo ka' naningkoyamo.

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

ZAKHARIA 1:6

Aha to nabi-nabi posaihon-Ku haha aijo' pinoto'ing-Kumo na to pale-palentang-Ku ka' mule' to poki-pokinde'-Ku da opoto'i hi mompolee' nu belemiu. Panyo aha madi' nompajuli sahingga aha tionyo ahi' montanggung apaa na anu jadi saidi' mae imihinyo. Lantas aha nompele-pele'mo ka' mule' nongakuimo tukoonyo nu aha Akumo na Tumpu Anu Daka' na Kuasanyo mohukumo aha sitimbang tiba kasala'an nu aha ka' susumo ahi' anu tinantukan-Kumo.”